Sushmita-Rohman Patch Up : सुष्मिता सेन-रोहमन शॉलचं पॅचअप? सोशल मीडियावरील व्हिडीओ पाहून चाहते खुश!

Sushmita-Rohman : सुष्मिता सेन नुकतीच एक्स बॉयफ्रेंड-मॉडेल रोहमन शॉलसोबत दिसली होती. यादरम्यान पापाराझींनी दोघांनाही कॅमेऱ्यात कैद केले.

Sushmita-Rohman

Sushmita Sen : बॉलिवूड अभिनेत्री सुष्मिता सेन (Sushmita Sen) नेहमीच तिच्या वैयक्तिक आयुष्यामुळे चर्चेत असते. गेली काही वर्ष ती स्वत:पेक्षा वयाने लहान असलेल्या रोहमन शॉलला (Rohman Shawl) डेट करत होती. पण, अलीकडेच दोघांनी आपले ब्रेकअप झाल्याची जाहीर घोषणा केली. पण, ब्रेकअपनंतर दोघे पुन्हा एकदा एकत्र दिसले, त्यानंतर अशा बातम्या पसरू लागल्या की, त्यांचे पुन्हा पॅचअप झाले आहे.

सुष्मिता सेन नुकतीच एक्स बॉयफ्रेंड आणि मॉडेल रोहमन शॉलसोबत दिसली होती. यादरम्यान पापाराझींनी दोघांनाही कॅमेऱ्यात कैद केले. दोघेही कुठूनतरी येताना आणि एकमेकांसोबत गाडीत बसताना दिसले. इतकेच नाही तर, रोहमन सुष्मिता सेनला तिथे उपस्थित असलेल्या गर्दीपासून वाचवतानाही दिसला. यावेळी दोघेही आउटफिटमध्ये स्पॉट झाले होते. सुष्मिताने डेनिम शर्ट परिधान केले होते, तर रोहमनही मॅचिंग कलरच्या शर्टमध्ये दिसला.

पाहा व्हिडीओ :

सेलिब्रिटी फोटोग्राफर विरल भयानीने यादरम्यानचा व्हिडीओ त्याच्या अधिकृत इंस्टाग्राम हँडलवर शेअर केला आहे. व्हिडीओमध्ये दिसत आहे की, सुष्मिता आणि रोहमन एका रेस्टॉरंटमधून बाहेर पडत आहेत आणि मग तिथला जमाव त्यांना घेरतो. अशा परिस्थितीत रोहमन दोन्ही हातांनी सुष्मिताभोवती सुरक्षाकडं तयार करतो. आता सोशल मीडियावर व्हायरल होत असलेला हा व्हिडीओ सगळ्यांनाच गोंधळात टाकत आहे. व्हिडीओवर कमेंट करत लोक दोघांच्या पॅचअपवर प्रश्न विचारत आहेत. ब्रेकअपनंतरही रोहमन शॉल आणि सुष्मिता सेन अनेकदा एकत्र दिसले आहेत.

सोशल मीडियावर शेअर केली ब्रेकअप पोस्ट

अभिनेत्री सुष्मिता सेन आणि रोहमन शॉल 2018 पासून एकमेकांना डेट करत होते. मात्र, गेल्या वर्षी डिसेंबरमध्ये अचानक सुष्मिता सेनने एक पोस्ट शेअर करून तिच्या ब्रेकअपची माहिती दिली होती. तर, रोहमनने देखील याला दुजोरा दिला होता. मात्र, आता त्यांना एकत्र पाहून त्यांचे चाहते खुश झाले आहे.   

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha