कन्नड भाषेची उत्पत्ती तेलगू भाषेपासून झाली, कमल हसन यांच्या वक्तव्याने कर्नाटकात राडा, हायकोर्टात धाव घेण्याची वेळ
south cinema kamal haasan statement controversy : कन्नड भाषेची उत्पत्ती तेलगू भाषेपासून झाली, कमल हसन यांच्या वक्तव्याने वाद चिघळला, हायकोर्टात धाव घेण्याची वेळ
south cinema kamal haasan statement controversy : कमल हासन यांच्या कन्नड भाषेच्या उत्पत्तीबाबत केलेल्या वक्तव्यामुळे वाद चिघळला आहे. कर्नाटक फिल्म चेंबर ऑफ कॉमर्सने कठोर इशारा दिला आहे की जर अभिनेते कमल हसन यांनी माफी मागितली नाही, तर त्यांचा आगामी चित्रपट ‘ठग लाइफ’ राज्यात प्रदर्शित होणार नाही. दरम्यान, आता कमल हसन यांच्याकडून कर्नाटक उच्च न्यायालयात एक याचिका दाखल करण्यात आली आहे, ज्यात चित्रपटाचे प्रदर्शन कोणत्याही अडथळ्याशिवाय व्हावे अशी मागणी करण्यात आली आहे.
कर्नाटक फिल्म चेंबर ऑफ कॉमर्सचे अध्यक्ष एम. नरसिंहालु म्हणाले, "हा वाद आता केवळ चित्रपटसृष्टीपुरता राहिलेला नाही. जर त्यांनी माफी मागितली नाही, तर ‘ठग लाइफ’ कर्नाटकमध्ये प्रदर्शित होणार नाही, हे निश्चित आहे. ही गोष्ट केवळ चित्रपटसृष्टीची नाही, तर संपूर्ण राज्याची प्रतिष्ठा यामध्ये गुंतलेली आहे. अगदी राजकीय पक्षही याला विरोध करत आहेत. प्रोकन्नड संघटना म्हणत आहेत की त्यांना उत्तर द्यावेच लागेल. माफीशिवाय चित्रपट प्रदर्शित करणे कठीण आहे. आमचे लोक तो चित्रपट प्रदर्शित करण्यास तयार नाहीत. मग अशा परिस्थितीत कसा काय चित्रपट रिलीज होणार?"
मुख्यमंत्र्यांनीही व्यक्त केला विरोध
हा वाद ‘ठग लाइफ’ या चित्रपटाच्या प्रमोशनल कार्यक्रमादरम्यान सुरू झाला, ज्यामध्ये कमल हासन यांच्यासोबत त्रिशा कृष्णन आणि सिलंबरासन टीआर हेही उपस्थित होते. दक्षिण भारतातील संस्कृती आणि भाषिक नातेसंबंधांवर बोलताना कमल हासन यांनी म्हटले की "कन्नड भाषेची उत्पत्ती तमिळमधून झाली आहे." त्यांच्या या विधानावर राजकीय पक्षांनी तीव्र प्रतिक्रिया दिली आहे. कर्नाटकचे मुख्यमंत्री सिद्धरामय्या यांनी कठोर प्रतिक्रिया देताना म्हटले की, "कन्नड भाषेला स्वतःचा समृद्ध इतिहास आहे आणि कमल हासन यांना त्याची माहिती नाही."
कमल हासन यांच्या विधानावरून राजकारण तापले
भाजपचे कर्नाटक प्रदेशाध्यक्ष बी. वाय. विजयेंद्र यांनीही अभिनेत्याने माफी मागावी, अशी मागणी केली. ते म्हणाले, "प्रत्येकाने आपल्या मातृभाषेवर प्रेम करायला हवे, पण त्याच्या नावावर अहंकार दाखवणे हे मानसिक दिवाळखोरीचे लक्षण आहे. विशेषतः कलाकारांसाठी प्रत्येक भाषेचा सन्मान करणे गरजेचे असते." विजयेंद्र यांनी हेही नमूद केले की कमल हासन यांनी अनेक भाषांमध्ये चित्रपट केले आहेत, ज्यात कन्नड भाषाही समाविष्ट आहे, पण त्यांचे वक्तव्य अहंकार दर्शवणारे आहे. काही प्रमुख कन्नड संघटना आणि भाषा कार्यकर्तेही या मागणीमध्ये सामील झाले आहेत. ते कमल हासन यांनी आपले विधान परत घ्यावे आणि जनतेसमोर माफी मागावी, अशी मागणी करत आहेत.
इतर महत्त्वाच्या बातम्या
महत्त्वाच्या बातम्या
