Payal Rohatgi on Kangana Ranaut : 'तुझ्या कर्माचं फळ...'; धाकड फ्लॉप झाल्यानंतर पायलची कंगनावर टीका
20 मे रोजी धाकड (Dhaakad) हा चित्रपट प्रेक्षकांच्या भेटीस आला.
Payal Rohatgi on Kangana Ranaut : बॉलिवूडमधील 'पंगा क्विन' अशी ओळख असणारी अभिनेत्री कंगना रनौत (Kangana Ranaut) ही नेहमी चर्चेत असते. तिचा 20 मे रोजी धाकड (Dhaakad) हा चित्रपट प्रेक्षकांच्या भेटीस आला. या चित्रपटाच्या ट्रेलरला प्रेक्षकांची पसंती मिळाली. मात्र हा चित्रपट प्रेक्षकांची पसंती मिळवू शकला नाही. कंगनाच्या धकडची आणि कार्तिकच्या भूल भूलैय्या-2 ची बॉक्स ऑफिसवर टक्कर झाली. भूल भूलैय्या-2 हा सध्या बॉक्स ऑफिसवर धुमाकूळ घालत आहे. पण धाकड हा बॉक्स ऑफिसवर फ्लॉप ठरत आहे. कंगनाच्या या चित्रपटाला मिळालेल्या या रिस्पॉन्सवर आता पायल रोहतगीनं (Payal Rohatgi) रिअॅक्शन दिली आहे.
पायल ही लॉक-अप या शोमध्ये सहभागी झाली होती. कंगना या कार्यक्रमाचे सूत्रसंचालन करत होती. शो संपल्यानंतर पायलनं कंगनावार निशाणा साधला आहे. पायलनं सोशल मीडियावर पोस्ट शेअर करुन कंगनाची खिल्ली उडवली.
पायलनं इन्स्टाग्रामवर एक पोस्ट शेअर केली आहे. या पोस्टमध्ये पायलनं दोन स्क्रीनशॉर्ट शेअर केला. पोस्टमधील एका स्क्रीनशॉर्टमध्ये धाकड चित्रपटाचे बॉक्स ऑफिस कलेक्शन दिसत आहे ज्यामध्ये 50 लाख असं लिहिलेलं आहे. तर दुसऱ्या स्क्रीनशॉर्डमध्ये मुनव्वर फारुकीचा फोटो दिसत आहे. या फोटोला पायलनं कॅप्शन दिलं, 'ही कर्माची फळं आहेत. ज्याला 18 लाख वोट मिळाले त्यानं या चित्रपटाचं प्रमोशन देखील केलं नाही. त्याचे खोटे वोटर्स हा चित्रपट बघायला गेले नाहीत.'
धकड या चित्रपटामध्ये कंगनासोबतच अभिनेता अर्जुन रामपाल, दिव्या दत्ता यांनी प्रमुख भूमिका साकारली आहे. कंगनाचा 'धाकड' सिनेमा हिंदीसह तामिळ, तेलुगू आणि मल्याळम भाषेत प्रदर्शित होणार आहे. सिनेमात कंगना एका डिटेक्टिव्हची भूमिका साकारणार आहे. कंगनाचा हा सिनेमा आधी 27 मे रोजी प्रदर्शित होणार होता. पण सिनेमाची रिलीज डेट बदलण्यात आली.
संबंधित बातम्या
महत्त्वाच्या बातम्या
ट्रेंडिंग न्यूज
