Bigg Boss Marathi Season 5 : 'त्याला दोन सणसणीत कानाखाली द्याव्याशा वाटतात', अंकिता घन:श्यामवर का वैतागली?
Bigg Boss Marathi Season 5 : बिग बॉसच्या घरात एकमेकांविषयीचा राग हा वारंवार समोर येतोय. आता अंकितानेही घन:श्यामवरचा राग काढला आहे.
Bigg Boss Marathi Season 5 : 'बिग बॉस मराठी'च्या (Bigg Boss Marathi new Season) घरात सध्या दोन चिमुकल्या पाहुण्यांचं आगमन झालं आहे. हे चिमुकले पाहुणे घरातील सर्व सदस्यांना आपल्या तालावर नाचवताना दिसत आहेत. चिमुकल्या पाहुण्यांसोबत घरातील 'छोटा पुढारी'देखील सगळ्यांशी पंगा घेताना दिसत आहे. 'छोटा पुढारी'च्या पंग्यामुळे घरात चांगलाच दंगा होणार आहे. पण आता या नव्या टास्कमध्ये कोणते राडे होणार याचीही उत्सुकता प्रेक्षकांना लागून राहिली आहे.
'बिग बॉस मराठी'च्या नव्या प्रोमोमध्ये अंकिता आणि धनंजय पोवार घन:श्यामबद्दल बोलताना दिसत आहे. अंकिता म्हणतेय,"घन:श्यामला खरचं मला मारावसं वाटत होतं... त्याच्या एका शब्दावरही मला विश्वास राहिलेला नाही. त्याला धावताना पाहून त्याच्या दोन कानाखाली द्याव्याशा वाटत होत्या". त्यामुळे आता बिग बॉसच्या घरात घन:श्याम आणि अंकितामध्ये मोठा राडा होणार का हे पाहणं उत्सुकतेचं ठरणार आहे. त्याचप्रमाणे नवा टास्क खेळता खेळता कोणामध्ये राडे होणार आणि कुणाचा डाव वरचढ ठरणार हे देखील पाहणं उत्सुकतेचं ठरेल.
अरबाज अभिजीतला मिळणार पॉवरकार्ड
वीकेंडला अभिजीत आणि अरबाजने 'बिग बॉस मराठी'चं तंटाघर चांगलच गाजवलं. आजच्या प्रोमोमध्ये 'बिग बॉस' म्हणत आहेत,"अरबाज आणि अभिजीत आपल्यासमोर आहेत पाच पॉवरकार्ड्स". यावेळी अभिजीत म्हणतोय,"बिग बॉस' मी सेफसाठी पॉवरकार्डचा वापर करतोय". तर अरबाजही म्हणतोय,"बिग बॉस' मी सेफसाठी पॉवरकार्ड वापरतोय". अरबाजच्या या निर्णयावर निक्की म्हणते,"चुकीचा निर्णय". त्यामुळे अरबाजने घेतलेला निर्णय एकंदरीतच निक्कीला पटलेला नाही.
'बिग बॉस मराठी'च्या घरात रंगणार मैफिल
'बिग बॉस मराठी'च्या बाथरुममध्ये मैफिल रंगणार आहे.'बिग बॉस मराठी'च्या आजच्या भागात धनंजय पोवार आणि अभिजीत सावंत 'दीवाना है देखो' हे गाणं म्हणताना दिसणार आहेत. या गाण्यावर सूरज आणि इरिना थिरकताना दिसणार आहे. त्याच गाण्यावर बाहेर हॉलमध्ये जान्हवी देखील थिरकताना दिसते.
View this post on Instagram
ही बातमी वाचा :
महत्त्वाच्या बातम्या
ट्रेंडिंग न्यूज
