Raada Marathi Movie : 'मैनाचा पोपट झाला', 'राडा' चित्रपटातील धमाल गाण्यावर हिना पांचाळ धरायला लावणार ठेका!

Raada Marathi Movie : साऊथ स्टाईल कमालीची अ‍ॅक्शन आणि कॉमेडी आणि सोबत रोमँटिक सीन्सचा भरणा असलेला 'राडा' (Raada) चित्रपट येत्या 23 सप्टेंबरला प्रेक्षकांच्या भेटीस येण्यास सज्ज झाला आहे.

Raada Marathi Movie

Raada Marathi Movie : साऊथ स्टाईल कमालीची अ‍ॅक्शन आणि कॉमेडी आणि सोबत रोमँटिक सीन्सचा भरणा असलेला 'राडा' (Raada) चित्रपट येत्या 23 सप्टेंबरला प्रेक्षकांच्या भेटीस येण्यास सज्ज झाला आहे. 'राडा' चित्रपटाची सध्या सोशल मीडियावर चांगलीच हवा सुरू आहे. अशातच चित्रपटातील एक नवं कोरं 'मैनाचा पोपट झाला' हे गाणे रसिक प्रेक्षकांच्या भेटीला आले आहे. 'राडा' चित्रपटातील या आयटम साँगमध्ये आपले सर्वांचे लाडके मास्टरजी गणेश आचार्य आणि अभिनेत्री, नृत्यांगना हिना पांचाळ यांची जुगलबंदी पाहणं रंजक ठरणार आहे.

याआधी गणेश आचार्य यांचं ‘चिमणी उडाली’ हे गाणं प्रेक्षकांच्या पसंतीस उतरलं होतं. त्यामुळे पुन्हा एकदा गणेश आचार्य यांना मोठ्या पडद्यावर पाहण्यासाठी चाहते उत्सुक झाले आहेत.

पाहा गाणे :

दमदार कलाकारांची फौज

राम शेट्टी निर्मित 'राडा' (Raada) या चित्रपटाचा नायक ‘समा’ म्हणजेच अभिनेता आकाश शेट्टी तुप्तेवार 'राडा' या चित्रपटातून सिनेविश्वात पदार्पण करत आहे. तर राम शेट्टी निर्मित, रमेश व्ही. पारसेवार आणि सुप्रिम गोल्ड प्रस्तुत, सूरज फिल्म अँड एंटरटेनमेंट बॅनरचा आणि सहनिर्माता वैशाली पेद्दावार व पॅड कॉर्प - पडगीलवार कॉर्पोरेशन यांच्या या चित्रपटात आकाश शेट्टीसह मिलिंद गुणाजी, संजय खापरे, गणेश यादव, अजय राठोड, गणेश आचार्य, निशिगंधा वाड,  योगिता चव्हाण, सिया पाटील, हिना पांचाळ, शिल्पा ठाकरे या कलाकारांना पाहणे रंजक ठरणार आहे.

ताल धरायला लावणारं गाणं

याशिवाय चित्रपटात आपले सर्वांचे लाडके विनोदवीर लच्छु देशमुख यांच्या अभिनयाची जादूही पाहायला मिळणार आहे. दिग्दर्शक रितेश सोपान नरवाडे यांनी चित्रपटाचे दिग्दर्शन, संवाद आणि स्क्रीनप्ले अशा तीनही धुरा पेलवल्या आहेत. तर चित्रपटातील 'मैनाचा पोपट झाला' या गाण्याच्या संगीताची जबाबदारी दिनेश अर्जुना यांनी सांभाळली असून, गाण्याचे बोल जाफर सागर लिखित आहे. तर गायक उर्मिला धनगर आणि जसराज जोशी यांनी या गाण्याला स्वरबद्ध केले आहे. उर्मिला आणि जसराजच्या आवाजातील आणि त्याला मास्टरजी आणि हिनाच्या नृत्याची जोड मिळताच या गाण्याची शोभा अधिकच द्विगुणित झाली आहे. तर या सुपर अ‍ॅक्शनपटाचे चित्रीकरण के. प्रवीण याने त्याच्या कॅमेऱ्यात कैद केले आहे. 

प्रेक्षकांना राडा चित्रपटातील 'मैनाचा पोपट झाला' हे गाणे नक्कीच थिरकायला भाग पाडणार यांत शंका नाही. भव्यदिव्य अ‍ॅक्शनपटाचे दमदार सीन्स, रोमँटिक कथा, सुपरहिट गाणी येत्या 23 सप्टेंबरला प्रेक्षकांचे मनोरंजन करण्यासाठी येत आहेत.

हेही वाचा :