Fatty Liver: फॅटी लिव्हर डिसीज असेल तर आहार कसा असावा, घ्या जाणून

फॅटी लिव्हर डिसीजची काही सामान्य कारणे आहेत, जसे की जास्त लठ्ठपणा किंवा जास्त वजन, मधुमेह, उच्च रक्तदाब, उच्च कोलेस्ट्रॉल पातळी, अयोग्य आहार, थायरॉईड समस्या इ.

Fatty Liver

Health Care : फॅटी लिव्हर (Fatty Liver) डिसीज हा आजच्या आधुनिक जीवनात एक सामान्य आजार होत आहे, ज्यामध्ये यकृतामध्ये जास्त चरबी जमा होते. याचे दोन मुख्य प्रकार आहेत - पहिला म्हणजे नॉन-अल्कोहोलिक फॅटी लिव्हर डिसीज आणि अल्कोहोलिक फॅटी लिव्हर डिसीज. अल्कोहोलिक फॅटी लिव्हर रोग हा अल्कोहोलच्या अतिसेवनामुळे होतो.

फॅटी लिव्हर डिसीजची काही सामान्य कारणे म्हणजे जास्त लठ्ठपणा , मधुमेह (Diebeties), उच्च रक्तदाब, उच्च कोलेस्टेरॉल आणि ट्रायग्लिसरायड्स, अयोग्य आहार, थायरॉईड समस्या, खाण्याचे अनियमित वेळापत्रक आणि हिपॅटायटीस बी आणि सी सारखे संक्रमण इ. आज आम्ही तुम्हाला 5 आहार आणि जीवनशैली टिप्स सांगणार आहोत, ज्याच्या मदतीने तुम्ही फॅटी लिव्हर रोग दूर करू शकता.

- फॅटी लिव्हर डिसीज असेल योग्य आणि सकस आहार घेणे गरजेचे आहे. त्याकरता रोजच्या आहारात प्रथिने, जीवनसत्वे, पालेभाज्या यांचा समावेश करायला हवा.

- तसेच तुम्ही लठ्ठ असाल तर लगेच तुमचे वाढलेले वजन कमी करा. तुमच्या शरीराचे वजन सुमारे 10% जरी कमी केले तरी तुमच्या यकृताला याचा फायदा होऊ शकतो.

- अल्कोहोलचे सेवन कमी करा कारण यामुळे तुमचे यकृत खराब होऊ शकते आणि फॅटी लिव्हर रोग आणखीन गंभीर होऊ शकतो. जर तुम्हाला फॅटी लिव्हर रोग असेल तर अल्कोहोल पूर्णपणे सोडा.

- रोज सकाळी चालायला जावा तसेच नियमित योगा करणे गरजेचे आहे.याने तुमचे लिव्हर हेल्दी राहू शकते.

- रक्तातील साखरेची उच्च पातळी फॅटी यकृत रोगास मोठ्या प्रमाणात कारणीभूत ठरू शकते. गोड पदार्थ आणि पेये कमी प्रमाणात सेवन करा. 

- ओट्स तुम्हाला केवळ वजन कमी करण्यातच नाही तर फॅटी लिव्हरची समस्या कमी करण्यातही मदत करू शकतात.ओट्समध्ये असलेले फायबर, लो फॅट, कॉम्प्लेक्स कार्ब तुमच्या यकृताला आराम देण्याचे काम करतात.

- तसेच आरोग्यदायी फळांच्या यादीमध्ये समाविष्ट असलेलं अॅव्होकॅडो तुमच्या यकृतासाठी चांगली असते, जे तुम्हाला पचायला सोपी असते. एवढेच नाही तर एवोकॅडोमध्ये ओमेगा-३ फॅटी अॅसिडही मोठ्या प्रमाणात आढळते, जे तुमचे फॅटी लिव्हर कमी करण्यास आणि यकृताचे नुकसान भरून काढण्यास मदत करते.

- जर तुम्ही वजन कमी करण्याचा किंवा शरीरातील चरबी कमी करण्याचा प्रयत्न करत असाल, तर तुम्ही लसूण पावडर खाऊ शकता, ज्यामुळे तुमच्या यकृतावरील चरबी कमी होण्यासही मदत होईल.

 

इतर महत्वाच्या बातम्या