Swapnil Joshi : 'नाच गं घुमा'च्या यशानंतर स्वप्नील जोशीची नवी निर्मिती, 'सुशीला -सुजीत' चित्रपटाचा मुहूर्त संपन्न
Swapnil Joshi : स्वप्नील जोशीचा नवा सिनेमा सुशीला-सुजीतचा मुहूर्त नुकताच संपन्न झाला आहे.
Swapnil Joshi : अभिनेता स्वप्नील जोशीने (Swapnil Joshi) 'नाच गं घुमा' (Naach G Ghuma) या सिनेमाच्या माध्यमातू निर्मिती क्षेत्रात पाऊल ठेवलं. त्याचा हा पहिला सिनेमा बॉक्स ऑफिसवरही यशस्वी ठरल्याचं चित्र होतं. त्यानंतर पुन्हा एक नवा सिनेमा प्रेक्षकांच्या भेटीला घेऊन येणार आहे. नुकतच त्याच्या सुशीला सुजीत या सिनेमाचा मुहूर्त संपन्न झाला. या सिनेमाच्या माध्यमातून स्वप्नील प्रेक्षकांसाठी काय नवं घेऊन येणार याची उत्सुकता आहे.
स्वप्नील जोशीसोबत अभिनेता प्रसाद ओक-मंजिरी ओक, संजय मेमाणे आणि निलेश राठी हे कलाकारही या सिनेमाची निर्मिती करणार आहेत. त्यामुळे कलाकारांची एक मोठी फौज या सिनेमाच्या निमित्ताने एकत्रित निर्मितीची धुरा सांभाळणार आहे. मोठे कलाकार हा सिनेमाची निर्मिती करणार असून सिनेमाची स्टारकास्ट कशी असणार हे पाहणं उत्कंठावर्धक ठरणार आहे.
जितेंद्र जोशीच्या हस्ते मुहूर्त संपन्न
चित्रपटाचा मुहूर्त देखील तितकाच खास ठरला आणि याच कारण देखील तेवढं खास आहे. आघाडीचा अभिनेता लेखक निर्माता जितेंद्र जोशी याने या चित्रपटाच्या मुहूर्तला खास हजेरी लावून चित्रपटाचा मुहूर्त खास केला आहे. जितेंद्र जोशी हा या सगळ्यां निर्मात्याचा लाडका मित्र तर आहे आणि म्हणून लाडक्या जवळच्या मित्राच्या हातून या चित्रपटाचा मुहूर्त संपन्न झाला आहे.
दगडूशेठ गणतीच्या बाप्पाच दर्शन घेऊन या नव्या चित्रपटाचा श्री गणेशा झाला आहे. चित्रपटाची कथा काय असणार , कोण कलाकार यात दिसणार हे अजून तरी गुलदस्त्यात असलं तरी लवकरच या बद्दल गोष्टी समजतील असं कळतंय !
View this post on Instagram
ही बातमी वाचा :
Suraj Chavan : वसंत तात्यांची झापूक झुपूक एंट्री, थेट मरिआईच्या मंदिरात; सूरज चव्हाणबद्दल दोन शब्द
महत्त्वाच्या बातम्या
