Khupte Tithe Gupte: अवधूत गुप्तेच्या धारदार प्रश्नांना उत्तरं देणारा अभिजीत बिचुकले; 'खुपते तिथे गुप्ते' कार्यक्रमाचा प्रोमो व्हायरल
अभिजीत बिचुकले (Abhijit Bichukale) हे आता 'खुपते तिथे गुप्ते' (Khupte Tithe Gupte) या कार्यक्रमामध्ये अवधूत गुप्तेच्या प्रश्नांची कशी उत्तरं देणार? याकडे अनेकांचे लक्ष लागले आहे.
Khupte Tithe Gupte : अवधूत गुप्तेच्या (Avadhoot Gupte) ‘खुपते तिथे गुप्ते’ (Khupte Tithe Gupte) या कार्यक्रमामध्ये अभिजीत बिचुकले (Abhijit Bichukale) हे हजेरी लावणार आहेत. 'बिग बॉस' (Bigg Boss) फेम अभिजीत बिचुकले हे आता 'खुपते तिथे गुप्ते' या कार्यक्रमामध्ये अवधूत गुप्तेच्या प्रश्नांची कशी उत्तरं देणार? याकडे अनेकांचे लक्ष लागले आहे. नुकताच 'खुपते तिथे गुप्ते' या कार्यक्रमाचा एक प्रोमो सोशल मीडियावर शेअर करण्यात आला आहे. या प्रोमोमध्ये अभिजीत बिचुकले हे इंग्रजी भाषेत बोलताना दिसत आहेत.
'खुपते तिथे गुप्ते' या कार्यक्रमाचा प्रोमो नुकताच सोशल मीडियावर शेअर करण्यात आला आहे. या प्रोमोमध्ये दिसत आहे की, अभिजीत बिचुकले म्हणतात, 'मी इंग्लिशमध्ये असं बोलतो ना की, कळणार नाही हे शब्द डिक्शनरीमध्ये कुठे लिहिले आहेत.' त्यानंतर स्टेजवर काही व्यक्ती येतात आणि अभिजीत बिचुकले यांच्या गळ्यात फुलांचा हार घालतात. 'खुपते तिथे गुप्ते' या कार्यक्रमाचा हा एपिसोड तुम्ही 10 सप्टेंबर रोजी रात्री 9 वाजता पाहू शकता.
पाहा प्रोमो
View this post on Instagram
बिग बॉस -15 (Bigg Boss 15) मध्ये अभिजीत बिचुकले यांनी सहभाग घेतला होता. अभिजीत बिचुकले हे त्यांच्या वक्तव्यांमुळे नेहमीच चर्चेत असतात. सलमानला कोणी मोठं झालेलं बघवत नाही, त्याचा 20 वर्षांचा इतिहास बघा, असे शंभर सलमान दारात उभे करेन माझी गल्ली झाडायला, असं म्हणत बिचुकलेने सलमान खानवर निशाणा साधला होता. अभिजीत बिचुकले हे विविध विषयांवरील त्यांची मतं मांडत असतात. अभिजीत बिचुकले हे मराठी बिग बॉसच्या दुसऱ्या सिझनमध्ये देखील सहभागी झाले होते.
खुप्ते तिथे गुप्ते या कार्यक्रमामध्ये अमृता खानविलकर (Amruta Khanvilkar), सई ताम्हणकर, श्रेयस तळपदे, सुबोध भावे, जितेंद्र जोशी या कलाकारांनी हजेरी लावली होती. खुप्ते तिथे गुप्ते या कार्यक्रमामध्ये कलाकार मजेशीर किस्से तसेच आठवणी सांगतात. तसेच या कार्यक्रमामध्ये राज ठाकरे, संजय राऊत,नारायण राणे यांनी देखील हजेरी लावली होती. या कार्यक्रमाच्या आगामी एपिसोडची प्रेक्षक उत्सुकतेने वाट बघत असतात.
संबंधित बातम्या
महत्त्वाच्या बातम्या
