Sara Kahi Tichyasathi : नीरजच्या अपहरणाचं सत्य रघुनाथ खोतांना कळलं? खोतांच्या घरात आता कोणतं नवं वादळ येणार? 'सारं काही तिच्यासाठी' मालिका रंजक वळणावर
Sara Kahi Tichyasathi : सारं काही तिच्यासाठी ही मालिका सध्या रंजक वळणावर असून या मालिकेत आता एक मोठा ट्वीस्ट पाहायला मिळणार आहे.
Sara Kahi Tichyasathi : 'झी मराठी' (Zee Marathi) वाहिनीवरील 'सारं काही तिच्यासाठी' (Sara Kahi Tichyasathi) या मालिकेत सुरुवातीपासून बऱ्याच रंजक गोष्टी पाहायला मिळत आहे. त्यातच या गोष्टीचा आशय देखील शहर आणि ग्रामीण भागातील जीवनशैलीवर आहे, त्यामुळे प्रेक्षकांच्या पसंतीस देखील ही मालिका उतरतेय. सध्या या मालिकेत बऱ्याच गोष्टी पाहायला मिळत आहे.
नीरज आणि निशीला प्रेमाची जाणीव झाल्यानंतर अनेक घडामोडी घडत असल्याचं पाहायला मिळालं. रघुनाथ खोतांनी दिलेलं चॅलेंज नीरजने स्विकारलं. पडेल ते काम नीरज करत होता. पण अचानक नीरज गायब झाला आणि पोलिसांनी रघुनाथ खोतांना चौकशीसाठी बोलावलं. त्यामुळे गावात पुन्हा एकदा खोतांची अब्रू पणाला लागली.
रघुनाथ खोतांना नीरज सत्य कळलं?
नीरजचं किडनॅपिंग झालं होतं, हे नीरजने रघुनाथ खोतांपासून लपवलं आहे. कारण त्याला अशी भीती आहे की, यामुळे पुन्हा एकदा खोतांचा विश्वास तो गमावू शकतो. जर गावात हे सत्य कळलं तर सगळ्यांचा थेट संशय हा रघुनाथ खोतांवर जाईल. म्हणून नीरजने त्याचं हे सत्य लपवलं आहे. पण या सगळ्यामध्ये उमा रघुनाथरावांजवळ नीरज काहीतरी लपवत असल्याचं भीती आणि काळजी व्यक्त करते. त्यावर रघुनाथरावर प्रचंड चिडतात. यादरम्यान रघुनाथरावांना नीरजचं एक सत्य कळतं. आता ते सत्य नेमकं काय आहे याची उत्सुकता प्रेक्षकांना लागून राहिली आहे.
निशी आणि नीरजच्या नात्याला कोणतं वळण मिळणार?
जेव्हा निशीने नीरजला तिच्या प्रेमाची कबुली दिली तेव्हापासून खोतांनी नीरजचा तिरस्कार करण्यास सुरुवात केली. पण त्याचं मन जिंकण्यासाठी नीरज खोतांच्या घरी राहून कोणतंही काम करण्याची तयारी दाखवतो. पण समोर येणाऱ्या अनेक अडणींमुळे नीरज खोतांच्या मनातून उतरत चालल्याचं पाहायला मिळतं. तसेच आता नीरजच्या किडनॅपिंगचं सत्य जर खोतांना समजलं तर नीरज आणि निशी यांच्या नात्याला कोणतं नवं वळण मिळणार हे पाहणं महत्त्वाचं ठरणार आहे. तसेच यामुळे खोतांच्या घरात कोणतं नवं वादळ येणार की नव्या गाठी बांधल्या जाणार याची देखील प्रेक्षकांना उत्सुकता लागून राहिली आहे. यासाठी सारं काही तिच्यासाठी ही मालिका तुम्ही संध्याकाळी 8.30 वाजता झी मराठीवर पाहा.
View this post on Instagram
ही बातमी वाचा :
Before You Go
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
महत्त्वाच्या बातम्या
