एक्स्प्लोर

Devmanus 2 : 'देवमाणूस 2' ची प्रेक्षकांमध्ये उत्सुकता, 'ती परत आलीये' मालिका घेणार निरोप

Devmanus 2 : सगळ्यांचा लाडका 'देवमाणूस' पुन्हा एकदा प्रेक्षकांच्या भेटीला येत आहे. मालिकेच्या दुसऱ्या भागाचा टीझर प्रदर्शित होताच सोशल मीडियावर चर्चेला उधाण आले आहे.

By : एबीपी माझा वेबटीम | Edited By: मंजिरी पोखरकर | Updated at : 22 Nov 2021 09:32 PM (IST)

देवमाणूस

Devmanus 2 : झी मराठीवरील 'देवमाणूस' या मालिकेने लोकप्रियतेचं शिखर गाठलं आणि प्रेक्षकांना टीव्ही स्क्रीनला खिळवून ठेवलं. 'देवमाणूस' ही छोट्या पडद्यावरची लोकप्रिय मालिका ठरली होती. या मालिकेतील रंजक वळण पाहताना प्रेक्षक टीव्हीसमोरून हलत नसत. या मालिकेत मुख्य भूमिका साकारणारा अभिनेता किरण गायकवाड याच्या अभिनयाचं देखील प्रचंड कौतुक झालं. त्याच्या अभिनयाने त्याने तमाम प्रेक्षकांच्या मनावर राज्य केलं. 'देवमाणूस'मधील भूमिकेने त्याने प्रेक्षकांच्या मनात वेगळी ओळख निर्माण केली.

मालिकेचा जेव्हा शेवट झाला तेव्हा मालिकेचा दुसरा भाग येणार आहे, अशी चर्चा सुरु होती. प्रेक्षक आतुरतेने या दुसऱ्या भागाची वाट बघत होते. पण आता तो क्षण लवकरच येणार आहे. सगळ्यांचा लाडका 'देवमाणूस' पुन्हा एकदा प्रेक्षकांच्या भेटीला येत आहे. मालिकेच्या दुसऱ्या भागाचा टीझर प्रदर्शित होताच सोशल मीडियावर चर्चेला उधाण आले आहे.

View this post on Instagram

A post shared by ZeeMarathi (@zeemarathiofficial)

'देवमाणूस 2' लकरकच सुरू होणार आहे. मालिकेतील कलाकारांची नावे अद्याप गुलदस्त्यात आहे. त्यासोबत देवमाणूसची मुख्य भूमिका साकारणारा अभिनेता किरण गायकवाड याचा लूक या नवीन भागात कसा असणार आहे, याची उत्सुकता देखील प्रेक्षकांना आहे. लवकरच 'ती परत आलीये' ही मालिका प्रेक्षकांचा निरोप घेणार आहे. त्याजागी 'देवमाणूस २' मालिका प्रेक्षकांचं मनोरंजन करण्यासाठी सज्ज होणार आहे.

संबंधित बातम्या