Types Of Cheese : 'हे' 4 प्रकारचे चीज हृदयासाठी नुकसानकारक नाही तर फायदेशीर; त्यांची नावे माहित आहेत का?
Types Of Cheese : हजारो वर्षांपूर्वी तयार केलेले चीज आणि सर्वात प्रिय दुग्धजन्य पदार्थांपैकी एक आहे.
Types Of Cheese : आजकाल लोकांच्या खाण्या-पिण्याच्या सवयींमध्ये खूप बदल झाला आहे. पिझ्झा, बर्गर, सँडविच यांसारखे पदार्थ लोकांच्या जीवनशैलीचा भाग बनू लागले आहेत. या सगळ्याबरोबरच आजकाल चीज हा लोकांच्या आहाराचा एक महत्त्वाचा भाग बनला आहे. चीज मॅगी असो वा चीज पराठा, आजकाल लोक प्रत्येक डिशमध्ये त्याचा वापर करू लागले आहेत. चीजच्या चवीमुळे लोकांना ते खायला आवडते. मात्र, बऱ्याच लोकांचा असा विश्वास आहे की, चीज खाल्ल्याने आरोग्याचं नुकसान होते. प, हे पूर्ण सत्य नाहीये.
हजारो वर्षांपूर्वी तयार केलेले चीज आणि सर्वात प्रिय दुग्धजन्य पदार्थांपैकी एक आहे. हे तुमच्या हृदयाच्या आरोग्यासाठीही खूप फायदेशीर आहे. तसेच चीजमुळे इतर अनेक आरोग्यदायी समस्यांपासून आराम मिळतो. जाणून घेऊयात चार प्रकारचे चीज, जे तुमच्या हृदयासाठी आरोग्यदायी आहेत-
कॉटेज चीज
प्रथिनांनी युक्त कॉटेज चीज आरोग्यासाठी खूप फायदेशीर आहे. यामध्ये सॅच्युरेटेड फॅटचे प्रमाण खूप कमी असते, त्यामुळे ते हृदयाचे आरोग्य राखण्यास मदत करते. यामध्ये असलेले प्रोटीन भूक कमी करण्यास आणि वजन नियंत्रणात खूप मदत करते. याशिवाय, त्यात असलेले पोटॅशियम देखील रक्तदाब नियंत्रित करण्यास मदत करते आणि सोडियमचा प्रभाव संतुलित करते, ज्याचे जास्त सेवन हृदयासाठी हानिकारक आहे.
मोजरेला चीज
मोजरेला चीज हे कमी फॅटयुक्त चीज आहे, जे हृदयाच्या आरोग्यासाठी फायदेशीर आहे. कारण त्यात इतर चीजच्या तुलनेत कमी फॅट असते. जास्त प्रमाणात सॅच्युरेटेड फॅट खाल्ल्याने हृदयाशी संबंधित आजारांचा धोका वाढतो. अशा परिस्थितीत हे चीज खाल्ल्याने हृदयविकाराचा धोका कमी होतो. हे चीज देखील उच्च दर्जाच्या प्रथिनांचा एक चांगला स्त्रोत आहे, जे स्नायूंच्या आरोग्यासाठी आणि वजन कमी करण्यासाठी आवश्यक आहे. याशिवाय यामध्ये असलेले कॅल्शियम हाडांचे आरोग्य सुधारण्यास मदत करते.
रिकोटा चीज
चीजच्या इतर अनेक प्रकारांपेक्षा रिकोटामध्ये सॅच्युरेटेड फॅटचे प्रमाण कमी असते, जे हृदयाच्या आरोग्यासाठी फायदेशीर आहे. हे प्रथिनांचा एक चांगला स्रोत देखील आहे, जे वजन नियंत्रणात मदत करते. निरोगी हृदयासाठी वजन नियंत्रित असणं खूप महत्वाचे आहे. रिकोटामध्ये कॅल्शियम, मॅग्नेशियम आणि पोटॅशियम देखील चांगले असते, जे रक्तदाब नियंत्रित करून हृदय निरोगी बनवते आणि हृदयाचे कार्य योग्यरित्या करण्यास मदत करते.
फेटा चीज
फेटा चीजमध्ये फॅटचे प्रमाण कमी असते, ज्यामुळे ते कोलेस्ट्रोलची पातळी नियंत्रित करण्यास आणि हृदयरोगाचा धोका कमी करण्यास मदत करते. तसेच, फेटा चीज कॅल्शियमचा एक चांगला स्रोत, जो निरोगी रक्तदाब नियंत्रित करण्यास मदत करतो.
टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.
महत्त्वाच्या बातम्या :
महत्त्वाच्या बातम्या
