Fridge Cleaning Tips : फळं आणि भाज्या ठेवण्याआधी असा स्वच्छ करा फ्रीज; बॅक्टेरिया होतील दूर

फळे, भाज्या, दूध, दही, अंडी आणि पाणी इत्यादी सामान अनेक लोक फ्रीजमध्ये  ठेवत असतात.  फ्रीजमध्ये अनेक पदार्थ स्टोअर केले जातात.

fridge_cleaning_hack

Fridge Cleaning Tips : किचनमध्ये स्वच्छता ठेवणे अत्यंत आवश्यक असते. फ्रीजचा वापर सर्वांत जास्त केला जातो.  फळे, भाज्या, दूध, दही, अंडी आणि पाणी इत्यादी सामान अनेक लोक फ्रीजमध्ये  ठेवत असतात.  अनेक पदार्थ फ्रीजमध्ये  स्टोअर केले जातात. त्यामुळे  फ्रीजच्या स्वच्छतेची विशेष काळजी घ्यावी. जर  फ्रीजला तुम्ही स्वच्छ ठेवले नाही तर फ्रीजमध्ये निर्माण होणारे बॅक्टेरिया फ्रीजमध्ये ठेवलेल्या पदार्थांमध्ये जातील. जाणून घेऊयात  फ्रीज स्वच्छ करण्याची सोपी पद्धत- 

असा करा फ्रीज स्वच्छ  
-फ्रीजची स्वच्छता करताना सर्वप्रथम  फ्रीजमध्ये ठेवलेले सर्व सामान बाहेर काढावे. 
-एका वाटीमध्ये थोडे गरम पाणी घ्या. त्यामध्ये थोडे मिठ मिक्स करा. या गरम पाण्यामध्ये एक कापड भिजवून घ्या
-भिजवलेल्या ओल्या कापडाने फ्रीज स्वच्छ पुसून घ्या. 
-फ्रीज पुसून घेतल्यानंतर  फ्रीजचे दार थोड्या वेळ उघडे ठेवा.  
-गरम पाण्यासोबत बेकिंग सोडा, लिक्विड सोप, पांढरे व्हिनेगर इत्यादी गोष्टी मिक्स करून एका स्प्रे-बॉटलमध्ये टाकून त्याचा वापर फ्रीजमध्ये स्वच्छ करण्यासाठी करा.  
 -फ्रीजमध्ये ठेवण्याआधी भाज्या आणि फळे स्वच्छ  धुवून घ्या. धुतलेल्या भाज्या किंवा फळे सुकल्यानंतरच  फ्रीजमध्ये ठेवा. 

फ्रीजमध्ये कोणते पदार्थ किती वेळ ठेवावे?
फ्रीजमध्ये ठेवलेला भात 2 दिवसात खाऊन घ्यावा, अन्यथा तो खराब होतो. जर तुम्ही गव्हाची चपाती फ्रीजमध्ये ठेवत असाल तर चपाती बनवल्यानंतर 12 ते 14 तासांच्या आत खाणे तुमच्या आरोग्यासाठी चांगले आहे.   फ्रीज ठेवलेली कापलेली फळे 4 तासांच्या आत खावीत. केळी हे असे फळ आहे की तुम्ही ते कधीही फ्रीजमध्ये ठेवू नये. फ्रिजमध्ये केळी ठेवल्यास त्वरीत काळी पडते.