Prasikaofficial Instagram Account Now Active: इन्फ्लुएंसर कपल 'प्रसिका'ला दिलासा; सस्पेंड झालेल्या चार अकाउंट्सपैकी एक अकाउंट सुरू; इंस्टाग्रामनं माफीही मागितली
Prasikaofficial Instagram Account Now Active: दीपिकानं स्वतः इंस्टाग्रामवर अधिकृत मेलचा स्क्रीनशॉट शेअर करत यासंदर्भात माहिती दिली. या मेलमध्ये इंस्टाग्रामकडून अकाऊंटची तपासणी करण्यात आल्याचं नमूद करण्यात आलं आहे.
Prasikaofficial Instagram Account Now Active: सोशल मीडियावरचं (Social Media) प्रसिद्ध कंटेंट क्रिएटर कपल (Content Creator Couple) प्रसाद वेदपाठक (Prasad Vedpathak) आणि दीपिका वेदपाठक (Deepika Vedpathak) यांचे तब्बल चार इन्स्टाग्राम अकाउंट्स काही दिवसांपूर्वी अचानक मेटाकडून सस्पेंड करण्यात आलेले. 'प्रसिका' (Prasika) म्हणून प्रसिद्ध असणाऱ्या इन्फ्लुएंसर कपलसोबतच त्यांच्या फॉलोअर्सनाही हा मोठा धक्का होता. एकाच वेळी लाखो फॉलोअर्स असलेले इन्स्टाग्राम, फेसबुक, ट्विटर आणि युट्युबवरील अकाउंट्स बंद झाल्याचं स्वतः कपलनं सांगितलं होतं. पण, आता प्रसिकाच्या फॉलोअर्ससाठी आनंदाची बातमी आहे. तब्बल दहा दिवसांनी prasika_official हे त्यांचं मुख्य इन्स्टाग्राम अकाऊंट पुन्हा सुरू करण्यात आलं आहे.
दीपिकानं स्वतः इंस्टाग्रामवर अधिकृत मेलचा स्क्रीनशॉट शेअर करत यासंदर्भात माहिती दिली. या मेलमध्ये इंस्टाग्रामकडून अकाऊंटची तपासणी करण्यात आल्याचं नमूद करण्यात आलं आहे. अकाउंटचा अॅक्टिव्हिटी वापर अटींनुसार योग्य असल्याचं स्पष्ट करण्यात आलं आहे. तसेच, झालेल्या गैरसोयीबद्दल दिलगिरीही व्यक्त केली आहे. दरम्यान, मेटानं प्रसिकाचे चार अकाउंट्स सस्पेंड केलेले. आता, त्यातलं एकच अकाउंट अॅक्टिव्ह करण्यात आलं आहे. तर, उर्वरित तीन अकाऊंट्स अजूनही डिअॅक्टिव्ह आहेत, असं प्रसाद आणि दीपिकानं सांगितलं आहे. त्यामुळे प्रसिकाचं पूर्ण टेशन्स संपलेलं नसलं तरीसुद्धा काहीसा दिलासा मात्र नक्कीच मिळाला आहे.
अकाउंट सस्पेंड झाल्यानंतर प्रसाद वेदपाठकनं दिलेली माहिती
प्रसाद वेदपाठकनं त्याच्या अधिकृत अकाउंटवरुन व्हिडीओ पोस्ट करत याबाबत संपूर्ण माहिती दिली. व्हिडीओमध्ये प्रसाद वेदपाठक म्हणतोय की, "गेल्या 10 वर्षांपासून आम्ही प्रामाणिकपणे कंटेट तयार करतोय. आम्ही कधीही कम्युनिटी गाईडलाईन्सचं उल्लंघन केलेलं नाही. सर्व गाईडलाईन्स फॉलो करुन सुद्धा आमची सर्व अकाउंट्स अचानक सस्पेंड करण्यात आली आहेत. अकाउंट्स सस्पेंड करण्यामागचं कारण अद्याप समोर आलेलं नाही...", असं प्रसाद वेदपाठक म्हणालेला. दरम्यान, त्यानं संबंधित प्लॅटफॉर्म्सना या प्रकरणाची तातडीनं दखल घेण्याची विनंती केली होती.
View this post on Instagram
अकाउंट सस्पेंड केल्यानंतर प्रसिकाची मेटा ऑफिसमध्ये धाव
अकाऊंट सस्पेंड झाल्यानंतर प्रसाद वेदपाठक आणि दीपिका वेदपाठक यांनी एक व्हिडीओ शेअर करत इंस्टाग्राम आणि मेटाकडे यामागील कारण स्पष्ट करण्याची मागणी केली होती. त्यांनी अकाऊंट पुन्हा सुरू करण्यासाठी सार्वजनिकरित्या विनंतीही केली होती. पण, अनेक दिवस कोणताही प्रतिसाद न मिळाल्यानं दोघांनी मेटाच्या मुंबईतील बीकेसी कार्यालयात धाव घेतली होती. पण, तिथेही त्यांच्या पदरी निराशा आली. कारण बीकेसी येथील मेटा ऑफिस सेल्स ऑफिस असल्याचं त्यांना समजलं आणि तिथे त्यांना रिसेप्शनपर्यंत जाण्याची परवानगी मिळाली, पण तिथे कुणाशीच संवाद साधू शकले नाहीत. अखेर आता चारपैकी एक अकाउंट सुरू झालं आहे. त्यामुळे थोडासा का होईना दिलासा, प्रसिकाला मिळाला आहे.
महत्त्वाच्या इतर बातम्या :
महत्त्वाच्या बातम्या
