Anil Arora Death : मलायका 11 वर्षांची असताना आईवडिलांचा घटस्फोट, कोण होते अनिल अरोरा?
Anil Arora Death : मलायका अरोराचे वडील अनिल अरोरा यांच्या निधनाची बातमी समोर येताच साऱ्यांना धक्का बसला. पण अनिल अरोरा नेमके कोण होते याविषयी सविस्तर जाणून घेऊयात.
Anil Arora Death : बॉलिवूडमधून एक धक्कादायक बातमी समोर आली आहे. अभिनेत्री मलायका अरोराचे (Malaika Arora) वडील अनिल अरोरा (Anil Arora Death) यांचे निधन झाले आहे. मुंबईतील वांद्रे येथील इमारतीच्या सातव्या मजल्यावरून उडी मारून त्यांनी आत्महत्या केल्याचे वृत्त समोर आले आहे. दरम्यान मलायकाच्या वडीलांना एवढं मोठं पाऊल का उचचलं याचा तपास सध्या सुरु आहे. मलायकाचे वडील मर्चंट नेव्हीमध्ये होते. त्यांनी मल्याळी ख्रिश्चन जॉयस पॉलीकार्पशी लग्न केले. त्यांना त्यांना मलायका आणि अमृता ही दोन मुली आहे. पण मलायका 11 वर्षांची असतानाच त्यांनी पत्नीपासून विभक्त होण्याचा निर्णय घेतला.
मलायकाच्या वडीलांनी बुधवार 11 सप्टेंबर रोजी सकाळी 9 वाजता आत्महत्या केल्याची बातमी समोर आली. त्यांनी सातव्या मजल्यावरून उडी मारून आत्महत्या केली. या घटनेची माहिती मिळताच मलायकाचा एक्स नवरा अरबाज खान तिच्या घरी पोहचला. जेव्हा ही घटना घडली तेव्हा मलायका पुण्यात होती. पण अनिल अरोरा यांच्या आत्महत्येचं कारण अद्याप समजू शकलेलं नाहीये. 10 सप्टेंबर रोजी मलायका आणि अमृता दोघीही आपल्या आई-वडिलांना भेटण्यासाठी घरी पोहोचल्या होत्या आणि आज ही घटना घडली. त्यामुळे साऱ्यांनाच धक्का बसला आहे.
मर्चंट नेव्हीमध्ये होते मलायकाचे वडील
मलायका अरोराची आई जॉयस पॉलीकार्प मल्याळी ख्रिश्चन होती आणि तिचे वडील अनिल अरोरा फाजिल्का शहरातील पंजाबी हिंदू होते ज्यांनी भारतीय मर्चंट नेव्हीमध्ये काम केलं होतं. त्यांची मुलगी मलायका अरोरा ही बॉलीवूडमधील टॉप अभिनेत्रींपैकी एक आहे.
मलायकाच्या आई-वडिलांचा झाला होता घटस्फोट
मलायकाने एकदा खुलासा केला होता की तिचे आई-वडील वेगळे झाले तेव्हा ती फक्त 11 वर्षांची होती. मात्र, काही वर्षांपूर्वी वयाचा हा टप्पा गाठल्यानंतर दोघेही एकत्र राहू लागले. त्यावेळी तिने म्हटलं होतं की, 'माझं बालपण खूप छान होतं, पण ते सोपं नव्हतं. मागे वळून पाहताना, मला ते गोंधळात टाकणारं सगळं आठवतं. परंतु कठीण प्रसंग देखील तुम्हाला महत्त्वाचे धडे शिकवतात.
अनिल अरोरा यांना दोन मुली
अनिल अरोरा यांना मलायका आणि अमृता ह्या दोन मुली आहेत. मलायकाने अरबाज खान याच्याशी लग्नगाठ बांधली होती. पण 19 वर्षांनी त्यांनी विभक्त होण्याचा निर्णय घेतला. त्यानंतर ती बराच काळ अर्जुन कपूरला डेट करत होती. पण त्यानंतर त्यांच्याही ब्रेकअपच्या बातम्या समोर येऊ लागल्या. तसेच अमृताने शकील लडाकसोबत 2009 मध्ये लग्नगाठ बांधली. या दोघांनाही दोन मुलं आहेत.
ही बातमी वाचा :
महत्त्वाच्या बातम्या
ट्रेंडिंग न्यूज
