Holi 2022 : होळी रे होळी! होळीत केमिकलयुक्त रंग टाळा, घरच्या घरी फुलांपासून तयार रंग करा

Holi 2022 : यंदा नैसर्गिक रंगांनी होळी साजरी करायची असेल तर केमिकलयुक्त रंगांऐवजी फुलांच्या साहाय्याने बनवलेल्या रंगांनी होळी खेळा. हे रंग तुम्ही घरीही सहज बनवू शकता.

Holi Colour

Holi 2022 : होळीचा सण आता काही दिवसांवर येऊन ठेपला आहे. होळीच्या दिवशी रंग खेळण्याची प्रत्येकाला खूप आवड आणि उत्सुकता असते पण, होळीच्या त्यासोबतच मनात केमिकलयुक्त रंगाची भीतीही असते. अनेक वेळा होळीच्या दिवशी केमिकल रंगामुळे चेहरा खराब होतो. प्रत्येकाला आपल्या त्वचेची काळजी असते, अशा परिस्थितीत काहीजण होळीच्या दिवशी रंग खेळणे टाळतात. होळीचे रंग केमिकलपासून बनवले जातात, त्यामुळे शरीरावर त्याचा दुष्परिणाम होण्याची दाट शक्यता असते. अशा परिस्थितीत जर तुम्हाला नैसर्गिक रंगानी होळी खेळायची असेल तर तुम्हाला फुलांच्या साहाय्याने घरच्या घरीही रंग तयार करता येईल. फुलांपासून बनवलेले रंग तुमच्या चेहऱ्याची चमक वाढवण्यासही मदतशीर ठरेल. चला जाणून घेऊया फुलांपासून रंग बनवण्याचे काही घरगुती उपाय आणि पद्धती.

1. पिवळा रंग : पिवळा रंग आनंद आणि आशांचे प्रतीक मानला जातो. एवढेच नाही तर पिवळा रंग खूप शुभ मानला जातो. बाजारात मिळणाऱ्या पिवळ्या रंगात असे अनेक घटक मिसळले जातात ज्यामुळे त्वचा खराब होते. हे रंग टाळण्यासाठी, आपण पूर्णपणे नैसर्गिकरित्या पिवळा रंग बनवू शकता. पिवळा झेंडू, बहावा किंवा शेवंतीच्या फुलांनी पिवळा रंग बनवू शकता.

2. निळा रंग : निळा रंग शांततेचे प्रतीक मानला जातो. आता तुम्ही नैसर्गिकरित्या निळा रंग बनवू शकता आणि घरच्या घरी निळा रंग बनवण्यासाठी गुलमोहरच्या फुलांचा वापर करा.

3. केशरी रंग : केशरी रंग कोणत्याही सणाचा उत्साह आणि उत्साह वाढवण्याचे काम करतो, त्यामुळे केशरी रंग हा सर्वात महत्त्वाचा रंग मानला जातो. पळसाच्या फुलांपासून तुम्ही केशरी रंग बनवू शकता.

4. लाल रंग : लाल रंग प्रेमाचे प्रतीक मानला जातो. होळीच्या दिवशी लाल रंगाचा टिळा लावण्याचीही प्रथा आहे. लाल रंग जरी बाजारात सहज मिळत असला, तरी केमिकलपासून बनवला जात असल्याने त्याचे दुष्परिणामही होतात. तुम्ही घरी लाल गुलाब, लाल जास्वंद यांसारख्या लाल फुलांपासून नैसर्गिक रंग बनवू शकता.

5. जांभळा रंग : तुम्ही घरी जांभळा रंग अगदी सहज घरी बनवू शकता. इतकेच नाही तर फुलांपासून बनवलेला जांभळा रंग वापरल्यास त्वचा मुलायम आणि चमकदारही होते. हा रंग त्वचेसाठीही खूप फायदेशीर आहे. लॅव्हेंडरच्या फुलांच्या मदतीने तुम्ही हा रंग बनवू शकता.

6. हिरवा रंग : हिरव्या रंगाशिवाय होळीचा सण अपूर्ण आहे. पानांच्या मदतीने तुम्ही घरी सहज हिरवा रंग बनवू शकता. यासाठी तुम्ही कडुलिंबाच्या पानांचा वापर करु शकता.

नैसर्गिक कोरडा रंग बनवण्याची पद्धत

1. सर्वप्रथम ज्या फुलांपासून रंग बनवायचे आहेत ती फुले गोळा करा.
2. तुमच्या घरीच फुलांची बाग असेल तर उत्तम नसेल तर, फुले बाजारात सहज उपलब्ध होतील.
3. सर्व फुले नीट धुवावीत, नंतर ती उन्हात वाळवा.
4. सर्व फुले सुकताच त्यांची पाने वेगळी करून चांगली बारीक करून पावडर बनवा.
5. यामध्ये चंदनाच्या तेलाचे दोन-तीन थेंबही घालू शकता, त्यामुळे चांगला सुगंध येतो.

ओला रंग बनवण्याची पद्धत

1. सर्व फुले गोळा करा.
2. सर्व फुलांच्या पाकळ्या वेगळ्या करा.
3. आता या पाकळ्या पाण्याने भरलेल्या बादलीत टाका.
4. चांगल्या सुगंधासाठी तुम्ही या पाण्यात चंदनाचे तेलही टाकू शकता.
5. फुलांच्या पाकळ्या रात्रभर पाण्यात राहू द्या.
6. सकाळी ओला रंग तयार होईल

संबंधित बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha