Tuzech Mi Geet Gaat Aahe: स्वराजचा आवाज ऐकण्यासाठी मल्हार आतुर; 'तुझेच मी गीत गात आहे’ मालिकेचा प्रोमो व्हायरल
आता स्वराजचा आवाज मल्हारला पुन्हा ऐकायला कधी मिळेल? या प्रश्नाचं उत्तर लवकरच प्रेक्षकांना मिळणार आहे.
Tuzech Mi Geet Gaat Aahe: छोट्या पडद्यावरील तुझेच मी गीत गात आहे (Tuzech Mi Geet Gaat Aahe) मालिकेत वेगवेगळे ट्विस्ट येत असतात. काही दिवसांपूर्वी स्वराज आणि मंजुळा यांना काही गुंडांनी पकडले होते. मल्हारनं स्वराज आणि मंजुळाची गुंडांपासून सुटका केली. गेल्या काही दिवसांपासून स्वराजला बोलता येत नाहीये. पण स्वराज हा मल्हारला पाहिल्यांनंतर 'बाबा' अशी हाक मारतो. त्यामुळे आता मल्हारला आनंद झाला आहे.
'तुझेच मी गीत गात आहे’ या मालिकेच्या प्रोमोमध्ये दिसत आहे की, डॉक्टर मल्हारला म्हणतात, "एका मोठ्या धक्क्यामुळे स्वराजचा आवाज परत येऊ शकतो, हे मी तुम्हाला आधीच सांगितलं होतं.त्याचा आवाज एका धक्क्यामुळेच गेला होता. पण तुम्ही नक्की त्याचा आवाज ऐकला ना?" यावर मल्हार म्हणतो, "तो 'बाबा' असं म्हणाला मला बघून, हे मला निट आठवतंय "
त्यानंतर मल्हार डॉक्टरांना म्हणतो, 'आम्हाला स्वराजचा आवाज परत कधी ऐकता येईल?' डॉक्टर मल्हारला सांगतात, "थोडा वेळ तुम्हाला वाट बघावी लागेल कारण मी स्वराजला इंजेक्शन दिलं आहे, त्यामुळे तो उद्या सकाळी उठेल.त्याला आराम करायची गरज आहे." आता स्वराजचा आवाज मल्हारला पुन्हा ऐकायला कधी मिळेल? या प्रश्नाचं उत्तर लवकरच प्रेक्षकांना मिळणार आहे.
पाहा प्रोमो:
View this post on Instagram
'तुझेच मी गीत गात आहे’ या मालिकेच्या गेल्या एपिसोडमध्ये दिसले की,मंजुळा आणि स्वराजला काही गुंडांनी पकडले होते. स्वराजला वाचवायला मल्हार तिथे मल्हार गेला होता.
'तुझेच मी गीत गात आहे’ मालिकेतील कलाकार
मल्हार कामत ही भूमिका अभिनेता अभिजीत खांडकेकर हा साकारतो तर स्वरा उर्फ स्वराज ही भूमिका अवनी तायवाडे ही साकारते. तसेच या मालिकेमध्ये मोनिका मल्हार कामत ही भूमिका प्रिया मराठे ही साकारते आणि स्वराची आई म्हणजेच वैदेही मल्हार कामत ही भूमिका अभिनेत्री ऊर्मिला कानेटकर ही साकारते. मंजुळा हे भूमिका देखील ऊर्मिला साकारते. 'तुझेच मी गीत गात आहे’ या मालिकेच्या आगामी एपिसोडची प्रेक्षक उत्सुकतेने वाट बघत आहेत.
इतर महत्वाच्या बातम्या:
महत्त्वाच्या बातम्या
