Chotya Bayochi Mothi Swapna : शिक्षणाच्या जिद्दीचा अनोखा प्रवास; 'छोट्या बयोची मोठ्ठी स्वप्नं' मालिका येणार प्रेक्षकांच्या भेटीला

Chotya Bayochi Mothi Swapna : 'छोट्या बयोची मोठ्ठी स्वप्नं' ही मालिका लवकरच प्रेक्षकांच्या भेटीला येणार आहे.

Chotya Bayochi Mothi Swapna

Chotya Bayochi Mothi Swapna : शिक्षणासाठीची जिद्द आणि स्वप्नांची ओढ असा वेगळा विषय हाताळत 'छोट्या बयोची मोठ्ठी स्वप्नं' (Chotya Bayochi Mothi Swapna) ही नवी मालिका सोनी मराठी वाहिनीवर लवकरच प्रेक्षकांच्या भेटीला येत आहे. शिक्षणाच्या जिद्दीचा अनोखा प्रवास या मालिकेच्या माध्यमातून उलगडणार आहे. 

'छोट्या बयोची मोठ्ठी स्वप्नं' या मालिकेच्या शूटिंगला कोकणात सुरुवात झाली आहे. कोकणातल्या निसर्गरम्य वातावरणात चित्रित होणारी ही नवी मालिका पाहणं प्रेक्षकांनाही विशेष भावेल. कोकणातली नयनरम्य दृश्यं, हिरवीगार वनराई, निळाशार समुद्र अशा स्वर्गसुखाच्या सान्निध्यात ही नवी मालिका पाहायला मिळणार आहे.

कोकणातल्या सिंधुदुर्ग जिल्ह्यातल्या देवगड या गावात 'छोट्या बयोची मोठ्ठी स्वप्नं'या मालिकेचं शूटिंग सुरू आहे. 'शिक्षणाच्या जिद्दीचा अनोखा प्रवास, बयोच्या प्रयत्नांना शिक्षणाची आस'  असं ब्रीदवाक्य  असलेल्या या मालिकेत निसर्गाच्या सान्निध्यात राहणारी ही छोटी बयो तिच्या डॉक्टर होण्याच्या मोठ्या स्वप्नाला कसा आकार देणार, हे पाहणं नक्कीच रंजक ठरेल. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Sony मराठी (@sonymarathi)

मालिकेत छोट्या बयोची भूमिका बालकलाकार रुची नेरुरकरने साकारली आहे. मूळची कोकणातली असलेली रुचीचं मालिकाविश्वातलं हे पदार्पण आहे. तर विक्रम गायकवाड, वीणा जामकर, नम्रता पावस्कर, शरद सावंत हे कलाकारही मालिकेत पाहायला मिळणार आहेत.

विशेष म्हणजे अभिनेत्री वीणा जामकर पहिल्यांदाच मालिकाविश्वात पाहायला मिळणार आहे. तर मालिकेतले काही निवडक कलाकारही कोकणातले असल्याने कोकणच्या निसर्गरम्य वातावरणात चित्रीकरण करण्याची मज्जा काही औरच आहे. अशा या कोकणपुत्रांचा अभिनय छोट्या पडद्यावर पाहणं प्रेक्षकांच्या पसंतीस पडेल यात शंकाच नाही. तर 'इवल्या डोळ्यांना मोठ्या स्वप्नांची ओढ, बयोच्या ध्यासाला पुस्तकाची ओढ' असं म्हणत पुस्तकात सतत डोकं घालून असणाऱ्या बयोचा डॉक्टर होण्याचा प्रवास कसा पूर्ण होईल हे पाहणं रंजक ठरेल.  

छोट्या बयोची मोठ्ठी स्वप्नं
कुठे पाहू शकता? सोनी मराठी
कधी पाहायला मिळेल ? सोम. शनि रात्री 8.30 वा. 

संबंधित बातम्या