Rang Majha Vegla : दीपिका आपलीच मुलगी असल्याचं सत्य अखेर दिपासमोर येणार! मालिकेत पुढे काय घडणार? जाणून घ्या...
Rang Majha Vegla : छोट्या पडद्यावरची लोकप्रिय मालिका ‘रंग माझा वेगळा’ सध्या प्रचंड गाजते आहे. या मालिकेत सध्या बरेच चढ उतार पाहायला मिळत आहे.
Rang Majha Vegla : छोट्या पडद्यावरची लोकप्रिय मालिका ‘रंग माझा वेगळा’ (Rang Majha Vegla) सध्या प्रचंड गाजते आहे. या मालिकेत सध्या बरेच चढ उतार पाहायला मिळत आहे. मालिकेत सध्या मोठा गोंधळ पाहायला मिळतो आहे. आता लवकरच दीपाला दीपिका आपलीच मुलगी असल्याचं सत्य कळणार आहे. आयेशा आणि कार्तिकच्याच्या वादानंतर आयेशाने आत्महत्या करण्याचा प्रयत्न केला होता. यावेळी, आपण तुझे लग्न कार्तिकशी लावून देऊ असा शब्द दीपाने आयेशाला दिला होता. मात्र, दुसरीकडे सौंदर्या दीपाने असं करू नये म्हणून शक्य ते प्रयत्न करत असते.
आता दीपिका दीपाचीच मुलगी आहे, हे तिला कळावं म्हणून सौंदर्या इनामदार एक योजना तयार करते. त्यानुसार दीपाला सगळे पुरावे मिळावे अशी व्यवस्था ती करून ठेवते. तिच्या योजनेनुसार आता दीपाला सगळी खरी गोष्ट कळली आहे. सोबतच आपली दुसरी मुलगी देखील जिवंत असून, ती दीपिकाच असल्याचं देखील तिला कळतं. आयुष्यातील सगळ्यात मोठं सत्य तिच्या समोर आल्यानंतर दीपा प्रचंड हादरली आहे.
सौंदर्याशी तोडणार नातं!
आपण ज्यांना आई मानतो, त्यांनीच आपल्याशी असं वागल्यामुळे दीपा प्रचंड संतापली आहे. तिला या सगळ्या प्रकरणाचा धक्का बसला आहे. यामुळे चिडलेली दीपा आता सौंदर्याला जाब विचारणार आहे. इतकंच नाही तर, ती आता सौंदर्याशी नातं तोडणार आहे. यामुळे पुन्हा एकदा मालिकेत मोठं वळण पाहायला मिळणार आहे. आता दीपा पुढे काय पाऊल उचलणार आणि दीपिकाच्या भविष्याबाबतीत काय निर्णय घेणार, हे येत्या भागांमधून कळणार आहे.
सोमवार ते शनिवार रात्री आठ वाजता स्टार प्रवाहवर तुम्ही रंग माझा वेगळा ही मालिका पाहू शकता. एका मध्यमवर्गीय घरातील उपेक्षित आणि सावळ्या रंगाच्या दीपा या मुलीची कथा या मालिकेत दाखवण्यात आली होती. तिच्या आयुष्यात आलेल्या अनेक अडचणींचा सामना करत तिने नेहमीच यश मिळवले आहे, असं मालिकेच्या कथानकामध्ये दाखवण्यात आलं आहे. अभिनेत्री रेश्मा शिंदे, अभिनेता आशुतोष गोखले, हर्षदा खानविलकर हे कलाकार या मालिकेमध्ये प्रमुख भूमिका साकारतात. या मालिकेच्या कथानकाला आणि कलाकारांच्या अभिनयाला प्रेक्षकांची पसंती मिळाली आहे.
हेही वाचा :
Marathi Serial : 'रंग माझा वेगळा' मालिका सुपरहिट, सलग सहा आठवडे प्रेक्षकांच्या पसंतीस अव्वल...
Rang Maza Vegla : 'रंग माझा वेगळा' मधील नवी कार्तिकी; मैत्रेयी दाते दिसणार कार्तिकीच्या भूमिकेत
महत्त्वाच्या बातम्या
