एक्स्प्लोर

Nail Polish Hacks: नेलपॉलिशने 'ही' घरातील कामे करा सोपी

Nail Polish Hacks: मुलींकडे वेगगेगळ्या रंगातील नेल पॉलिशचे कलेक्शन असते. याच नेल पॉलिशने घरातील अनेक कामे सोपी करता येतात.

Written By : एबीपी माझा वेबटीम | Edited By: मंजिरी पोखरकर | Updated at : 13 Nov 2021 12:07 AM (IST)

नेल_पॉलिश

Nail Polish: मुलींकडे विविध रंगांतील नेल पॉलिशचा संग्रह असतो. नेल पॉलिश फक्त नखांना सुंदर बनविण्याचे काम करत नाही तर नेल पॉलिशच्या मदतीने घरातील अनेक कामेदेखील सोपी करता येऊ शकतात.

त्वचेवरील अॅलर्जी दूर करण्यास मदत
दागिने काळे झाल्यावर ते परिधान केले तर त्वचेवर अॅलर्जी होत असते. त्यामुळे दागिन्यांचा जो भाग त्वचेच्या संपर्कात येतो त्यावर पारदर्शक नेल पॉलिश लावावी. असे केल्यास दागिने सुरक्षित राहतात व काळेदेखील होत नाहीत. यामुळे त्वचेवर कोणत्याही प्रकारची अॅलर्जी होत नाही.

मॅचिंग दागिने
अचानक बाहेर जाताना ड्रेसला मॅचिंग दागिने मिळत नाहीत. अशावेळेस नेल पॉलिशने ड्रेसच्या रंगानुसार पेंट करावे. असे केल्यास तुम्हाला मॅचिंग ज्वेलरी खरेदी करण्याची गरज भासणार नाही.

बटन तुटल्यावरचा उपाय
ड्रेस किंवा शर्टाचे बटन धावपळीच्या वेळेस तुटते. त्यामुळे इतरांसमोर लाज वाटते. अशावेळेस कोणत्याही रंगाचे बटन घेऊन शर्टाला मॅचिंग नेल पॉलिशने पेंट करावे. असे केल्यानंतर कपडे धुण्याआधी ते बटन काढून ठेवावे. नाहीतर शर्टाला नेट पॉलिशचा रंग लागू शकतो.