Marathi Actor : निर्मितीमधील पदार्पणानंतर 'ही' मराठमोळी अभिनेत्री टाकणार ओटीटीवर पाऊल, झळकरणार 'या' हिंदी वेब सिरिजमध्ये
Marathi Actor : अनेक मराठी अभिनेते आणि अभिनेत्र्यांनी ओटीटी पाऊल ठेवत हिंदी वेब सिरिजमध्येही काम केलं आहे. आता आणखी एक अभिनेत्री वेब सिरिजमध्ये काम करणार आहे.
Sharmishtha Raut : सध्या मराठी कलाकार ओटीटी माध्यमावर देखील आपल्या अभिनयाची छाप पाडत आहेत. अभिनेता ललित प्रभाकर (Lalit Prabhakar), अमेय वाघ (Amey Wagh), मिथिला पालकर (Mithila Palkar), शरद केळकर (Sharad Kelkar) अशा अनेक अभिनेत्यांनी ओटीटीमध्ये पदार्पण करत हिंदी वेब सीरिजमध्ये (Web Series) काम केलं आहे. या सिरिज प्रेक्षकांच्या देखील पसंतीस उतरल्या आहेत. आता आणखी एक अभिनेत्री ओटीटीवर पाऊल ठेवण्यास सज्ज झाली असून तिला तिच्या या पदार्पणातच हिंदी वेब सीरिजमध्ये काम करण्याची संधी मिळाली आहे.
View this post on Instagram
अभिनेत्री आणि निर्माती म्हणून नावारुपाला आलेली शर्मिष्ठा राऊत ही लवकरच एका हिंदी वेब सीरिजमध्ये झळकरणार आहे. सोनी लिव्हवर तिची ही वेबसीरिज सोमवार 12 फेब्रुवारी रोजी प्रदर्शित करण्यात येणार आहे. रायसिंघानिया वर्सेज रायसिंघानिया असं या नव्या वेब सीरिजचं नाव आहे. सोशल मीडियाच्या माध्यमातून शर्मिष्ठाने ही माहिती दिली.
View this post on Instagram
कोणती भूमिका सकारणार अद्यापही गुलदस्त्यात
दरम्यान या वेब सीरिजमध्ये शर्मिष्ठा कोणती भूमिका साकारणार हे अद्यापही गुलदस्त्यातच आहे. शर्मिष्ठा सध्या निर्मितीची धुरा सांभाळत आहे. तसेच झी मराठीवरील सारं काही तिच्यासाठी या मालिकेमध्येही शर्मिष्ठाने महत्त्वाची भूमिका साकारली होती. निर्माती म्हणून तुला शिकवीन चांगलाच धडा ही शर्मिष्ठाची पहिलीच मालिका आहे. सध्या ही मालिका देखील प्रेक्षकांच्या बरीच पसंतीस पडत असल्याचं पाहायला मिळत आहे.
View this post on Instagram
ही बातमी वाचा :
महत्त्वाच्या बातम्या
