Health Tips : विड्याच्या पानाचे आरोग्यदायी आणि सौंदर्यदायी फायदे माहिती आहेत का? जाणून घ्या...
Benefits of betel Leaf : नागवेलीची पाने म्हणजेच खाण्याचे पान किंवा विड्याचे पान आरोग्यासाठी खूप फायदेशीर आहे. आरोग्यासोबतच ते सौंदर्य वाढवण्यातही फायदेशीर ठरते. जाणून घ्या फायदे
Benefits of betel Leaf : नागवेलीची पाने म्हणजेच खाण्याचे पान किंवा विड्याचे पान आरोग्यासाठी खूप फायदेशीर आहे. जेवणानंतर पान खाण्याचे अनेकजण शौकीन असतात, त्यामुळे तोंडाची चव वाढते. पान खाल्ल्याने की तोंडातील अनेक जीवाणूंचा प्रभावीपणे सामना केला जातो ज्यामुळे तोंडाला दुर्गंध येत नाही. तसेच दात पोकळी, दात किडणे यांचा त्रास कमी होतो. जेवणानंतर पानाचा विडा किंवा नुसते पान चावून खाल्ल्याने आतड्या निरोगी राहतात. आरोग्यासोबतच ते सौंदर्य वाढवण्यातही फायदेशीर ठरते.
आरोग्यदायी फायदे
- विड्याचे पान उष्ण असल्यामुळे वात आणि कफ विकारांमध्ये ते उपयोगी आहे.
- घशामध्ये कफ साठून आवाज खरखरतो किंवा बसतो. अशा वेळी ज्येष्ठमध पावडर, कंकोळ, मिरी, कात घातलेले विड्याची पाने चावून चघळून खावीत. त्यामुळे घसा, कंठ साफ होतो.
- डोके जड होणे, दुखणे, सतत शिंका येऊन सारखे नाक गळणे अशा सर्दीमध्ये विड्याची दोन पाने, चहाची पाती, धणे, आले, मिरी यांचा काढा तयार करावा.
- विड्याची पाने देठासकट खावीत. याने पोट साफ होते.
पिंपल्स दूर होतील
विड्याच्या पानामध्ये दाहक-विरोधी आणि अँटी-बॅक्टेरियल गुणधर्म असतात, जे पिंपल्स दूर करण्यासाठी प्रभावी ठरतात. यासाठी तुम्ही काही विड्याची पाने घ्या आणि त्यांची पेस्ट बनवा. आता त्यात 2 चिमूटभर हळद आणि कोरफडीचे जेल मिक्स करा. आता ते चेहऱ्यावर लावा आणि 20 मिनिटे राहू द्या. नंतर चेहरा धुवा. पिंपल्स कमी होऊ लागतील.
चेहऱ्यावरील डाग दूर करते
डाग घालवण्यासाठी विड्याच्या पानाचाही वापर करता येतो. मात्र, तुमची त्वचा अधिक संवेदनशील असल्यास हे वापरू नका. विड्याची पाने सुकवून पावडर बनवू शकता. ते पावडरच्या स्वरूपात दीर्घकाळ साठवले जाऊ शकते आणि आवश्यकतेनुसार वापरले जाऊ शकते. डाग घालवण्यासाठी एक चमचा पावडर घेऊन त्यात गुलाबजल मिसळून पेस्ट बनवा. आता ते चेहऱ्यावर लावा.
चेहऱ्यावर चमक आणते
विड्याच्या पानांचा फेस पॅक अनेक प्रकारे वापरला जातो. विड्याच्या पानांच्या पेस्टमध्ये 1 चमचे तांदळाचे पीठ त्याच्या पेस्टमध्ये मिसळा. ते चेहऱ्यावर लावा आणि थोडे कोरडे होऊ द्या. कोरडे होताच आपले हात ओले करा आणि गोलाकार हालचालींनी मालिश सुरू करा. 4 ते 5 मिनिटे स्क्रब केल्यानंतर, साध्या पाण्याने चेहरा स्वच्छ करा. 4 ते 5 दिवसात तुम्हाला स्वतःहून फरक दिसू लागेल.
टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.
संबंधित बातम्या :
Covid-19 : Omicron variant दरम्यान, लवंग, मेथी आणि तुळस 'या' प्रकारे करा सेवन, घसादुखीही होईल दूर
Omicron Variant: नखांचा रंग बदलणे असू शकते ओमायक्रॉनचे लक्षण, चुकूनही करू नका दुर्लक्ष!
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha
महत्त्वाच्या बातम्या
ट्रेंडिंग न्यूज
