Mental Health: आठवड्यातून 90 तास काम केल्याने मानसिक आरोग्यावर 'असा' परिणाम होतो? जाणून व्हाल थक्क! 'या' 5 गोष्टींकडे लक्ष द्या

Mental Health: L&T चे अध्यक्ष सुब्रमण्यम यांच्या 90 तास काम करण्याच्या विधानानंतर अनेकांकडून आक्षेप घेतला जात आहे. जास्त तास काम करण्याचा मानसिक आरोग्यावर खरंच परिणाम होतो का? हाही एक प्रश्न आहे.

Mental Health Lifestyle marathi news What effects of working 90 hours a week on mental health

Source : google

Mental Health: गेल्या काही दिवसांपासून कर्मचाऱ्यांच्या कामाच्या तासाबाबत बरीच चर्चा होत आहे. काही दिवसांपूर्वी इन्फोसिसचे अध्यक्ष नारायण मूर्ती यांनीही 70 तास काम करण्याबाबत वक्तव्य केले होते. त्यांच्याशिवाय देशातील अनेक मोठ्या उद्योगपतींनी त्यांच्या कामाच्या तासांबाबत आपल्या प्रतिक्रिया व्यक्त केल्या आहेत. लार्सन अँड टर्बोचे अध्यक्ष सुब्रमण्यम यांचा 90 तासांचा कामाचा वेळ अत्यंत टॉक्सिक वाटत आहे. L&T चे अध्यक्ष सुब्रमण्यम यांच्या 90 तास काम करण्याच्या आक्षेपार्ह विधानानंतर विविध क्षेत्रातून आक्षेप घेतला जात आहे. त्यांच्या या वक्तव्यावर चौफेर टीका होत आहे. ज्यानंतर तुमच्या जास्त तास काम करण्याचा तुमच्या मानसिक आरोग्यावर खरंच परिणाम होतो का हाही एक प्रश्न आहे. मानसिक आरोग्य आणि कामाचे तास यांच्यातील संबंधांबद्दल जाणून घेऊया आणि अधिक तास काम केल्याने आरोग्यावर काय परिणाम होतो? हे तज्ज्ञांकडून जाणून घेऊया.

जर तुम्ही दिवसातून 10 ते 12 तास काम करत असाल तर...

आठवड्यातून 90 तास काम करण्याच्या लार्सन अँड टर्बोचे अध्यक्ष सुब्रमण्यम यांच्या वक्तव्यावर चौफेर टीका होत आहे. अशात क्लीव्हलँड क्लिनिकमध्ये प्रसिद्ध झालेल्या अहवालानुसार, जर तुम्ही दिवसातून 10 ते 12 तास काम करत असाल तर तुमच्या मानसिक आरोग्यावर परिणाम होऊ शकतो. मानसिक आरोग्य तज्ज्ञ देखील सहमत आहेत की 9 ते 5 नोकऱ्यांमध्ये देखील कर्मचारी त्यांच्या वैयक्तिक जीवनातील जबाबदाऱ्या मागे टाकतात, ज्यामुळे लोक तणाव, चिंता आणि नैराश्य अनुभवू शकतात. मानसिक आरोग्य तज्ज्ञ देखील सहमत आहेत की, दीर्घकाळ काम केल्याने एखाद्या व्यक्तीला तणाव, चिंता आणि नैराश्य येऊ शकते. 9-5 नोकऱ्यांमध्येही कर्मचारी त्यांच्या वैयक्तिक आयुष्यातील जबाबदाऱ्या मागे सोडतात.

आजकाल तरुणांमध्ये तणाव आणि टेन्शन ही वाढती समस्या

गेल्या वर्षी मानसिक आरोग्याबाबत जगभरात अनेक चर्चा झाल्या. आजकाल तरुणांमध्ये ताणतणाव आणि टेन्शन ही वाढती समस्या असल्याचे अनेक अहवालांतून समोर आले आहे. तणावाचे मुख्य कारण म्हणजे व्यावसायिक जीवन किंवा कामाच्या आयुष्यातील दबाव. वेळेवर काम पूर्ण करण्यासाठी किंवा लक्ष्य साध्य करण्यासाठी लोक झोपणे, खाणे आणि विश्रांती घेणे टाळतात. या सर्वांचा मानसिक आरोग्यावर अधिक परिणाम होतो.

जर तुम्ही दिवसातून 10 ते 12 तास काम केले तर?

सुब्रमण्यन यांच्या मते, जर आपण आठवड्यातून 90 तास काम केले तर एखाद्या व्यक्तीला दररोज 12 तास काम करावे लागेल. क्लीव्हलँड क्लिनिकमध्ये प्रसिद्ध झालेल्या अहवालानुसार, जर तुम्ही दिवसातून 10 ते 12 तास काम करत असाल तर तुमच्या मानसिक आरोग्यावर परिणाम होऊ शकतो.

• जास्त वेळ काम केल्याने थकवा आणि शारीरिक वेदना होऊ शकतात
• जसे की पाठदुखी, डोकेदुखी, डोळ्यांचा ताण आणि स्नायूंमध्ये पेटके.
• जास्त वेळ काम केल्याने तुमच्या मानसिक आरोग्यावर परिणाम होऊ शकतो,
• ज्यामुळे नैराश्य, चिंता विकार किंवा बर्नआउट यासारख्या समस्या उद्भवू शकतात.
• जे लोक जास्त तास काम करतात, ते आपल्या कुटुंब, मित्र आणि वैयक्तिक आयुष्यापासून दूर जातात,
• ज्यामुळे हे लोक आणखी तणावाखाली राहू लागतात.
• जास्त तास काम केल्याने तुमचे मानसिक आरोग्य बिघडते, ज्यामुळे लक्ष केंद्रित होत नाही.
• मानसिक आरोग्याव्यतिरिक्त हृदयविकार, किडनीचे आजार आणि यकृतावरही याचा परिणाम होतो.

वर्क लाईफ बॅलन्स कसे करावे?

• तुमच्या दिवसाची सुरुवात लवकर करा म्हणजेच सकाळी लवकर उठावे.
• तुमच्या आजच्या कामाची आगाऊ नोंद घ्या आणि त्यानुसार दिवसभर कामाचा पाठपुरावा करावे.
• दबावाखाली काम करू नका. एखादे काम करताना तुम्हाला खूप तणाव वाटत असेल तर आधी तुमच्या तब्येतीकडे लक्ष द्या.
• तुमच्या मोकळ्या वेळेत तुमचे छंदही पूर्ण करावे.
• तुमच्या दिनक्रमात ध्यान आणि व्यायामाचाही समावेश करावा.

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )