Smita Shewale On Her Divorce: 'मला वाटायचं माझं आयुष्य आता इथे संपलं...'; मराठी अभिनेत्रीनं स्वतःच्या घटस्फोटाबाबत 'ते' सारं सांगितलं
Smita Shewale On Her Divorce: मराठी अभिनेत्री स्मिता शेवाळेनं सांगितलं की, घटस्फोटाच्या धक्क्यातून बाहेर पडले नसते, तर माझ्यातला कलाकार हरवला असता, असंही स्मिता शेवाळेनं एका मुलाखतीत बोलताना सांगितलं.
Smita Shewale On Her Divorce: सध्या मनोरंजन विश्वात (Entertainment News) जणू संसार मोडण्याचा ट्रेंड सुरू आहे, असं वाटतंय. एकीकडे अनेक सेलिब्रिटी आयुष्यभराचा जोडीदार निवडून आपली लग्नगाठ बांधत आहेत. तर, दुसरीकडे अनेक सेलिब्रिटींचा काडीमोड होत आहे. अशातच नुकत्याच दिलेल्या एका मुलाखतीत बोलताना एक मराठी अभिनेत्रीनं आपल्या घटस्फोटावर भाष्य केलं आहे. मराठी इंडस्ट्रीतील प्रसिद्ध अभिनेत्री स्मिता शेवाळे (Marathi Actress Smita Shewale) हिचा काही वर्षांपूर्वी घटस्फोट झालेला. स्मितानं मुलाखतीत बोलताना त्यावेळच्या तिच्या अवस्थेबाबत सांगितलं आहे. ज्यावेळी घटस्फोट झालेला, त्यावेळी माझं आयुष्य आता इथे संपलं, असं स्मिताला वाटलेलं, असं तिनं सांगितलं. तसेच, घटस्फोटाच्या धक्क्यातून बाहेर पडले नसते, तर माझ्यातला कलाकार हरवला असता, असंही स्मिता शेवाळेनं एका मुलाखतीत बोलताना सांगितलं.
मराठी अभिनेत्री स्मिता शेवाळेनं (Smita Shewale) नुकतीच 'अभिजात मराठी'ला मुलाखत दिली. या मुलाखती बोलताना स्मिता शेवाळेनं आपल्या घटस्फोटाबाबत सर्व सांगितलं. तसेच, देवावरच्या विश्वासामुळे या धक्क्यातून बाहेर पडणं सोपं झालं असंही ती म्हणाली.
मराठी अभिनेत्री स्मिता शेवाळे नेमकं काय म्हणाली?
मराठी अभिनेत्री स्मिता शेवाळे म्हणाली की, "माझ्या आयुष्यातला सगळा अवघड काळ आणि त्यावेळी मला असं वाटलेलं की, माझं आयुष्य आता इथे संपलं, जेव्हा माझा डिव्होर्स झाला. एखादी व्यक्ती आपल्याशी चुकीची वागली ना, तरी 100 चांगली माणसं देव आपल्यासाठी उभी करतो. आपण आपल्या स्वतःला बघतो, तसे दिसलो नाही तर आपल्याला त्रास होतो. माझ्या आयुष्यातला सगळ्यात कठीण काळ म्हणजे माझ्या घटस्फोटाचा काळ..."
"मला असं वाटतं की, आपल्यासोबत जर काही वाईट घडतंय, ज्या गोष्टी आपल्यासोबत घडायला नको, त्या घडत आहे. आपण त्या गोष्टींसाठी पात्र नाहीये, हे आपल्याला माहित आहे. पण, तरीही आपल्या बाबतीत ते घडतं. तेव्हा देवाने आपल्यासाठी सपोर्ट ठेवलेले असतात...", असं स्मिता शेवाळे म्हणाली.
माझा स्वामींवर खूप विश्वास आहे, ते कायम... : स्मिता शेवाळे
"मला स्वतःला आश्चर्य वाटायचं की, माझ्या डिव्होर्सला तीन वर्ष झाली तरी त्याची कुठे वाच्यता का नाही? माझा स्वामींवर खूप विश्वास आहे, ते कायम माझ्या पाठीशी आहेत. मी युट्युब चॅनल सुरू करून चार वर्ष झाले. पण मला कोणीच नाही विचारलं. एका फक्त चाहत्याने विचारलेलं, त्यावर मी व्हिडीओ शेअर करत सगळं सांगितलेलं. त्यानंतर नाही मला कोणी विचारलं. एक वाईट वागला म्हणून बाकीच्या चांगल्या गोष्टी कशा इग्नोर करू मी? आणि जर मी त्यातून बाहेर पडले नसते ना, माझ्यातला कलाकार हरवला असता, मी काम करू शकले नसते, मी चांगली आई होऊ शकले नसते, मी स्वतंत्र स्त्री होऊ शकले नसते. त्यावेळी मी खूप शांत राहिले. हे घडल्यामुळे मी पुन्हा उभी राहिले. त्यानंतरचा माझा हा प्रवास खूप महत्वाचा होता.' असं स्मितानं सांगितलं.
महत्त्वाच्या इतर बातम्या :
महत्त्वाच्या बातम्या
