Health: सावधान! एकाच जागी जास्त वेळ बसणं ठरू शकतं घातक, लवकर मृत्यूचा धोका, तज्ज्ञांनी केला खुलासा 

Health: तुम्हाला माहिती आहे का, की आपण जेवढे आरामात काम करत आहोत, तेवढेच ते आपल्याला मृत्यूच्या दारात ढकलत आहे. नुकत्याच झालेल्या एका अहवालात काय म्हटलंय?

Health lifestyle marathi news Beware Sitting in one place for too long can be dangerous experts revealed

Source : google

Health: सध्या बदलती जीवनशैलीसोबत कामाचं स्वरुपही बदलत चाललंय. आजकाल बहुतेक लोकांना कामाच्या दरम्यान बराच वेळ बसून राहावे लागते, कारण बहुतेक लोक डेस्क जॉब करतात. Work From Home देखील सामान्य झाले आहे. अशा परिस्थितीत, आपण काम करताना आपला संपूर्ण दिवस खुर्चीवर किंवा सोफ्यावर बसून घालवतो आणि शारीरिक हालचाली कमी करतो. पण तुम्हाला माहिती आहे का, की आपण जेवढे आरामात काम करत आहोत, तेवढेच ते आपल्याला आजारीही बनवत आहे. होय, नुकत्याच झालेल्या एका अहवालात असे आढळून आले आहे की जे लोक जास्त वेळ बसून आहेत त्यांचा लवकर मृत्यू होण्याचा धोका असतो कारण दिवसभर बसून राहिल्याने अनेक गंभीर आजार होतात.

तज्ज्ञ काय म्हणतात?

हिंदुस्तान टाईम्समध्ये प्रसिद्ध झालेल्या वृत्तानुसार, न्यूयॉर्क पोस्टमधील एका लेखानुसार, जास्त वेळ बसून राहिल्याने लठ्ठपणा, स्नायू कमकुवत होणे, मणक्याचा ताण, कमी रक्तदाब आणि संपूर्ण शरीरातील रक्त परिसंचरण कमी होऊ शकते. जास्त वेळ बसणे पाठ, कंबर, नितंब आणि हृदयाच्या आरोग्यासाठी हानिकारक ठरू शकते. त्याच वेळी, दुसऱ्या अहवालानुसार, जास्त वेळ बसल्याने देखील लवकर वृद्धत्व होते. उदाहरणार्थ, जर एखादी महिला दिवसातून 9 ते 11 तास बसली तर तिला इतर स्त्रियांच्या तुलनेत लवकर मृत्यूचा धोका 57% असतो.

इतर संशोधकांचे मत

तज्ज्ञांचे मत आहे की, प्रौढ व्यक्तीने आठवड्यातून 2 ते 3 दिवस 150 मिनिटे सतत व्यायाम केल्यास धोका कमी होऊ शकतो. एवढा उपक्रम आठवडाभर पुरेसा आहे. त्याचवेळी ह्युस्टन विद्यापीठाचे प्रोफेसर मार्क हॅमिल्टन यांनीही असा सल्ला दिला होता की, मानवी शरीर हे बसण्यासाठी नसून फिरण्यासाठी बनलेले आहे. असे केल्यानेच तुम्ही निरोगी राहू शकता, तर सर्वांनी त्याचे पालन केले पाहिजे.

जास्त वेळ एकाच ठिकाणी बसल्याने होतात हे आजार 

• जास्त वेळ बसल्याने हृदयविकाराचा धोका वाढू शकतो.
• जास्त वेळ बसल्याने चयापचय कमी होऊ शकतो.
• त्यामुळे टाइप-2 मधुमेहाचा धोका वाढतो.
• जास्त वेळ बसल्याने तणाव आणि चिंता वाढते.
• यामुळे हाडे आणि स्नायू कमकुवत होऊ शकतात.

यातून दिलासा कसा मिळणार?

• काम करताना नियमित ब्रेक घ्या
• उठून दर तासाला किमान 5-10 मिनिटे फिरा.
• दररोज लहान व्यायाम करा, जसे की स्ट्रेचिंग किंवा चालणे.
• डेस्क जॉब असलेले लोक काही काळ उभे राहून काम करू शकतात. 

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )