Relationship Tips : कितीही जवळचा मित्र असला तरी 'या' बाबत कधीही अडवू नका, नात्यात दुरावा निर्माण होण्याची शक्यता
Relationship Tips : वैयक्तिक गोष्टींवरील केलेल्या अडवणुकीमुळे एखाद्या व्यक्तीचे स्वातंत्र्य हिरावून घेतल्यासारखे वाटते. त्यामुळे तुमचा कितीही जवळची व्यक्ती असली तरी 'या' बाबत कधीही अडवू नका.
Relationship Tips : तुमच्या बालपणी अशा काही गोष्टी घडल्या असतील, ज्या अद्यापही तुमच्या मनात घर करून राहत असतील. आपण अनेकदा पाहिलंय, जर कोणी एखाद्या कामानिमित्त बाहेरगावी जात असेल, तेव्हा त्या व्यक्तीला अडवू नका, असे आई-वडील किंवा घरातील वडीलधारी मंडळी मनाई करत असत. याबाबत असे मानले जाते की, यामुळे कामात अडथळे येऊ शकतात किंवा काही अनुचित घटना घडू शकतात. या गोष्टी काही ठिकाणी आजही मानल्या जातात. अनेकदा असे होते की, एखाद्या व्यक्तीच्या वैयक्तिक गोष्टींवर केलेल्या अडवणुकीमुळे त्या व्यक्तीला स्वातंत्र्य हिरावून घेतल्यासारखे वाटते. त्यामुळे तुमचा कितीही जवळची व्यक्ती असली तरी त्याच्या एखाद्या गोष्टीबाबत अडवणे किंवा व्यत्यय आणल्यामुळे ती व्यक्ती अस्वस्थ होऊ शकते, तणावग्रस्त होऊ शकते आणि काहीवेळा ओव्हरलोडिंगमुळे नैराश्याची शिकार देखील होऊ शकते. आज आपण अशा गोष्टींबद्दल जाणून घेणार आहोत, ज्याबाबत इतरांना कधीही अडवू नये.
लग्न किंवा घटस्फोटाबद्दल
एखाद्याचे लग्न का होत नाही किंवा घटस्फोट का झाला? याबद्दल वारंवार अडवणूक करणे योग्य नाही. तुमच्यासाठी हा फक्त एक विषय असू शकतो, परंतु समोरच्या व्यक्तीसाठी तो जीवनाचा एक भाग आहे, त्यामुळे तुमच्या अशा गोष्टी त्याला/तिला त्रास देऊ शकतात.
त्वचा किंवा केसांच्या समस्यांबाबत
जर एखादी व्यक्ती त्वचा किंवा केसांशी संबंधित समस्यांशी झुंज देत असेल, तर त्याच्या समस्येबद्दल वारंवार विचारून त्याला चिडवू नका. व्यत्यय आणल्याने ते अधिक तणावग्रस्त होऊ शकतात.
वजन संबंधित
कोणाच्याही कमी-जास्त वजनावर भाष्य करू नका. एक प्रकारे हे बॉडी शेमिंग आहे, तसेच दुसऱ्या प्रकारे समोरच्या व्यक्तीला याचे वाईट वाटू शकते. लोकांना त्यांच्या शरीराची चांगली जाणीव आहे. वजन कमी करायचे की वाढवायचे हा त्यांचा निर्णय असतो.
मुलांच्या बाबतीत
तुम्हाला मुले का होत नाहीत किंवा तुम्ही कुटुंबाचे नियोजन करत असताना याने तुम्हाला काही फरक पडत नाही. आजच्या काळात मुले होणे हा एक मोठा निर्णय आहे, त्यामुळे जोडप्यांनाच हा निर्णय घेऊ द्या. विचारून त्यांचा अनावश्यक ताण वाढवू नका.
व्यक्तिमत्वाबद्दल
तुम्ही असे का खाता?, असे का चालता, असे का बोलता, कपडे घालता... या सर्वांवर बंधने ही चांगली गोष्ट नाही. प्रत्येकाचे व्यक्तिमत्व वेगळे असते आणि त्याला या जगात स्वतःच्या इच्छेनुसार जगण्याचा अधिकार आहे.
हेही वाचा>>>
Relationship Tips : परफेक्ट जोडीदार होण्यासाठी फक्त 'एवढंच' करा! नातं इतकं बहरेल की प्रत्येकजण तुमचं उदाहरण देईल.
(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )
महत्त्वाच्या बातम्या
