Cancer: फक्त 'इतकंच' करा, कॅन्सर तुमच्या आसपासही भटकणार नाही..'या' 7 सवयींचा समावेश करा! 

Cancer: कर्करोगाच्या नुसत्या नावाने लोक घाबरत असले तरी, याला वेळीच आळा घातला तर लाखो लोक आपला बचाव करू शकतात. तुमच्या दैनंदिन जीवनात या 7 सवयी फॉलो करा...

Cancer Prevention Tips lifestyle health marathi news Cancer will not wander around you

Source : google

Cancer: कर्करोग (Cancer) म्हटलं की अनेकांच्या मनाच भीती निर्माण होते, भल्याभल्यांच्या अंगावर काटा येतो. कर्करोग ज्याला इंग्रजीत कॅन्सर असेही म्हणतात. हा अजूनही जगातील प्रमुख आणि प्राणघातक आजारांपैकी एक आहे. त्याचे उपचार देखील उपलब्ध आहेत, परंतु प्रत्येकजण कर्करोगाचा उपचार घेऊ शकतो असे नाही, कारण त्याची थेरपी बरीच महाग आहे. या आजाराच्या नुसत्या नावाने लोक घाबरत असले तरी, याला वेळीच आळा घातला तर लाखो लोक आपला बचाव करू शकतात. कर्करोग रोखणे अवघड नाही, तुमच्या दैनंदिन जीवनात काही बदल करून तुम्ही कर्करोगाचा धोका सहज कमी करू शकता. आज आम्ही तुम्हाला अशाच 7 सवयींबद्दल सांगणार आहोत, ज्या फॉलो केल्यास कॅन्सरपासून बचाव करणे सोपे होईल.

हे 7 बदल कर्करोग टाळू शकतील

तंबाखू आणि मद्य सेवन

चांगल्या आणि आरोग्यदायी जीवनशैलीत, दारू आणि तंबाखूपासून दूर राहणे चांगले आहे, कारण या गोष्टींचे सेवन केल्याने कर्करोग होण्याची शक्यता वाढते, तसेच इतर रोग देखील तुम्हाला घेरतील. सिगारेटच्या धुरामुळे तोंडाच्या कर्करोगाचा धोका वाढतो. त्याच वेळी, मद्यपान केल्याने फुफ्फुस आणि घशावर परिणाम होऊ शकतो.

निरोगी संतुलित आहार

आरोग्य तज्ज्ञ लोकांना निरोगी आणि संतुलित आहार घेण्याचा सल्ला देतात, जेणेकरून त्यांची जीवनशैली देखील निरोगी राहू शकेल. अन्न हे प्रत्येक माणसासाठी महत्त्वाचे आहेच, पण त्याहूनही महत्त्वाचे म्हणजे सकस आणि पौष्टिक अन्न खाणे. तुमच्या आहारात धान्य, ताजी फळे, बिया आणि काजू यांचा समावेश करा.

नियमित व्यायाम करा

शारीरिक हालचालींमुळे शरीराची प्रतिकारशक्ती मजबूत होते आणि तुमचे वजन नियंत्रित ठेवण्यास मदत होते. वजन वाढल्याने काही प्रकारच्या कर्करोगाचा धोकाही वाढू शकतो. म्हणून, आठवड्यातून किमान 150 मिनिटे मध्यम गतीचा व्यायाम करा, जसे की वेगवान चालणे, पोहणे किंवा सायकल चालवणे.

वजन, लठ्ठपणा

एकीकडे कॅन्सर हे जगासाठी संकट बनत चालले आहे, तर दुसरीकडे लठ्ठपणा हेही जगभरातील लोकांसाठी एक नवीन संकट बनत आहे. शरीराच्या जास्त वजनामुळे कर्करोगाचा धोकाही वाढतो. याशिवाय जास्त वजनामुळे मधुमेह आणि लठ्ठपणाचा धोकाही वाढतो.

सूर्यप्रकाशाचा संपर्क टाळा

जरी आपल्या शरीराला सूर्यप्रकाशाची देखील आवश्यकता असते, कारण त्यातून आपल्याला काही जीवनसत्त्वे मिळतात, परंतु सूर्यप्रकाशात योग्य वेळ घालवणे शरीरासाठी फायदेशीर आहे. तुम्ही चुकीच्या वेळी सूर्यप्रकाशात राहिल्यास, जेव्हा अतिनील किरणांचा प्रभाव जास्त असतो, तेव्हा त्वचेच्या कर्करोगाचा धोका वाढू शकतो. तुम्हाला तुमच्या त्वचेचे तसेच डोळ्यांचे सूर्यापासून संरक्षण करणे आवश्यक आहे.

नियमित तपासणी

अनेक वेळा लोकांना नंतर कळते की, त्यांना कर्करोग आहे. त्यामुळे डॉक्टर नेहमी लोकांना वेळोवेळी त्यांची नियमित तपासणी करून घेण्याचा सल्ला देतात, कारण एखादा आजार वेळीच पकडला गेला तर त्याचे उपचार लवकर सुरू होऊ शकतात. सुरुवातीच्या टप्प्यात योग्य उपचार केल्यास गंभीर आजारांचा धोका कमी होतो.

तणाव कमी करा

शरीर तंदुरुस्त आहे, पण मन अस्वस्थ, प्रचंड ताण आहे, अशा स्थितीत माणूस आणखी आजारी पडतो, कारण मानसिक तणावाचा आपल्या शरीरावर परिणाम होतो. तणावामुळे नकारात्मकता वाढते. हे कर्करोगाच्या पेशींच्या वाढीसाठी देखील योगदान देऊ शकते.

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )