Prarthana Behere : ‘माझी तुझी रेशीमगाठ’मधून ‘नेहा’ने घेतला ब्रेक, लंडनवारीमुळे प्रार्थना बेहेरेचा शूटिंगलाही टाटा!
Prarthana Behere : सध्या मालिकेत ‘नेहा’ म्हणजे प्रार्थना कामानिमित्त लंडनला जाताना दाखवली आहे. यामुळे पुढचे काही दिवस आता प्रार्थना मालिकेत दिसणार नाहीये.
Majhi Tujhi Reshimgath : छोट्या पडद्यावरची ‘माझी तुझी रेशीमगाठ’ (Majhi Tujhi Reshimgath ) ही मालिका सध्या प्रचंड गाजते आहे. या मालिकेत ‘परी’ ही भूमिका साकारणारी बालकलाकार मायरा वायकूळ (Myra Vaikul) हिचे विशेष कौतुक होत आहे. अभिनेत्री प्रार्थना बेहेरे (Prarthana Behere) आणि अभिनेता श्रेयस तळपदे (Shreyas Talpade) या मालिकेत मुख्य भूमिकेत दिसत आहेत. सध्या मालिकेत ‘नेहा’ म्हणजे प्रार्थना कामानिमित्त लंडनला जाताना दाखवली आहे. यामुळे पुढचे काही दिवस आता प्रार्थना मालिकेत दिसणार नाहीये.
मालिकेतच नव्हे, तर अभिनेत्री प्रार्थना बेहेरे खऱ्या आयुष्यातही लंडनवारी करत आहे. प्रार्थना पतीसमवेत सध्या लंडनमध्ये आहे. नुकताच तिने सोशल मीडियावर एक व्हिडीओ शेअर करत याची माहिती दिली आहे.
लंडन ट्रीपमुळे शूटिंगला ब्रेक!
मालिकेत नेहा, तर खऱ्या आयुष्यात प्रार्थना लंडनला गेल्यामुळे मालिकेत पुढचे काही दिवस ती दिसणार नाहीये. यामुळे सध्या प्रेक्षक आणि तिचे चाहते निराश झालेयत. मात्र, अभिनेत्री तिच्या लंडन ट्रीपची झलक प्रेक्षकांसोबत शेअर करून, त्यांना अपडेट्स देत आहे. सध्या प्रार्थना, नवरा अभिषेकसोबत लंडन ट्रीपचा आनंद लुटतेय. दरम्यान तिने शेअर केलेल्या एक व्हिडीओत ती विमानाने प्रवास करताना दिसतेय. या व्हिडीओत तिने अभिनेत्री सोनाली कुलकर्णी हिला देखील टॅग केलं आहे.
लंडनवारीमागे खास कारण!
प्रर्थानाने तिच्या व्हिडीओत अभिनेत्री सोनाली कुलकर्णी हिला टॅग करत, ‘आम्ही लवकरच येतोय’ असं म्हटल आहे. तर, सोनाली कुलकर्णी सध्या लंडनमध्ये असून, पुन्हा एकदा बोहल्यावर चढण्याची तयारी करत आहे, लॉकडाऊन दरम्यान लग्नगाठ बांधलेल्या सोनालीच्या लग्नात कुणीही उपस्थित राहू शकलं नव्हतं. त्यामुळेच लग्नाच्या पहिल्या वाढदिवसाचं निमित्त साधत ती पुन्हा एकदा सर्वांच्या उपस्थितीत धुमधडाक्यात सात फेरे घेणार आहे. या लग्नसोहळ्यासाठीच प्रार्थना लंडनला जात असल्याचा अंदाज चाहते बांधत आहेत. सोनाली कुलकर्णी हिच्या प्री-वेडिंग कार्यक्रमांना सुरुवात झाली आहे. याची एक झलक स्वतः अभिनेत्रीने शेअर केली होती.
हेही वाचा :
महत्त्वाच्या बातम्या
