Kunya Rajachi Ga Tu Rani: 'कुन्या राजाची गं तू रानी' मध्ये 'ही' अभिनेत्री साकारणार प्रोफेसरची भूमिका; हिट मालिकांमध्ये केलंय काम
कुन्या राजाची गं तू रानी (Kunya Rajachi Ga Tu Rani) या मालिकेत मृण्मयी ही भूमिका कोणती अभिनेत्री साकारणार आहे? याबाबत जाणून घ्या
Kunya Rajachi Ga Tu Rani: कुन्या राजाची गं तू रानी (Kunya Rajachi Ga Tu Rani) ही मालिका लवकरच प्रेक्षकांच्या भेटीस येणार आहे.मालिकेचे प्रोमो, शीर्षकगीताला प्रेक्षकांनी भरभरुन प्रतिसाद दिला आहे. गुंजा-कबीरच्या आयुष्यात नेमकं कोणतं नाट्य घडणार हे प्रेक्षकांना जाणून घ्यायचं आहे. गुंजा आणि कबीरसोबतच या मालिकेतलं आणखी एक महत्त्वाचं पात्र म्हणजे मृण्मयी. मृण्मयी ही भूमिका कोणती अभिनेत्री साकारणार आहे? असा प्रश्न अनेकांना पडला असेल. जाणून घेऊयात 'कुन्या राजाची गं तू रानी' या मालिकेत मृण्मयी ही भूमिका साकारणाऱ्या अभिनेत्रीबद्दल...
अभिनेता हर्षद अतकरी हा 'कुन्या राजाची गं तू रानी' या मालिकेत कबीर ही भूमिका साकारणार आहे. तर अभिनेत्री शर्वरी जोग ही या मालिकेत गुंजा ही भूमिका साकारणार आहे. या मालिकेत मृण्मयी नावाच्या प्रोफेसरची भूमिका अभिनेत्री पुर्णिमा डे साकारणार आहे.
कबीरवर निस्स्मीम प्रेम करणारी मृण्मयी मराठीची प्रोफेसर आहे. नखशिखांत सुंदर आणि श्रीमंतीत वाढलेली. कुणावरही पटकन विश्वास न टाकणारी, पण एखाद्यावर विश्वास जडला की अखेरपर्यंत निभावणारी अशी ही मृण्मयी. अभिनेत्री पुर्णिमा डे मृण्मयीची व्यक्तिरेखा साकारत आहे.
पुर्णिमा डेनं 'कुन्या राजाची गं तू रानी' या मालिकेच्या आधी झटका या चित्रपटात काम केलं आहे. तसेच तिनं या आधी तुझेच मी गीत गात आहे, रात्रीस खेळ चाले 3 या हिट मराठी मालिकांमध्ये देखील काम केलं आहे. तसेच तिनं प्रीवेडिंग या शॉर्टफिल्ममध्ये देखील काम केलं आहे.
View this post on Instagram
मृण्मयी या व्यक्तिरेखेबद्दल सांगताना पौर्णिमा म्हणाली, ‘मी खूप दिवस ज्या भूमिकेच्या शोधात होते ती भूमिका मला मृण्मयीच्या रुपात भेटली. मनाने हळवी मात्र मनस्वी असं हे पात्र आहे. या पात्राला खूप शेड्स आहेत. तिच्या सधन असण्याचा तिला अजिबात अहंकार नाही. मात्र कबीर ने तिच्यापासून कधी काही लपवू नये इतकीच तिची भाबडी अपेक्षा आहे. सर्वात महत्त्वाचं म्हणजे मृण्मयी दुष्ट नाही. नावाप्रमाणेच ती मृदू स्वभावाची आहे. मराठीची प्रोफेसर असल्यामुळे समजून घेणं आणि समजावून सांगणं तिला उत्तम जमतं. या मालिकेतला माझा लूकही खूप वेगळा आहे. स्टार प्रवाह वाहिनी, आमच्या निर्मात्या स्मृती शिंदे आणि डिझायनर वैशाली देशमुख यांनी खूप उत्तमरित्या माझा लूक डिझाईन केला आहे. मला हे पात्र साकारताना अतिशय आनंद मिळतोय. प्रेक्षकांनाही हे पात्र आणि ही मालिका नक्कीच आवडेल.'
वाचा इतर महत्वाच्या बातम्या:
Before You Go
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
महत्त्वाच्या बातम्या
