Sarva Pitri Amavasya 2023 : यंदा सर्वपित्री अमावस्येला दुर्मिळ योगायोग, पितरांचा आशीर्वाद कायम राहील, 'हे' उपाय करा

Sarva Pitri Amavasya 2023 : भाद्रपद महिन्यातील अमावस्याला सर्वपित्री अमावस्या म्हणतात. जर एखाद्याला आपल्या पूर्वजांची मृत्यू तारीख माहित नसेल, तर त्यांचे श्राद्ध या दिवशी केले जाऊ शकते.

sarva pitri amavasya 2023 marathi news

Pitru Paksha 2023 : पितृपक्षात सर्वपित्री अमावस्येला विशेष महत्त्व आहे. ही श्राद्धाची सर्वात महत्वाची आणि शेवटची तिथी आहे. भाद्रपद महिन्यातील अमावस्याला सर्वपित्री अमावस्या म्हणतात. या दिवशी अशा सर्व पितरांचे श्राद्ध केले जाते जे अमावस्येला मरण पावले किंवा ज्यांची मृत्यू तारीख माहित नाही. पितृपक्षात पितरांचे श्राद्ध करता येत नसेल, तर पितृदोष टाळण्यासाठी सुद्धा या अमावस्येला श्राद्ध करता येते. या वेळी सर्वपित्री अमावस्या 14 ऑक्टोबर, शनिवारी आहे. यावेळी पितृ पक्षातील अमावस्येला अनेक दुर्मिळ योगायोग घडत आहेत. या योगांमध्ये पितरांचे श्राद्ध आणि तर्पण केल्याने पूर्वजांचा आत्मा अनेक वर्षे तृप्त राहतो, असे मानले जाते.

 

सर्वपित्री अमावस्येचा शुभ मुहूर्त

अमावस्या तिथी : 13 ऑक्टोबर सकाळी 9.51 पासून सुरू होते

अमावस्या तिथी समाप्ती : 14 ऑक्टोबर, शनिवारी रात्री 11:25 वाजता

 

सर्वपित्री अमावस्येला दुर्मिळ योगायोग

ज्योतिषांच्या मते, या वर्षी पितृ पक्षातील अमावस्या 14 ऑक्टोबरला येत आहे. याला मोक्षदायिनी अमावस्या असेही म्हणतात. यावेळी सर्वपित्री अमावस्येला अतिशय शुभ योगायोग होत आहे. यावेळी अमावस्याचा दिवस शनिवार असल्याने याला शनैश्चरी अमावस्या असेही म्हटले जाईल. वर्षातील शेवटचे सूर्यग्रहणही याच दिवशी होणार आहे. या दिवशी शुभ इंद्र योगही तयार होत आहे. अश्विन महिन्यात येणाऱ्या सर्वपित्री अमावस्यामुळे त्याचे महत्त्व आणखी वाढले आहे. या शुभ संयोगांमध्ये पितरांना नैवेद्य दाखवून त्यांना प्रसन्न आणि संतुष्ट करता येते.

 

अशा प्रकारे आपल्या पूर्वजांना निरोप द्या

पितृ पक्षाची समाप्ती सर्वपित्री अमावस्या तिथीला होते. या दिवशी सकाळी स्नान केल्यानंतर गायत्री मंत्राचा उच्चार करताना सूर्यदेवाला जल अर्पण करावे. पिंपळाच्या झाडाला पितरांचे निवासस्थान मानले जाते. त्यामुळे या दिवशी पिंपळाच्या झाडाला जल अर्पण करावे. या दिवशी पितरांसाठी काळ्या तिळासह जल अर्पण करा, यामुळे घरामध्ये पितरांचा आशीर्वाद कायम राहील. पितरांना दूध, तीळ, कुशा, फुले आणि सुगंध मिसळलेले पाणी अर्पण करावे. असे मानले जाते की, जल अर्पण केल्याने पितरांची तहान भागते.

 

पंचबलीसह या लोकांना अन्न अवश्य द्यावे

घरी श्राद्धासाठी तयार केलेल्या अन्नातून अन्नाचा काही भाग काढून पंचबली म्हणजेच गाय, कुत्रे, कावळे, देवता आणि मुंग्यांना द्यावा. पूर्वजांच्या कल्याणासाठी आदरपूर्वक प्रार्थना करा. या दिवशी ब्राह्मण किंवा गरीब गरजूंना अन्नदान करा आणि आपल्या क्षमतेनुसार दान करून निरोप घ्या. या दिवशी आपली बहीण, जावई आणि पुतण्या यांना अन्नदान करा. असे मानले जाते की पितरांना त्याशिवाय तृप्ती मिळत नाही. यानंतर, आपल्या संपूर्ण कुटुंबासह बसून रात्रीचे जेवण करा. त्यानंतर, एखाद्याने पूर्वजांचे आभार मानले पाहिजे आणि जाणूनबुजून किंवा नकळत झालेल्या कोणत्याही चुकीबद्दल क्षमा मागितली पाहिजे.

 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

महत्त्वाच्या बातम्या