PMC Recruitment 2022 : पुणे महापालिकेत 450 हून अधिक पदांसाठी भरती; आजपासूनच करा अर्ज, जाणून घ्या इतर तपशील
Pune Municipal Corporation Recruitment 2022 : पुणे महापालिकेत असिस्टंट लीगल ऑफिसर, क्लर्क टायपिस्ट, ज्युनिअर इंजीनियर आणि असिस्टंट एनकॉर्चमेंट इंस्पेक्टरसह अनेक पदांसाठी बंपर भरती जारी करण्यात आली आहे.
Pune Municipal Corporation Recruitment 2022 : सरकारी नोकरीच्या शोधात असलेल्या उमेदवारांसाठी एक आनंदाची बातमी. पुणे महानगरपालिका (PMC) विविध पदांसाठी अर्ज मागविण्यात येत आहेत. या भरती प्रक्रियेअंतर्गत एकूण 448 रिक्त पदं काढण्यात आली आहेत. या पदांसाठी अर्ज करण्याची प्रक्रिया आजपासून म्हणजेच, 20 जुलै 2022 पासून सुरू झाली असून अर्ज करण्याची अंतिम तारीख 10 ऑगस्ट 2022 आहे. इच्छुक आणि पात्र उमेदवार अधिकृत वेबसाइट pmc.gov.in वर जाऊन या पदांसाठी अर्ज करू शकतात.
महत्त्वाच्या तारखा
ऑनलाईन अर्ज करण्याची सुरुवातीची तारीख : 20 जुलै 2022
ऑनलाईन अर्ज करण्याची शेवटची तारीख : 10 ऑगस्ट 2022
रिक्त जागांचा तपशील
- असिस्टंट लीगल ऑफिसर : 04
- क्लर्क टायपिस्ट : 200
- ज्युनिअर इंजीनियर (सिव्हिल) : 135 पदं
- ज्युनिअर इंजीनियर (मॅकेनिकल) : 05 पदं
- ज्युनिअर इंजीनियर (ट्रॅफिक प्लानिंग) : 04 पदं
- असिस्टंट एनकॉर्चमेंट इंस्पेक्ट : 100
भरतीसाठीची वयोमर्यादा
पुणे महानगरपालिकेनं जारी केलेल्या भरतीसाठी अर्ज करण्यासाठी उमेदवारांचं कमीत कमी वय 18 वर्ष आणि जास्तीत जास्त वय 38 वर्ष असावं.
अर्ज शुल्क
या पदांसाठी अर्ज करण्यासाठी उमेदवारांना 1000 रुपये शुल्क भरावं लागेल. दुसरीकडे, आरक्षित प्रवर्गासाठी 800 रुपये शुल्क भरावं लागणार आहे.
निवड प्रक्रिया
या पदांवरील निवड लेखी चाचणी, मुलाखत, टायपिंग चाचणी, कागदपत्र पडताळणी इत्यादीद्वारे केली जाईल. या पोस्ट्सबद्दल अधिक तपशीलवार माहितीसाठी, अधिकृत वेबसाइटला भेट द्या.
अनेक तरुण सरकारी नोकरी मिळवण्यासाठी प्रयत्न करत असतात. अनेकदा वेळीच माहिती न मिळाल्यामुळे नोकरीची संधी हातातून जाते. त्यामुळेच नोकरीच्या शोधात असलेल्या तरुण-तरुणींसाठी एबीपी माझा खाजगी आणि सरकारी क्षेत्रातील नोकरीसंबंधातील माहिती जॉब माझा या विशेष कॅटेगरीमध्ये दररोज प्रकाशिक करतं. वेगवेगळ्या कंपन्या, संस्थांतील नोकर भरतीबाबत जाणून घेण्यासाठी एबीपी माझाच्या वेबसाईटला नक्की भेट द्या.
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
