Maharashtra Television News : 'तुझेच मी गीत गात आहे' ते 'आई कुठे काय करते !'; तुमच्या आवडत्या मालिकेत सध्या काय घडतंय? जाणून घ्या एका क्लिकवर!

तुमच्या आवडत्या मालिकेच्या कथानकामध्ये सध्या काय घडतंय? या मालिकांमध्ये कोणते ट्वीस्ट येणार आहेत? याबाबत जाणून घेऊयात...

Maharashtra Television News

Maharashtra Television News :  विविध विषयांवर आधारित असणाऱ्या मालिका प्रेक्षकांची मनं जिंकत असतात. या मालिका अनेक लोक रोज न चुकता बघतात. तुमच्या आवडत्या मालिकेच्या कथानकामध्ये सध्या काय घडतंय? या मालिकांमध्ये कोणते ट्वीस्ट येणार आहेत? याबाबत जाणून घेऊयात...

Rhea Chakraborty : 'रोडीज 19'मधून रिया चक्रवर्तीचा पत्ता होणार कट? 'या' परीक्षकांनी अभिनेत्रीसोबत शूटिंग करण्यास दिला नकार

Gautam Gulati And Prince Narula Refuse To Shoot With Rhea Chakraborty : छोट्या पडद्यावरील लोकप्रिय कार्यक्रम 'रोडीज'चं (Roadies) नवं पर्व लवकरच प्रेक्षकांच्या भेटीला येणार आहे. सोनू सूद हा कार्यक्रम होस्ट करणार असून प्रिन्स नरुला (Prince Narula), गौतम गुलाटी (Gautam Gulati) आणि रिया चक्रवर्ती (Rhea Chakraborty) या कार्यक्रमात गॅंग लिडरच्या भूमिकेत दिसणार होते. पण आता गौतम आणि प्रिन्सने रियासोबत शूटिंग करण्यास नकार दिला आहे. त्यामुळे 'रोडीज 19'मधून रिया चक्रवर्तीचा पत्ता कट झाल्याचं म्हटलं जात आहे. 

Mi Honar Superstar Jallosh Juniorscha: प्रेक्षकांना पाहायला मिळणार महाराष्ट्राच्या लाडक्या जोडीची सदाबहार प्रेम कहाणी; ‘मी होणार सुपरस्टार - जल्लोष ज्युनियर्सचा’ मधील परफॉर्मन्सचा व्हिडीओ व्हायरल

Mi Honar Superstar Jallosh Juniorscha: ‘मी होणार सुपरस्टार - जल्लोष ज्युनियर्सचा’ (Mi Honar Superstar Jallosh Juniorscha) या कार्यक्रमामधील स्पर्धक   विविध परफॉर्मन्स सादर करतात. त्यांचे हे परफॉर्मन्स प्रेक्षकांच्या पसंतीस पडतात. सध्या ‘मी होणार सुपरस्टार - जल्लोष ज्युनियर्सचा’  या कार्यक्रमातील एका परफॉर्मन्सचा व्हिडीओ सोशल मीडियावर व्हायरल झाला आहे. या व्हिडीओमध्ये दिसत आहे की, ‘मी होणार सुपरस्टार - जल्लोष ज्युनियर्सचा’ या कार्यक्रमातील आराध्या आणि  मानसी या दोघी नृत्याच्या माध्यमातून महाराष्ट्राच्या लाडक्या जोडीची सदाबहार प्रेम कहाणी प्रेक्षकांसमोर मांडत आहेत.

Tuzech Mi Geet Gaat Aahe: स्वराजचा आवाज ऐकण्यासाठी मल्हार आतुर; 'तुझेच मी गीत गात आहे’ मालिकेचा प्रोमो व्हायरल

Tuzech Mi Geet Gaat Aahe:  छोट्या पडद्यावरील तुझेच मी गीत गात आहे (Tuzech Mi Geet Gaat Aahe)  मालिकेत वेगवेगळे ट्विस्ट येत असतात. काही दिवसांपूर्वी स्वराज आणि मंजुळा यांना काही गुंडांनी पकडले होते. मल्हारनं स्वराज आणि मंजुळाची गुंडांपासून सुटका केली. गेल्या काही दिवसांपासून स्वराजला बोलता येत नाहीये. पण स्वराज हा मल्हारला पाहिल्यांनंतर 'बाबा' अशी हाक मारतो. त्यामुळे आता मल्हारला आनंद झाला आहे.

Marathi Serial : 'आई कुठे काय करते' की 'ठरलं तर मग'? टीआरपीच्या शर्यतीत 'या' मालिकेने मारली बाजी!

Marathi Serial TRP Rating : मराठी मालिका (Marathi Serial) विश्वात सध्या नवनवीन प्रयोग होत असतात. प्रेक्षकांना मालिकेत खिळवून ठेवण्यासाठी निर्माते सतत मालिकेत नवीन ट्विस्ट आणत असतात. मालिकांसोबतच मालिकांच्या टीआरपी रेटिंगकडेदेखील प्रेक्षकांचे लक्ष लागलेले असते. टीआरपी रिपोर्टमध्ये अनेकदा चढ-उतार पाहायला मिळत असतो. नुकताच या आठवड्याचा टीआरपी रिपोर्ट समोर आला आहे. टॉप 10 मालिका कोणत्या आहेत, जाणून घ्या...

Aai Kuthe Kay Karte : ईशा अन् अनिशची लगीनघाई! साखरपुड्याच्या खर्चावरुन अरुंधती आणि अनिरुद्धमध्ये होणार वाद

Aai Kuthe Kay Karte Marathi Serial Latest Update : 'आई कुठे काय करते' (Aai Kuthe Kay Karte) ही मालिका प्रेक्षकांच्या पसंतीस पडवी यासाठी निर्माते वेगवेगळे प्रयत्न करत आहेत. मालिकेत सध्या ईशा आणि अनिशच्या लग्नाची तयारी सुरू आहे. लवकरच ते लग्नबंधनात अडकणार असल्याने दोघांच्याही घरी लगीनघाईला सुरुवात झाली आहे. दरम्यान मालिकेच्या आगामी भागात साखरपुड्याच्या खर्चावरुन पुन्हा एकदा अरुंधती आणि अनिरुद्धमध्ये वाद होणार आहे.