(Source: Poll of Polls)
Vandana Gupte : सहजीवनाची 51 वर्ष, 'तू दिलेल्या पाठिंबा माझ्या यशाचा कणा', वंदना गुप्तेंनी शेअर केली खास पोस्ट
Vandana Gupte : जेष्ठ अभिनेत्री वंदना गुप्ते यांनी त्यांच्या 51 व्या लग्नाच्या वाढदिवसानिमित्त एक खास पोस्ट शेअर केली आहे.
Vandana Gupte : नुकताच प्रदर्शित झालेल्या 'बाईपण भारी देवा' (Baipan Bhari Deva) या चित्रपटाच्या माध्यमातून अभिनेत्री वंदना गुप्ते (Vandana Gupte) या प्रेक्षकांच्या भेटीला आल्या होत्या. बहिणींची ही गोष्ट प्रेक्षकांनाही तितकीच भावली. या चित्रपटाच्या माध्यमातून वंदना गुप्ते यांनी त्यांच्या अभिनयाची जादू पुन्हा एका प्रेक्षकांना पाहायला मिळाली. नुकतच त्यांनी इन्स्टाग्रामवर त्यांच्या 51 व्या वाढदिवसानिमित्त एक खास पोस्ट शेअर केली आहे. तसेच त्यांचा एक जुना फोटो देखील त्यांनी शेअर केला आहे.
सहज आणि योग्य टायमिंगमुळे वंदना गुप्ते यांनी कायमच प्रेक्षकांच्या मनावर राज्य केलं. तसेच त्या सोशल मीडियाच्या माध्यमातून त्यांच्या कामाविषयी आणि व्ययक्तिक आयुष्याविषीय बऱ्याच अपडेट त्यांच्या चाहत्यांना देत असतात. त्यांनी शेअर केलेल्या लग्नाच्या वाढदिवसाच्या पोस्टवर देखील चाहत्यांनी बऱ्याच प्रतिक्रिया दिल्या आहेत. तसेच सिनेसृष्टीतल्या अनेक कलाकारांनी देखील त्यांच्या या पोस्टवर कमेंट्स करत त्यांना लग्नाच्या वाढदिवसाच्या शुभेच्छा दिल्या आहेत.
तू दिलेला पाठिंबा हा माझ्या यशाचा कणा - वंदना गुप्ते
वंदना गुप्ते यांनी फोटो शअर करत म्हटलं की, आमच्या लग्नाचा 51 वा वाढदिवस आहे. आम्ही एकत्र इतकी वर्ष घालवलीत यावर विश्वासच बसत नाहीये. सिनेसृष्टीतल्या माझ्या 52 वर्षाच्या संपूर्ण कारकिर्दीत शिरीषने दिलेला पाठिंबा माझ्या यशाचा कणा होता. गृहिणी आणि कलाकार म्हणून काम करणं या दोन्ही गोष्टी एकाच वेळी हाताळणं सोपं नाही. पण या सगळ्या गोष्टींसाठी शिरीष Thank You...
View this post on Instagram
शिरीष गुप्ते हे पेशाने वकिल आहेत. दरम्यान मागील वर्षी वंदना गुप्ते आणि शिरिष गुप्ते यांच्या लग्नाला मागील वर्षी 50 वर्ष पूर्ण झाली होती. त्यावेळी त्यांच्या कुटुंबियांनी त्यांचे पुन्हा एकदा लग्न लावून दिले होते. सोशल मीडियावर त्यांच्या या फोटोंना बरीच पसंती मिळाली होती. ‘पछाडलेला’, ‘फॅमिली कट्टा’, ‘फोटोकॉपी’, ’६६ सदाशिव’, ‘डबल सीट’, ‘मातीच्या चुली’, ‘टाइम प्लीज’, ‘मर्डर मेस्त्री’, ‘बकेट लिस्ट’, ‘व्हॉट्सअप लग्न’ यांसारख्या चित्रपटांमधून वंदना गुप्ते यांनी त्यांच्या अभिनयाची छाप उमटवली.
ही बातमी वाचा :
महत्त्वाच्या बातम्या
ट्रेंडिंग न्यूज
