Mismatched Season 3 : प्राजक्ता कोळी आणि रोहित सराफच्या लव्ह स्टोरीचा पुढचा चॅप्टर, मिसमॅच सीझन 3 कधी येणार? जाणून घ्या...
Mismatched New Season 3 : प्राजक्ता कोळी आणि रोहित सराफच्या मिसमॅच वेब सीरिजचा तिसरा सीझन लवकरच नेटफ्लिक्सवर रिलीज होणार आहे.
Mismatched Season 3 Release Date : प्राजक्ता कोळी आणि रोहित सराफ यांची रोमँटिक लव्ह स्टोरी असलेली मिसमॅच वेब सीरिज खूपच गाजली. मिसमॅच वेब सीरीजने प्रेक्षकांना वेड लावलं. या वेब सीरिजने तरुणाईच्या मनात एक खास स्थान निर्माण केलं. या वेब सीरिजमध्ये नातेसंबंध, स्वप्नांची आणि करिअरच्या गुंतागुंतीची कथा दाखवण्यात आली आहे. ऋषी जुन्या कल्पनांमध्ये गुंतलेला रोमँटिक व्यक्ती आहे, तर डिंपल तिच्या आयुष्यात तिच्या करिअरला प्राधान्य देणारी मुलगी आहे. डिंपल आणि ऋषीची लव्ह स्टोरी प्रेक्षकांनी खूप पसंत केली. या वेब सीरीजचे दोन्ही सीझन प्रचंड गाजले. आता लवकरच या सीरिजचा तिसरा सीझन प्रेक्षकांच्या भेटीला येणार आहे.
OTT प्लॅटफॉर्मवर कधी आणि कुठे पाहता येणार?
मिसमॅच सीझन 3 13 डिसेंबर 2024 रोजी प्रदर्शित होणार आहे. हा शो नेटफ्लिक्सवर उपलब्ध असेल. मिसमॅच सीझन 3 शोचा प्रोमो नुकताच रिलीज झाला आहे, यामध्ये रोहित आणि प्राजक्ताची केमिस्ट्री पाहायला मिळत आहे. यो दोघांनी त्यांच्या पहिल्या भेटीशी संबंधित एका मजेदार घटना सांगितला आहे, त्यांच्या कॉफी भेटीचा किस्सा सध्या चर्चेत आहे.
View this post on Instagram
दिग्दर्शन आणि स्टारकास्ट
मिसमॅच सीझन 3 चं दिग्दर्शन आकर्ष खुराना आणि निपुण धर्माधिकारी यांनी केलं आहे. गझल धालीवाल यांनी ही कथा लिहिली आहे. हा शो संध्या मेनन यांच्या 'व्हेन डिंपल मेट ऋषी' या कादंबरीवर आधारित आहे. प्राजक्ता आणि रोहित व्यतिरिक्त या शोमध्ये मुस्कान जाफरी, रणविजय सिंघा, तारुक रैना, विद्या मालवदे, अभिनव शर्मा आणि कृतिका भारद्वाज या कलाकारांनी महत्त्वाच्या भूमिका साकारल्या आहेत.
मिसमॅच वेब सीरीजमध्ये लव्ह स्टोरी, कॉमेडी आणि भावनिक ट्विस्ट यांचा उत्तम मिलाफ प्रेक्षकांना पाहायला मिळणार आहे. पहिल्या दोन सीझनच्या यशानंतर, हा नवा सीझन आणखी रंजक असेल.
पहिली भेट, कॉफीचा किस्सा
View this post on Instagram
महत्त्वाच्या इतर बातम्या :
मोठी बातमी! अभिनेता शाहरुख खान धमकी प्रकरणात मोठा खुलासा, मुलगा आर्यनच्या जीवालाही धोका; काय आहे कनेक्शन?
महत्त्वाच्या बातम्या
