RCB Marketing Head Nikhil Sosale Arrested: RCB च्या मार्केटिंग हेडला अटक, प्रत्येक मॅचमध्ये अनुष्काच्या बाजूला बसणारी पत्नीही चर्चेत, कोण आहेत मालविका नायक अन् निखिल सोसाळे?
RCB Marketing Head Nikhil Sosale Arrested: बंगळुरू चेंगराचेंगरी प्रकरणी बंगळुरुतील चेंगराचेंगरीप्रकरणी आरसीबीच्या मार्केटिंग हेड निखिल सोसाळेला बंगळुरू विमानतळावर अटक करण्यात आलीय.
RCB Marketing Head Nikhil Sosale Arrested: आयपीएलच्या (IPL 2025) मैदानात विराट कोहलीच्या (Virat Kohli) रॉयल चॅलेंजर्स बंगळुरूनं (Royal Challengers Bengaluru) अखेर यंदाच्या वर्षी विजेतेपदाचा दुष्काळ संपवला आणि 18 वर्षांनी ट्रॉफीवर कब्जा केला. या विजयोत्सवाचं सेलिब्रेशन बंगळुरुमध्ये (Bengaluru) झालं. ज्याला चेंगराचेंगरीचं (Bengaluru Stampede) गालबोट लागलं. या घटनेनंतर स्थानिक प्रशासन, यंत्रणेविरोधात संतापाची लाट आहे. जे निष्पाप 11 जीव गेले, त्याची जबाबदारी कुणाची? असा सवाल आता विचारला जातोय. अशातच बंगळुरू चेंगराचेंगरीप्रकरणी आरसीबीविरोधात एफआयआर दाखल करण्यात आला आहे.
आरसीबी, इव्हेंट मॅनेजर, केएससीए प्रशासकीय समिती आणि इतरांविरुद्ध क्यूबन पार्क पोलीस स्टेशनमध्ये एफआयआर दाखल करण्यात आलेला. आता याप्रकरणी आरसीबीच्या मार्केटिंग हेड निखिल सोसाळेला (RCB Marketing Head Nikhil Sosale) बंगळुरू विमानतळावर अटक करण्यात आली आहे. तर, आरसीबीचे आणखी तीन अधिकाऱ्यांनाही ताब्यात घेण्यात आलं आहे.
मीडिया रिपोर्ट्सनुसार, आरसीबीच्या मार्केटिंग हेड निखिल सोसाळेला अटक करण्यात आली आहे. तसेच, याप्रकरणी आरसीबीविरोधात एफआयआर दाखल करण्यात आला आहे. आता एकंदरीतच बंगळुरू चेंगराचेंगरी प्रकरणी आयपीएल फ्रँचायझीचा पाय आणखी खोलात गेल्याचं पाहायला मिळतंय. अशातच आता आरसीबी मार्केटिंग हेड निखिल सोसाळे आणि त्याची पत्नी, अनुष्का शर्माची घनिष्ट मैत्रीण मालविका नायकही (Malvika Nayak) चर्चेत आले आहेत. नेमकं प्रकरण काय? जाणून घेऊयात सविस्तर...
आरसीबी मार्केटिंग हेड निखिल सोसाळे कोण?
निखिल सोसाळे हे रॉयल चॅलेंजर्स बंगळुरूचे मार्केटिंग आणि रेवेन्यू प्रमुख आहेत. निखिल सोसाळे हे आरसीबीचे एक प्रमुख सपोर्ट स्टाफ सदस्य आहेत, जे बंगळुरूस्थित फ्रँचायझीसाठी सर्व पीआर आणि ब्रँड मार्केटिंग व्यवस्थापित करतात.
निखिल सोसाळे हे आरसीबीच्या ब्रँड मार्केटिंगसाठी मोलाची भूमिका साकारतात. आयपीएलमध्ये संघाला आंतरराष्ट्रीय ब्रँड म्हणून प्रमोट करण्यासाठी सर्व रणनीती आखण्याची जबाबदारी निखिल सोसाळे असतात. निखिल सोसाळे ही अशी व्यक्ती आहे, जे आरसीबीनं त्यांचं ब्रँड मूल्य कायम ठेवलं पाहिजे आणि ते ऑरगॅनिकरित्या वाढत राहावं याची खात्री करतात.
दरम्यान, आरसीबी मार्केटिंग हेड निखिल सोसाळेला अटक झाल्यानंतर आता त्याची पत्नी मालविका नायकही चर्चेत आली आहे. आता मालविका नायक ही नेमकी आहे तरी कोण? असा प्रश्न सध्या चर्चेत आहे. तर, आरसीबीच्या प्रत्येक सामन्यात अनुष्का शर्माच्या बाजूला बसणारी ती महिला म्हणजे, मालविका नायक. निखिल सोसाळेची पत्नी मालविका नायक अनुष्का शर्माची घनिष्ट मैत्रीण असल्याचं सांगितलं जातं. त्यासोबतच मालविकाचे काही दिवसांपूर्वी दीपिका पादुकोणसोबतचे फोटोही व्हायरल झालेले.
मालविका नायक कोण?
आरसीबीच्या बऱ्याचशा सामन्यांमध्ये अनुष्का शर्माच्या शेजारी बसलेल्या महिलेचं नाव मालविका नायक. मालविका ही बिझनेस क्षेत्रात खूप सक्रिय आहे आणि तिला अनेक वर्ष काम करण्याचाही अनुभव आहे. इंटेलनेट या आयटी क्षेत्रातील प्रसिद्ध कंपनीमध्ये तिने काम केले आहे. एवढंच नव्हे तर त्यानंतर तिने इनोस टेक्नॉलॉजीमध्येही काम केले, अशी माहिती समोर आली आहे. बिझनेस डेव्हलपमेंट, सेल्स, पार्टनरशिप आणि मार्केटिंग इंडस्ट्रीचाही तिला बराच अनुभव आहे. मीडिया रिपोर्टनुसार, मालविका नायक हिनं अनेक मोठ्या क्लायंटसोबत काम केलं असून तिला प्रोजेक्ट डेव्हलपमेंटमध्ये बराच अनुभव आहे. तिनं एमबीए केलं असून तिला लीगल अग्रीमेंट व्यतिरिक्त कॉर्पोरेट लॉबाबतही चांगली समज आहे.
निखिल सोसाळेची नेट वर्थ
निखिल सोसाळेच्या नेटवर्थबाबत बोलायचं झालं तर, निखिल सोसाळे आणि मालविका दोघेही पती-पत्नी आहे. सोशल मीडिया किंवा इंटरनेटवर यांच्याबाबत फारशी माहिती उपलब्ध नाही. निखिल सोसाळेचं इन्स्टाग्राम अकाउंट फार खासगी आहे. त्याचे फक्त 600 फॉलोअर्स आहेत. मालविका नायकनं तिचं इन्स्टाग्राम अकाउंट प्रायव्हेट केलं आहे आणि तिचे फक्त 274 फॉलोअर्स आहेत.
महत्त्वाच्या इतर बातम्या :
महत्त्वाच्या बातम्या
