(Source: ECI/ABP News/ABP Majha)
Raghu 350 : 'रघु 350' चित्रपटाचा ट्रेलर रिलीज, उलगडणार प्रेम आणि मैत्रीची नवी परिभाषा
Raghu 350 : रघु 350 या सिनेमाचा ट्रेलर नुकताच रिलीज करण्यात आला आहे. सोशल मीडियावर या ट्रेलर चांगलीच पसंती मिळत असल्याचं चित्र आहे.
Raghu 350 : अॅक्शन, न्यायासाठीची लढाई आणि मिळणार यश हे सारं मोठ्या पडद्यावर पाहणं प्रेक्षकांना रंजक ठरतं. आजवर असे अनेक चित्रपट आले ज्यामध्ये न्यायासाठीची लढाई पाहायला मिळाली. अशाच आशयाच्या एका सिनेमाचा ट्रेलर सध्या सोशल मीडियावर प्रेक्षकांच्या पसंतीस पडतोय. रघु 350 या सिनेमाचा ट्रेलर नुकताच रिलीज झाला आहे.
'रघु 350' चित्रपटाच्या पोस्टरने, टीझरने प्रेक्षकांच्या मनात घर केलं. यानंतर आता या चित्रपटाच्या रावडी अशा ट्रेलरने साऱ्यांचं लक्ष वेधून घेतलं आहे. येत्या 6 सप्टेंबर 2024 रोजी हा चित्रपट महाराष्ट्रात प्रदर्शित होणार आहे. तत्पूर्वी चित्रपटाचा टिझर पाहून साऱ्यांच्या भुवया उंचावल्या आहेत.
ट्रेलरमध्ये काय?
रघु 350 या चित्रपटाच्या 2.32 मिनिटाच्या ट्रेलरमध्ये तुफान राडे होताना पाहायला मिळत आहेत. प्रेमासाठी, सत्तेसाठीची ही लढाई ट्रेलरमध्ये पाहायला मिळतेय. चिन्मय उदगीरकर, विजय गीते आणि अदिती कांबळे यांचा लव्ह ट्रँगल ट्रेलरची उत्सुकता वाढवत असल्याचं पाहायला मिळतंय. कोणी कोणावर मात करत विजय मिळवला, सत्तेसाठी कोण बदललं, कोणाचा विजय झाला याची छोटीशी झलक ट्रेलरमधून पाहणं रंजक ठरतंय.
सिनेमात 'हे' कलाकार दिसणार
'सुदर्शन फिल्म एंटरटेनमेंट' प्रस्तुत 'रघु 350' या चित्रपटाच्या निर्मितीची धुरा निर्माते संतोष भोसले यांनी सांभाळली आहे. आशिष मडके यांनी चित्रपटाच्या दिग्दर्शनाची बाजू सांभाळली आहे. या चित्रपटात अभिनेता चिन्मय उदगीरकर, विजय गीते, अदिती कांबळे, तानाजी गलगुंडे, संजय खापरे, शिवराज वाळवेकर, मिलिंद दास्ताने, रोहित आवळे, महिमा वाघमोडे, भरत शिंदे, रामभाऊ जगताप ही कलाकार मंडळी पाहायला मिळणार आहेत. करण तांदळे यांनी चित्रपटाच्या छायाचित्रणाची जबाबदारी पेलवली आहे. तर चित्रपटाच्या कथेची जबाबदारी लेखक विजय गीते यांनी सांभाळली आहे. कार्यकारी निर्माता म्हणून सुधीर भालेराव यांनी बाजू सांभाळली आहे. हा चित्रपट येत्या ६ सप्टेंबरला चित्रपटात धुमाकूळ घालायला सज्ज होत आहे.
View this post on Instagram
ही बातमी वाचा :
महत्त्वाच्या बातम्या
ट्रेंडिंग न्यूज
