Sai Pallavi : 'कोट्यवधींचं मानधन असणारी जाहिरात नाकारली' ; चेहऱ्यावरील पिंपल्सबाबत साई पल्लवीनं सांगितला अनुभव

Sai Pallavi : नॅचरल ब्यूटीमुळे साईला विशेष लोकप्रियता मिळाली.

By : abp majha web team | Edited By: प्रियांका कुलकर्णी | Updated at : 21 Feb 2022 06:53 AM (IST)

sai pallavi

Sai Pallavi : दाक्षिणात्य चित्रपटांमधील प्रसिद्ध अभिनेत्री साई पल्लवीने (Sai Pallavi) तिच्या अभिनयानं प्रेक्षकांच्या मनावर अधिराज्य गाजवलं. नॅचरल ब्यूटीमुळे साईला विशेष लोकप्रियता मिळाली. एका फेअरनेस क्रिमच्या जाहिरातीसाठी साईला दोन कोटी रूपयांचे मानधन मिळणार होते परंतू त्या जाहिरातीमध्ये तिनं काम करण्यास नकार दिला. या गोष्टीबद्दल साईनं एका मुलाखतीमध्ये सांगितलं होतं. त्वचेमुळे साईनं आत्मविश्वास गमावला होता असं तिनं एका मुलाखतीमध्ये सांगितलं होतं.

साईला असे वाटतं होते की लोक फक्त तिच्या चेहऱ्यावरील पिंपल्सला मोठ्या पडद्यावर पाहतील. ती नेहमी या गोष्टीचा विचार करत होती. पण तिच्या चाहत्यांनी तिच्या त्वचेपेक्षा तिच्या अभिनयाकडे विशेष लक्ष दिलं. साईनं मुलाखतीमध्ये सांगितलं, 'मला घरातून बाहेर जायची भिती वाटतं होती. मी घरातच राहात होते. मी दिवसभर याच गोष्टीचा विचार करत होते की लोक माझ्या चेहऱ्यावरील पिंपल्स पाहतील आणि या गोष्टीची चर्चा करतील. मला या गोष्टीचा सीरियस प्रोब्लेम आहे. '

फेअरनेस क्रिमच्या जाहिरातीची ऑफर नाकारण्याबाबत साई पल्लवीनं सांगितलं,'अनेकांना माहित आहे की ही जाहिरात मी का नाकारली. मला माझ्या त्वचेवरील पिंपल्समुळे इनसिक्योर फिल झालं होतं. पण अनेकांनी माझ्या सौंदर्याचं कौतुक केलं. लोकांनी माझ्या पिंपल्स असलेल्या चेहऱ्याला स्वीकारलं.'