Rinku Rajguru  : ‘सैराट’ची ‘आर्ची’ पडलीये प्रेमात! पोस्ट शेअर करत म्हणाली, ‘ते कधीच हृदय तोडणार नाहीत...’

Rinku Rajguru : ‘आर्ची’ फेम अभिनेत्री रिंकू राजगुरू प्रेमात पडली आहे. हो.. रिंकूने स्वतः पोस्ट लिहित याची माहिती दिली आहे.

Rinku Rajguru

Rinku Rajguru : ‘सैराट’ फेम अभिनेत्री रिंकू राजगुरू (Rinku Rajguru) प्रचंड चर्चेत असते. रिंकू नेहमी स्वतःचे वेगवेगळे फोटो शेअर करून चाहत्यांशी कनेक्टेड राहते. आता आर्ची फेम अभिनेत्री प्रेमात पडली आहे. हो.. रिंकूने स्वतः पोस्ट लिहित याची माहिती दिली आहे. रिंकू ज्याच्या प्रेमात पडलीये तो कुणी मुलगा नसून, एक श्वान आहे. नुकताच रिंकूने तिच्या सोशल मीडिया अकाऊंटवर एक व्हिडीओ शेअर केला आहे. या व्हिडीओसोबतच तिने खास कॅप्शन देखील लिहिले आहे.

रिंकूनं तिच्या इन्स्टाग्रामवर एक क्यूट व्हिडिओ शेअर केला आहे. यामध्ये ती तिच्या पाळीव श्वानाला प्रेमानं मिठी मारून त्याच्याशी खेळताना दिसत आहे. तिच्या या व्हिडीओला तिने खास कॅप्शन देखील दिले आहे. 'प्राण्यांवर प्रेम करा, ते कधीच तुमचं हृदय तोडणार नाहीत..', असं क्युट कॅप्शन तिने लिहिलं आहे. चाहत्यांनी देखील तिच्या या व्हिडीओवर भरभरून कमेंट केल्या आहेत.  

पाहा व्हिडीओ :

‘सैराट’ या चित्रपटातून रिंकू राजगुरूने मनोरंजन विश्वात पदार्पण केले. या चित्रपटाने अवघ्या चित्रपटसृष्टीत कल्ला केला होता. या चित्रपटामुळे रिंकूला जगभरात ‘आर्ची’ म्हणून प्रसिद्धी मिळाली होती. पहिल्याच चित्रपटातून रिंकू चाहत्यांची लाडकी अभिनेत्री बनली होती. ‘सैराट’नंतर रिंकूने ‘मेकअप’, ‘कागर’ अशा मराठी चित्रपटांमध्ये काम केलं. याशिवाय ती नुकतीच ‘झुंड’ या चित्रपटात झळकली होती.

‘झुंड’ या चित्रपटात महानायक अमिताभ बच्चन मुख्य भूमिकेत झळकले होते. रिंकूसोबतच या चित्रपटात ‘सैराट’ चित्रपटातील ‘परशा’ म्हणजेच अभिनेता आकाश ठोसर देखील झळकला होता. ‘स्लम सॉकर’चे संस्थापक विजय बोरसे यांच्या जीवनावर आधारित या चित्रपटात अमिताभ बच्चन मुख्य भूमिकेत झळकले होते.

हेही वाचा :