![ABP Premium](https://cdn.abplive.com/imagebank/Premium-ad-Icon.png)
Tharla Tar Mag : ठरलं तर मग! सायलीच्या खोट्या प्रेमापोटी अर्जुनने हाती घेतला झाडू; म्हणाला,"बायको टेन्शन नॉट, तू माझी अर्धांगिनी "
Tharla Tar Mag : 'ठरलं तर मग' या मालिकेत आता अर्जुन सायलीची मदत करताना दिसणार आहे.
![Tharla Tar Mag : ठरलं तर मग! सायलीच्या खोट्या प्रेमापोटी अर्जुनने हाती घेतला झाडू; म्हणाला, Tharla Tar Mag marathi serial latest update jui gadkari Arjun took up the broom for the false love of Sayli He said Wife don be tense you are my soulmate Tharla Tar Mag : ठरलं तर मग! सायलीच्या खोट्या प्रेमापोटी अर्जुनने हाती घेतला झाडू; म्हणाला,](https://feeds.abplive.com/onecms/images/uploaded-images/2023/07/07/52c5aec83c8154562a992dd4e45eb69c1688709729587254_original.jpeg?impolicy=abp_cdn&imwidth=1200&height=675)
Tharla Tar Mag Marathi Serial Latest Update : 'ठरलं तर मग' (Tharla Tar Mag) ही छोट्या पडद्यावरील लोकप्रिय मालिका आहे. टीआरपीच्या शर्यतीत ही मालिका पहिल्या क्रमांकावर आहे. या मालिकेत सायली आणि अर्जुन खोट्या प्रेमाचं नाटक करत आहेत. आता सायलीच्या खोट्या प्रेमापोटी अर्जुनने हातात झाडू घेतलेला पाहायला मिळालं आहे. या मालिकेत अभिनेत्री जुई गडकरी (Jui Gadkari) मुख्य भूमिकेत आहे.
'ठरलं तर मग' या मालिकेच्या नुकत्याच पार पडलेल्या भागात आश्रमातील मुलं घरी आल्यामुळे अस्मिताने सायलीला चांगलच सुनावलं आहे. दरम्यान अर्जुन आणि त्याची आई अस्मिताला तिची चूक दाखवून देतात. त्यानंतर अस्मिताने पूर्णा आजीकडे जाऊन रडगाणं सुरू केलं. पण पूर्णा आजीदेखील तिला ओरडली. दरम्यान आश्रमातील मुलांनी घातलेला पसारा आवरण्याचं आश्वासन सायली आजीला देते.
सायलीने आश्वासन दिलेल्या अर्ध्या तासात घरातील पूर्ण पसारा न आवरल्याने अस्मिता आणि आजी पुन्हा तिला ओरडतात. त्यावेळी कल्पना सायलीची बाजू घेत म्हणते,"बोलण्यापेक्षा कामात मदत केली असती तर बरं झालं असतं". त्यावर सायली म्हणते,"आता केर काढून झाला की फक्त फरशी पुसायचं काम बाकी आहे". त्यावर आजी म्हणते,"म्हणजे आता आणखी दोन तास जाणार".
View this post on Instagram
सायली आणि आजीचं संभाषण सुरू असताना अर्जुन एका हातात झाडू आणि दुसऱ्या हातात फरशी पुसण्यासाठी मॉप घेऊन येतो. घर साफ करण्यासाठी सायलीला मदत करणार असल्याचं तो सर्वांना सांगतो. अर्जुन म्हणतो,"आपण सुख दु:ख वाटून घेतो.. अगदी त्याचप्रमाणे कामदेखील वाटून घेतलं पाहिजे. तू माझी अर्धांगिनी आहेस". अर्जुनचा हा प्रकार पूर्णा आजीला आवडलेला नाही.
आवराआवर करताना घरातील एक फ्रेम सायलीकडून खाली पडते आणि फुटते. त्यामुळे पूर्णा आणि अस्मिता पुन्हा तिच्यावर रागावतात. पण अर्जुनचं लक्ष मात्र सायलीच्या हाताकडे जातं. फ्रेम लागल्यामुळे सायलीच्या हातातून रक्त वाहताना तो पाहतो आणि लगेचच मलमपट्टी करतो.
सायलीच्या 'या' गोष्टीमुळे चिडली पूर्णा आजी
फ्रेमची जागा रिकामी राहिल्यामुळे त्या जागी सायली काहीकरी लावायचं ठरवते. दरम्यान तिचा तिच्या आईची फोटोप्रेम सापडते आणि ती फ्रेम हॉलमध्ये लावण्याचं ती ठरवते. पण सायलीच्या प्रतीमाच्या फोटोला हात लावण्यामुळे पूर्णा आजी तिच्यावर चिडते. दरम्यान अस्मिताही आगीत तेल ओतण्याचा प्रयत्न करते.
संबंधित बातम्या
Marathi Serial : छोट्या पडद्यावर जुई गडकरीची हवा, 'ठरलं तर मग' पहिल्या क्रमांकावर
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)