'माझ्या डोळ्यासमोर सतत ते चेहरे फिरतायत…’ करूरमधील चेंगराचेंगरीत 39 जणांचा बळी; विजय थलपतीची भावनिक पोस्ट
विजयने पुढे आश्वासन दिलं की टीव्हीके पक्षाकडून सर्व जखमींच्या उपचाराची संपूर्ण जबाबदारी घेतली जात आहे.
Tamil Nadu Stampede: तामिळनाडूमध्ये अभिनेता व टीव्हीके पक्षाचे प्रमुख थलपती विजय (Thalapathy Vijay) यांच्या करूर येथील सभेत शनिवारी झालेल्या चेंगराचेंगरीत तब्बल 39 जणांचा दुर्दैवी मृत्यू झाला, तर अनेकजण गंभीर जखमी झाले. या घटनेने संपूर्ण राज्यात हळहळ व्यक्त होत असतानाच, विजयने स्वतःच्या X हँडलवर एक भावनिक पोस्ट शेअर केली असून ती सोशल मीडियावर व्हायरल होत आहे.
‘माझ्या मनात सतत…’
विजयने आपल्या पोस्टमध्ये लिहिले – “काल करूरमध्ये जे काही घडलं, त्याचा विचार जरी केला तरी माझं मन वेदनेनं भरून जातं. मी ज्यांना काल भेटलो, त्यांच्या चेहऱ्यांची आठवण मला सतत येते आहे. आपल्या प्रिय व्यक्तीला गमावण्याचं दुःख शब्दांत सांगता येणं कठीण आहे. माझ्या डोळ्यांसमोर सतत त्या लोकांचे चेहरे फिरतायत. मी देवाकडे प्रार्थना करतो की जखमी लवकरात लवकर बरे होऊन आपल्या घरी परत जावेत.”
TVK Chief Actor Vijay tweets, "In a way that defies imagination, thinking about what happened in Karur yesterday, my heart and mind are overwhelmed with profound heaviness. In the midst of the immense grief of losing our loved ones, I am at a loss for words to express the pain my… pic.twitter.com/YnUNjFn49t
— ANI (@ANI) September 28, 2025
विजयने पुढे आश्वासन दिलं की टीव्हीके पक्षाकडून सर्व जखमींच्या उपचाराची संपूर्ण जबाबदारी घेतली जात आहे.
सरकारकडून मदतीची घोषणा
या भीषण घटनेनंतर तामिळनाडूचे मुख्यमंत्री एम. के. स्टॅलिन यांनी मृतांच्या कुटुंबीयांना प्रत्येकी 10 लाख रुपये आणि जखमींना प्रत्येकी 1 लाख रुपये मदत जाहीर केली आहे. दरम्यान, पोलिसांनी या घटनेप्रकरणी टीव्हीकेचे करूर वेस्ट जिल्हा सचिव व्ही. पी. मथियाझागन यांच्याविरोधात गुन्हा दाखल केला आहे.
करूर चेंगराचेंगरीच्या सविस्तर चौकशीसाठी तामिळनाडू सरकारने नियुक्त केलेल्या निवृत्त उच्च न्यायालयाच्या न्यायाधीश अरुणा जगदीसन रविवारी घटनास्थळी पोहोचल्या. शनिवारी करूर येथे टीव्हीके प्रमुख आणि अभिनेता-राजकारणी विजय यांच्या रॅलीदरम्यान झालेल्या चेंगराचेंगरीच्या घटनेत मृत्युमुखी पडलेल्या 39 जणांमध्ये अनेक महिला आणि मुलांचा समावेश होता.
कमल हासन आणि विशालनं व्यक्त केलं दुःख
या घटनेनंतर अभिनेता कमल हासन व अभिनेता विशाल यांनीही शोक व्यक्त केला आहे. विशेष म्हणजे, विशालनं आपल्या पोस्टमध्ये मागणी केली की मृतांच्या कुटुंबियांना मदत करण्याची जबाबदारी टीव्हीके पक्षानंही घ्यायला हवी.
हेही वाचा
महेश मांजरेकर यांच्या पहिल्या पत्नीचे निधन; 'MISS YOU Mumma..'लेक सत्याची भावनिक पोस्ट
महत्त्वाच्या बातम्या
