धारवाडमध्ये हिमवर्षाव, वयोवृद्ध म्हणाले असा पाऊस बघितला नाही; धाराशिवमध्येही मोठ-मोठ्या गारांचा पाऊस

राज्य सरकारने महाराष्ट्रातील विदर्भासह काही जिल्ह्यात अवकाळी पावसाचा अंदाज वर्तवला होता. त्यानुसार, आज 17 मार्चपासून हा पाऊस पडणार असल्याचं सांगण्यात आलं.

dharwad hail rain dharashiv heavy rain hail

राज्य सरकारने महाराष्ट्रातील विदर्भासह काही जिल्ह्यात अवकाळी पावसाचा अंदाज वर्तवला होता. त्यानुसार, आज 17 मार्चपासून हा पाऊस पडणार असल्याचं सांगण्यात आलं.

कर्नाटकातही अनेक ठिकाणी मंगळवारी अवकाळी पाऊस पडला असून सीमारेषेवरील धारवाड जिल्ह्यात कलघटगी तालुक्यातील पाच्छापूर गावात हिमवर्षाव झाल्याप्रमाणे गारा पडल्या.

सगळीकडे बर्फ आच्छादल्यासारखे दृश्य तेथे पाहायला मिळाले, पाच्छापूर गावात अचानक सायंकाळी पावसाला सुरुवात झाली आणि काही वेळातच गारांचा तुफान पाऊस सुरू झाला.

गारांच्या तुफानी वृष्टीने सगळीकडे बर्फ पसरल्यासारखे दिसत होते, ही अनोखी बर्फवृष्टी पाहून गावकरी अचंबित झाले आहेत.

गावातील वयस्कर लोकांनी अशा तऱ्हेचा बर्फ वृष्टी सदृश्य गारांचा पाऊस आपण प्रथमच पाहिल्याचे सांगितले. सध्या गावकरी या अनोख्या गारपीटबाबत चर्चा करण्यात गुंतले आहेत.

धाराशिव जिल्ह्यातही मुसळधार पाऊस पडला असून गारांचा मोठा वर्षाव झाला, अवकाळी पावसासह गारपिटीचा तडाखा बसल्याने शेती पिकांचे नुकसान झालं आहे.

धाराशिवच्या उमरगा आणि लोहारा परिसरात गारपीट झाल्याने हरभरा, ज्वारी, गहू काढणीला आलेला असताना गारपिट झाल्याने शेतकऱ्यांचे मोठं नुकसान झालंय.

आंबा उत्पादक शेतकऱ्यालाही गारपिटीचा तडाखा बसला, तसेच काढणीसाठी तयार असलेले कांदा,ज्वारी आणि गव्हाच्या पीकाचे मोठे नुकसान झाले आहे.

अवकाळी पाऊस आणि गारपिटीमुळे शेतकऱ्यांच्या चिंतेत भर पडली आहे, दरम्यान, पुढील काही दिवस अवकाळीचा अंदाज वर्तवण्यात आला आहे.