OTT Release This Week: नव्या OTT रिलीजचा महा-आठवडा! ‘बॉर्डर 2’ सह या मोठ्या फिल्म-सीरिज येतायत; पाहा पूर्ण यादी

या आठवड्यात Netflix, Amazon Prime Video आणि JioHotstar सारख्या प्लॅटफॉर्मवर अनेक मोठ्या रिलीज येणार आहेत.

OTT release this Week

जर तुम्ही या आठवड्यात वीकेंडला काय पाहायचं याचा विचार करत असाल, तर थोडं थांबा! 16 मार्च ते 22 मार्च 2026 या कालावधीत OTT प्लॅटफॉर्मवर एकापेक्षा एक मोठ्या फिल्म्स आणि वेब सिरीज रिलीज होत आहेत.

क्राइम-थ्रिलर, वॉर ड्रामा, सुपरहिरो अ‍ॅक्शन आणि इमोशनल कथा प्रत्येक जॉनरचा धमाका या आठवड्यात प्रेक्षकांना पाहायला मिळणार आहे.

बॉर्डर 2 हा वॉर ड्रामा चित्रपट 20 मार्चला नेटफ्लिक्सवर रिलीज होणार आहे. भारतीय सैनिकांच्या शौर्य, त्याग आणि देशासाठी दिलेल्या बलिदानाची कथा या चित्रपटात दाखवण्यात आली आहे.

पीकी ब्लाइंडर्स: द इमॉर्टल मॅन हा चित्रपट 20 मार्चला नेटफ्लिक्सवर प्रदर्शित होणार आहे. प्रसिद्ध गँगस्टर ड्रामा मालिकेचा पुढील भाग असलेल्या या चित्रपटात टोमी शेल्बी आणि त्याच्या गँगच्या राजकारण, सत्तेचा खेळ आणि गुन्हेगारी जगतातील धोकादायक संघर्षाची कथा दाखवली आहे

चिरैया हा भावनिक ड्रामा चित्रपट 20 मार्चला जिओहॉटस्टारवर रिलीज होणार आहे. समाजात स्वतःचा सन्मान आणि ओळख मिळवण्यासाठी संघर्ष करणाऱ्या एका महिलेची प्रेरणादायी आणि भावनिक कथा यात मांडण्यात आली आहे.

अ डिफरेंट मॅन हा सायकोलॉजिकल ड्रामा 20 मार्चला नेटफ्लिक्सवर प्रदर्शित होणार आहे. एका व्यक्तीच्या आयुष्यात बाह्यरूपामुळे समाज कसा न्याय करतो आणि त्याचा मानसिक परिणाम काय होतो, यावर भाष्य करणारी विचार करायला लावणारी कथा या चित्रपटात आहे.

डेडलॉक – सीझन 2 ही क्राइम कॉमेडी सिरीजचा दुसरा सीझन 20 मार्चला ॲमेझॉन प्राइम व्हिडिओवर रिलीज होणार आहे. एका छोट्या शहरात घडणाऱ्या रहस्यमय खुनांच्या तपासाची थरारक आणि विनोदी पद्धतीने मांडलेली कथा यात पाहायला मिळते.

जॅझ सिटी हा चित्रपट 16 मार्चला ॲमेझॉन प्राइम व्हिडिओवर रिलीज झाला आहे. 1970 च्या कोलकात्याच्या पार्श्वभूमीवर संगीत, राजकारण आणि कलाकारांच्या संघर्षाची रंजक कथा यात दाखवण्यात आली आहे.