Telly Masala :  अस्तिकाला नागरुपात आणण्यासाठी घडणार अनोखं महानाट्य ते जेष्ठ अभिनेते अशोक सराफ यांचा महाराष्ट्र भूषण पुरस्काराने आज होणार गौरव; जाणून घ्या मनोरंजन विश्वासंबंधित बातम्या

Telly Masala : जाणून घ्या मराठी मनोरंजनसृष्टीसंबंधित बातम्या...

Telly Masala

Telly Masala : मराठी मनोरंजनसृष्टी पुन्हा बहरली आहे. वेगवेगळ्या दर्जाची नाटके (Drama), मालिका (Serial) आणि चित्रपट (Movies) प्रेक्षकांच्या भेटीला येत आहेत. जगभरातील प्रेक्षकांना मराठी कलाकृती आवडत आहेत. पण कलाकाराचं वैयक्तिक आयुष्य कसं आहे, मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मराठी मनोरंजनसृष्टीसंबंधित बातम्या...

Satvya Mulichi Satavi Mulgi : अस्तिकाला नागरुपात आणण्यासाठी घडणार अनोखं महानाट्य, खरं रुप कळल्यानंतर नेत्रा कोणती शिक्षा देणार?

 झी मराठी (Zee Marathi) वाहिनीवरील सातव्या मुलीची सातवी मुलगी (Satvya Mulichi Satavi Mulgi ) ही मालिका अल्पावधीच प्रेक्षकांच्या पसंतीस उतरली आहे. दरम्यान या मालिकेत बऱ्याच अनपेक्षित गोष्टी घडतात. पण नेत्राला असलेल्या त्रिनैना देवीच्या वरदानामुळे ती येणाऱ्या प्रत्येक संकटाचा सामना करत असल्याचं पाहायला मिळालं आहे. तसेच नेत्राला या अडणींवर मात करण्यासाठी इंद्राणी देखील तितकीच मदत करते. त्यामुळे नेत्रा आणि इंद्राणी मिळून विरुचकावर म्हणजे रुपालीवर प्रत्येक संकटात मात करु शकतात. पण आता या दोघींच्या वाटल्या अस्तिका नावचं नवं संकट आलं आहे. 

Ashok Saraf : प्रेक्षकांच्या मनावर अधिराज्य गाजवणाऱ्या कलाकाराचा सन्मान, अशोक सराफ यांचा महाराष्ट्र भूषण पुरस्काराने आज होणार गौरव

 काही दिवसांपूर्वी जेष्ठ अभिनेते आणि सर्वांचे लाडके मामा म्हणजेच अशोक सराफ (Ashok Saraf) यांना 'महाराष्ट्र भूषण पुरस्कार' (Maharashtra Bhushan Award) जाहीर करण्यात आला. तसेच आज म्हणजेच गुरुवार 22 फेब्रुवारी रोजी मुख्यमंत्री एकनाथ शिंदे (Eknath Shinde) यांच्या हस्ते हा पुरस्कार त्यांना प्रदान करण्यात येणार आहे. महाराष्ट्र शासनाकडून दिला जाणारा राज्याचा सर्वोच्च नागरी सन्मान असणारा महाराष्ट्र भूषण पुरस्कार आहे. यंदा हा पुरस्कार अशोक सराफ यांना देण्याची घोषणा मुख्यमंत्री शिंदे यांनी केली. 

Prathamesh Parab Wedding : मेहंदी, हळद अन् आनंद, दगडूच्या लग्नविधींना सुरुवात, प्रथमेश आणि क्षितीजा अडकणार विवाहबंधनात

   टाईमपास फेम अभिनेता प्रथमेश परब (Prathamesh Parab) हा लवकरच त्याची गर्लफ्रेंड ( Kshitija Ghosalkar) हीच्यासोबत विवाहबंधनात अडकणार आहे. नुकतेच त्याच्या हळदीचे फोटो त्याने सोशल मीडियावर शेअर केलेत. तसेच त्याची होणारी पत्नी क्षितीजा हीचा देखील मेहंदी सोहळा पार पडला. क्षितीजाने तिच्या हातावर प्रथमेशच्या नावाची मेहंदी काढली. प्रथमेशने त्याच्या इन्स्टाग्राम अकाऊंटवरुन हे फोटो शेअर केले आहेत. 

Premachi Goshta Episode Updates : आदित्यच्या मनात सागरविरोधात तिरस्कार भरला! बर्थ डे पार्टीत सावनीचं षडयंत्र यशस्वी होणार?

 'प्रेमाची गोष्ट'च्या  (Premachi Goshta) आजच्या एपिसोडमध्ये आदित्यच्या बर्थ डे पार्टीत मेलोड्रामा दिसणार आहे. आदित्यने बर्थ डे पार्टीला आमंत्रित केल्यानंतर सागर प्रचंड आनंदी आहे. सई आणि मुक्तासोबत सागर आदित्यच्या बर्थ डे पार्टीत जाण्यासाठी सज्ज आहे. सागर सईला आदित्यबद्दल सांगतो. आदित्य आपल्यासोबत का राहत नाही असे सई विचारते. त्यावर सागर अनुत्तरीत होतो. तर, दुसरीकडे मुक्ता स्वाती आणि तिच्या नवऱ्याला मदत करण्यासाठी पावले उचलते.

Divya khossla and Bhushan Kumar : टी-सीरिज, भूषण कुमारांना अनफॉलो केलं, नावातून कुमार काढलं; दिव्या खोसलाने असं का केलं? समोर आलं मोठं कारण

 बॉलीवूडमधील पावर कपल भूषण कुमार (Bhushan Kumar) आणि त्यांची पत्नी दिव्या खोसला (Divya Khossala) यांच्या घटस्फोटाच्या चर्चा कालपासून सुरु होत्या. पण आता या चर्चांना पुर्णविराम मिळाला असून यामागचं महत्त्वाचं कारण समोर आलं आहे. दिव्या खोसलाने तिच्या इन्स्टाग्राम अकाऊंटवरुन भूषण कुमरांना अनफॉलो केलं होतं. तसेच तिच्या नावातून कुमार हे आडनाव देखील काढलं होतं. त्याचप्रमाणे तिने टी सिरिजला देखील अनफॉलो केलं. त्यामुळे त्यांच्या घटस्फोटाच्या चर्चांनी जोर धरला होता.

Shiv Thakare ED Summons: 'बिग बॉस 16' चे स्पर्धक शिव ठाकरे आणि अब्दु रोजिकला ईडीचं समन्स, चौकशीला हजर राहण्याचे समन्स, नेमकं प्रकरण काय?

'बिग बॉस 16' चे स्पर्धक शिव ठाकरे (Shiv Thackeray ED Summons) आणि अब्दु रोजिक (Abdu Rozik) यांना ईडीकडून (ED) समन्स बजावण्यात आले आहे. . एका हाय-प्रोफाईल मनी लॉन्ड्रिंग प्रकरणात साक्ष देण्यासाठी या दोघांनाही ईडीकडून नोटीस बजावण्यात आल्याची माहिती सध्या समोर येत आहे. हे प्रकरण कथित ड्रग माफिया अली असगर शिराझीशी संबंधित  असल्याचं देखील सांगण्यात येत आहे.  वृत्तानुसार, या प्रकरणात साक्षीदार शिव आणि अब्दुचे जबाब नोंदवण्यात येणार आहेत.