(Source: ECI/ABP News/ABP Majha)
Roadies - Karm YA Kaand: अश्नीर गोव्हरची रोडीजमध्ये एन्ट्री? नव्या प्रोमोनं वेधलं लक्ष
रोडीज (Roadies - Karm YA Kaand) या कार्यक्रमामध्ये अश्नीर ग्रोव्हरची (Ashneer Grover) झलक दिसत आहे.
Ashneer Grover In Roadies - Karm YA Kaand: गेल्या काही दिवसांपासून प्रेक्षक रोडीज (Roadies - Karm YA Kaand) या शोची उत्सुकतेने वाट पाहत आहेत. लवकरच प्रेक्षकांची प्रतीक्षा संपणार आहे. नुकताच रोडीजचा (Roadies) एक नवा प्रोमो सोशल मीडियावर शेअर करण्यात आला आहे. रोडीज या कार्यक्रमाच्या प्रोमोमध्ये काही स्पर्धक ऑडिशन देताना दिसत आहेत. या प्रोमोमध्ये अश्नीर ग्रोव्हर (Ashneer Grover) देखील दिसत आहे. त्यामुळे अश्नीर हा रोडीज या शोचे परीक्षण करणार आहे का? की तो केवळ एका एपिसोडसाठी या शोमध्ये असणार आहे? असे प्रश्न चाहत्यांना पडले आहेत. रोडीजच्या प्रोमोमध्ये स्पर्धक हे त्यांचे सिलेक्शन होण्यासाठी काही स्टंट परफॉर्म करताना दिसत आहेत. रोडीजचा प्रोमोपाहून असे वाटते की, यावेळी हा शो प्रेक्षकांचे नेहमीपेक्षा जास्त मनोरंजन करणार आहे.
रोडीज या शोच्या प्रोमोमध्ये रिया चक्रवर्ती (Rhea Chakraborty), गौतम गुलाटी आणि प्रिंस नरूला हे ऑडिशनसाठी आलेल्या स्पर्धकांची परीक्षा घेताना दिसत आहेत. एका टास्क दरम्यान रिया, गौतम आणि प्रिंस यांच्यामध्ये भांडण झालेलं दिसत आहे. तसेच या शोमध्ये अभिनेता सोनू सूद हा देखील स्पर्धकांना विविध टास्क देताना दिसणार आहे. रोडीजच्या प्रोमोमध्ये अश्नीर ग्रोव्हरची झलक देखील दिसते. तर एक स्पर्धक हा शिव ठाकरेचा मास्क लावून आलेला दिसत आहे.
View this post on Instagram
रोडीज या स्टंटवर आधारित रिअॅलिटी शोचा हा 19 वा सीझन आहे. यावेळी शोमध्ये प्रिन्स नरुला, रिया चक्रवर्ती आणि गौतम गुलाटी हे गॅंग लीडर म्हणून दिसणार आहेत. सोनू सूद सुप्रीम पॉवरसोबत दिसणार आहे. हा शो 3 जूनपासून प्रेक्षकांच्या भोटीस येणार आहे.
रियाने 2012 मध्ये आलेल्या ‘तुनिगा तुनिगा’ या तेलगू चित्रपटातून आपल्या करिअरची सुरुवात केली होती. या चित्रपटाच्या अवघ्या एका वर्षानंतर म्हणजेच 2013मध्ये 'मेरे डॅड की मारुती' या चित्रपटाद्वारे तिने बॉलिवूडमध्ये पदार्पण केले होते. आता रोडीज या शोमध्ये रियाला पाहण्यासाठी प्रेक्षक उत्सुक आहेत.
वाचा इतर महत्त्वाच्या बातम्या :
महत्त्वाच्या बातम्या
ट्रेंडिंग न्यूज
