Health: 'ऑनलाइन फूड ऑर्डर केलंय? सावधान..' कंटेनर्समधून कॅन्सरचा धोका? संशोधनातून माहिती समोर, नेमकं सत्य काय?

Health: ऑनलाईन फूड ऑर्डर केल्यानंतर काही मिनिटांत घरी पोहोचणाऱ्या अन्नाच्या डब्ब्यांमुळे कर्करोगाचा धोका होतो? महिलांमध्ये स्तनाच्या कर्करोगाची शक्यता, सत्य जाणून घ्या.

Health lifestyle marathi news beware Ordered food online Cancer risk

Source : Google

Health: गरमा-गरम....त्याचा दरवळणारा सुगंध...हवा तो आवडणारा पदार्थ...अवघ्या काही मिनिटातंच जेव्हा आपल्या घरी येतो, तेव्हा आपला आनंद गगनात मावेनासा होते. आजकाल मोबाईल आणि इंटरनेटमुळे अनेकांचं जगणं सोप्प झालंय. कारण या माध्यमातून लोकांना घरबसल्या बऱ्यात गोष्टी करता येतात. त्यापैकीच एक म्हणजे ऑनलाईन पदार्थ मागवणं... लोकांना ऑनलाइन जेवणाचे इतके व्यसन लागले आहे की, ते घरी स्वयंपाक करणे टाळतात. लहान मूल असो वा प्रौढ… प्रत्येकालाच काही मिनिटांत घरी पोहोचणाऱ्या पदार्थांचे व्यसन लागलंय. हा आपल्या बिघडलेल्या जीवनशैलीचा एक भाग आहे जो शरीराला विविध रोगांचे घर बनवत आहे. विविध ऑनलाइन फूड प्लॅटफॉर्मद्वारे खाद्यपदार्थ काळ्या आणि पांढऱ्या बॉक्समध्ये वितरित केले जातात. या डब्यांमधून गंभीर आजार होण्याचीही भीती वर्तविण्यात आली आहे. नेमकं सत्य काय?

सावधान.. फूड कंटेनर्समधून कॅन्सरचा धोका?

आज आपल्या जीवनातून प्लास्टिक पूर्णपणे काढून टाकणे अशक्य आहे. आता आपण त्याचा वापर किती कमी करू शकतो हा मुद्दा आहे. सर्वप्रथम, प्लास्टिक इतके धोकादायक का आहे हे समजून घेतले पाहिजे. FDA ने हे मान्य केले आहे की प्लास्टिक गरम केल्यावर 55 ते 60 वेगवेगळी रसायने बाहेर पडतात. म्हणून, जेव्हा तुम्ही तुमच्या मायक्रोवेव्हमध्ये प्लास्टिकच्या डब्यात अन्न गरम करता किंवा प्लास्टिकच्या ताटात किंवा कंटेनरमध्ये गरम अन्न ठेवता, तेव्हा ती उष्णता तुमच्या अन्नामध्ये रसायने सोडू लागते. हे विष आणि रसायनं इस्ट्रोजेनमुळे हार्मोनल असंतुलन होते.

 

विविधा आजारांचा सामना

याचा परिणाम PCOD, गर्भाशयाच्या समस्या, स्तनाचा कर्करोग, कोलन कर्करोग, प्रोस्टेट कर्करोग आणि बरेच काही यासारख्या आजारांमध्ये होतो. म्हणूनच काही कर्करोगाच्या उपचारांमध्ये हार्मोन थेरपीचा समावेश होतो. जीवनशैली किंवा पारंपारिक उपचारांमुळे तुम्हाला हार्मोनल असंतुलनाचा सामना करावा लागतो तेव्हा तुम्ही हार्मोन थेरपी घेतो. त्यामुळे त्या पातळीवरही हे समजले जाते की, तुमचे हार्मोन्स संतुलित ठेवणे महत्त्वाचे आहे. संशोधन आणि तज्ज्ञांच्या सल्ल्यानुसार, प्लास्टिक पॅकेजिंगमध्ये अन्न वितरण थांबविण्याची विनंती करण्यात येत आहे. यामुळे लोकांना आरोग्याच्या अनेक समस्या उद्भवत आहेत.

 

महिलांमध्ये स्तनाच्या कर्करोगाचा धोका वाढू शकतो? संशोधनात काय म्हटंलय?

एका संशोधनात असे आढळून आले आहे की, प्लास्टिकच्या पाकिटांमध्ये 143 रासायनिक पदार्थ असतात ज्यामुळे महिलांमध्ये स्तनाच्या कर्करोगाचा धोका वाढू शकतो. याशिवाय कार्डबोर्डच्या पाकिटांमध्ये 89 कॅन्सर निर्माण करणारी रसायनेही आढळून आली आहेत. हा अभ्यास "फ्रंटियर्सिन टॉक्सिकॉलॉजी" जर्नलमध्ये प्रकाशित झाला आहे ज्यामध्ये असे म्हटले आहे की यापैकी अनेक रसायने केवळ कर्करोगच नाही तर वंध्यत्व आणि अनुवांशिक उत्परिवर्तन देखील करू शकतात. फूड सेफ्टी अँड स्टँडर्ड्स अथॉरिटी ऑफ इंडिया (FSSAI) ने देखील खाद्यपदार्थांच्या पॅकेजिंगमध्ये प्लास्टिकच्या वापराबाबत कडक सूचना जारी केल्या आहेत. ही सूचना दुकानदारांना प्लास्टिकचा वापर न करण्यास प्रवृत्त करते. कारण ते आरोग्यासाठी हानिकारक ठरू शकते. तुम्हाला आठवत असेल की अलीकडेच Zomato आणि Swiggy सारख्या फूड डिलिव्हरी प्लॅटफॉर्मच्या सीईओंनीही या समस्येकडे लक्ष वेधले आहे.

 

कसे टाळाल?

जर तुम्ही या कंटेनर्समुळे होणाऱ्या नुकसानापासून स्वतःचे संरक्षण करू शकत असाल, तर तुम्ही पॉलीप्रॉपिलीनपासून बनवलेले प्लास्टिक वापरावे. या कंटेटपासून स्ट्रॉ आणि बाटलीच्या टोप्या बनविल्या जातात. यात रासायनिक प्रतिकारशक्ती आहे, जी कोणत्याही प्रकारच्या ऍसिडवर प्रतिक्रिया देत नाही. प्लास्टिकच्या कंटेनरऐवजी, तुम्ही काच, स्टील, नैसर्गिक फायबर, बांबू, माती, लाकूडाच्या वस्तू वापरू शकता.

 

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )