RRR : राम चरण आणि ज्युनियर एनटीआरने आमिर खानला शिकवला डान्स, 'नाटू नाटू' गाण्याचा व्हिडीओ व्हायरल

RRR Promotion : एस. एस. राजामौली सध्या आरआरआर चित्रपटाच्या प्रमोशनमध्ये व्यस्त आहेत. हा चित्रपट 25 मार्चला प्रदर्शित होणार आहे. आमिर खानही या चित्रपटाचे प्रमोशन करत आहे.

RRR Movie

RRR Promotions : एस. एस. राजामौली दिग्दर्शित अभिनेता राम चरण आणि ज्युनियर एनटीआर यांचा 'आरआरआर' (RRR) चित्रपट रिलीजसाठी सज्ज आहे. हा चित्रपट 25 मार्चला चित्रपटगृहात प्रदर्शित होत आहे. चित्रपट प्रदर्शित होण्यापूर्वीच स्टारकास्टकडून जोरदार प्रमोशन सुरू आहे. एस. एस. राजामौली दिग्दर्शित आरआरआरमध्ये आलिया भट्ट आणि अजय देवगणही महत्त्वाच्या भूमिकेत दिसणार आहेत. रविवारी आमिर खानने RRR च्या स्टारकास्टसोबत दिल्लीत चित्रपटाचे प्रमोशन केले. ज्याचे व्हिडीओ सोशल मीडियावर व्हायरल होत आहेत. राम चरण आणि ज्युनियर एनटीआर यांनी आमिर खानला गाण्याची हुक स्टेप शिकवली.

आमिर खानचा हा व्हिडीओ सोशल मीडियावर व्हायरल होत आहे. या व्हिडिओमध्ये आमिर खान 'नाटू नाटू' या गाण्यावर डान्स करताना दिसत आहे. हे गाणे गेल्या वर्षी रिलीज झाल्यापासून खूप व्हायरल झाले होते. अनेकांनी या गाण्याच्या हुक स्टेपची कॉपी करून व्हिडीओ बनवले आहेत. आता आमिर खाननेही या गाण्यावर डान्स करण्याचा प्रयत्न केला आहे.

 

 

 

 

 

View this post on Instagram

 

 

 

 

 

 

 

 

 

 

 

A post shared by Viral Bhayani (@viralbhayani)

आमिर खानचा व्हिडीओ व्हायरल
व्हिडीओमध्ये आमिर खान जूनियर एनटीआरचा खांदा धरून स्टेप करण्याचा प्रयत्न करत आहे. जेव्हा त्याला ते नीट जमत नाही तेव्हा तो म्हणतो की माझ्याकडून ते होणार नाही. आलिया भट्ट आमिरला प्रोत्साहन देते आणि म्हणते की हे खूप सोपे आहे. मी पण हे शिकली आहे. त्यानंतर आमिर खान राम चरण आणि ज्युनियर एनटीआरसोबत हूक स्टेप करतो.

'आरआरआर' हा एक बिग बजेट चित्रपट आहे. हा चित्रपट 336 कोटींच्या बजेटमध्ये बनला आहे. या चित्रपटात अजय देवगण कॅमिओ रोलमध्ये दिसणार आहे. हा चित्रपट अखेर 25 मार्चला प्रदर्शित होत आहे. कोरोनामुळे हा चित्रपट अनेकदा पुढे ढकलण्यात आला आहे. चित्रपटाचा ट्रेलर आणि अनेक गाणी रिलीज झाली आहेत.

महत्वाच्या बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha