Jaat Box Office Collection Day 12: सनी देओलचा 'ढाई किलो का हाथ' बॉक्स ऑफिसवर जोमात, 500 कोटींच्या 'गदर 2'चा रेकॉर्ड मोडणार?
Jaat Box Office Collection Day 12: दुसऱ्या आठवड्याच्या पहिल्या दिवशी म्हणजेच आज 'जाट'नं केलेली चांगली कमाई दर्शवते की, तो दिवस दूर नाही जेव्हा तो सनी देओलच्या बॉक्स ऑफिस कलेक्शनच्या रेकॉर्डमध्ये आणखी एक मोठा टप्पा गाठेल.
Jaat Box Office Collection Day 12: सनी देओलच्या (Sunny Deol) 'जाट' (Jaat Movie) चित्रपटानं बॉक्स ऑफिसवर (Box Office) धुमाकूळ घातला आहे. 2023 मध्ये प्रदर्शित झालेल्या 'गदर 2' (Gadar 2) सारखा गल्ला कदाचित 'जाट' करणार नाही, पण थिएटरमध्ये सध्या चित्रपट धुमाकूळ घालत आहे. 'गदर 2'ची कमाई सध्या दुसऱ्या आठवड्यात 20 कोटींच्या आसपास पोहोचलेली. पण, दुसरा आठवडा सुरू होताच, या चित्रपटाच्या कमाईला पुन्हा वेग आला आणि कमाई 30 ते 40 कोटींच्या दरम्यान पोहोचली. जरी 'जाट' चित्रपटानं दुहेरी आकडा गाठला नसला, तरी या चित्रपटानं दुसऱ्या आठवड्याच्या शेवटी कलेक्शनमध्ये 2 वर्ष जुन्या 'गदर 2' प्रमाणेच वाढ नोंदवली आहे.
'जाट' प्रदर्शित होऊन 12 दिवस झाले आहेत आणि आज चित्रपटाच्या कमाईशी संबंधित सुरुवातीचे आकडेही समोर आले आहेत. जाणून घेऊया या चित्रपटानं आतापर्यंत किती कमाई केली आणि तो कोणता विक्रम रचणार आहे? त्याबाबत सविस्तर...
'जाट' बॉक्स ऑफिस कलेक्शन (Jaat Box Office Collection)
12 दिवसांत वेगवेगळ्या वेळी चित्रपटानं किती कमाई केली? हे तुम्ही स्वतंत्रपणे पाहू शकता. 11 दिवसांच्या कमाईशी संबंधित आकडे अधिकृत आहेत, त्यानुसार, चित्रपटानं पहिल्या आठवड्यात 62.24 कोटी आणि दुसऱ्या आठवड्यात 12.94 कोटींची कमाई केली, ज्यामुळे एकूण 75.18 कोटी रुपये कमावले आहेत.
View this post on Instagram
बाराव्या दिवसाचे आकडे SACNILK नुसार आहेत. हे आकडे सकाळी 10:25 वाजेपर्यंतचे आहेत. त्यामुळे या आकड्यांमध्ये बदल होऊ शकतात.
| दिवस | बॉक्स ऑफिस कलेक्शन ( कोटींमध्ये) |
| Jaat Box Office Collection Day 1 | 9.62 |
| Jaat Box Office Collection Day 2 | 7 |
| Jaat Box Office Collection Day 3 | 9.95 |
| Jaat Box Office Collection Day 4 | 14.05 |
| Jaat Box Office Collection Day 5 | 7.30 |
| Jaat Box Office Collection Day 6 | 6 |
| Jaat Box Office Collection Day 7 | 4.05 |
| Jaat Box Office Collection Day 8 | 4.27 |
| Jaat Box Office Collection Day 9 | 3.95 |
| Jaat Box Office Collection Day 10 | 3.90 |
| Jaat Box Office Collection Day 11 | 5.09 |
| Jaat Box Office Collection Day 12 | 2 |
| एकूण | 77.18 |
'जाट'नं गदरचा विक्रम मोडला
'जाट' अखेर सनी देओलच्या कारकिर्दीतील दुसऱ्या क्रमांकाचा सर्वाधिक कमाई करणारा चित्रपट बनला आहे. या चित्रपटानं 'गदर'चा लाईफटाईम कलेक्शनचा विक्रम मोडला आहे. बॉलिवूड हंगामानं दिलेल्या माहितीनुसार, 2001 मध्ये 'जाट'नं 76.88 कोटी रुपये कमावलेत.
'जाट' सनी देओलच्या कारकिर्दीतील दुसरा 100 कोटींचा चित्रपट ठरेल?
सनी देओलच्या कारकिर्दीत फक्त एकच चित्रपट असा आहे, ज्यानं 100 कोटींपेक्षा जास्त कमाई केली आहे. 'गदर 2' हा चित्रपट 2023 मध्ये आला होता, ज्यानं 525 कोटी रुपयांपेक्षा जास्त कमाई करून हा विक्रम केला होता.
आता अक्षय कुमारच्या 'केसरी 2' च्या प्रदर्शनानंतरही 'जाट' आपल्या कमाईचा वेग कायम ठेवू शकेल का? हे पाहणं औत्सुक्याचं ठरेल. कारण जर असं झालं, तर हा चित्रपट लवकरच सनी देओलसाठी आणखी एक भेट घेऊन येईल आणि ते म्हणजे, हा चित्रपट त्याच्या कारकिर्दीतील दुसरा 100 कोटींचा चित्रपट ठरेल.
'जाट' हा चित्रपट 'पुष्पा 2' च्या निर्मात्यांच्या म्हणजेच, मैत्री मूव्ही मेकर्सच्या बॅनरखाली बनवण्यात आला आहे. दक्षिण चित्रपट दिग्दर्शक गोपीचंद मालिनेनी यांनी या चित्रपटाचं दिग्दर्शन केलं आहे. 100 कोटींच्या बजेटमध्ये बनलेल्या या चित्रपटात सनी देओल, रणदीप हुड्डा आणि विनीत कुमार सिंह यांच्याशिवाय सैयामी खेर, रेजिना कॅसांड्रा, रम्या कृष्णन आणि जगपती बाबू यांच्या महत्त्वपूर्ण भूमिका आहेत.
महत्त्वाच्या इतर बातम्या :
महत्त्वाच्या बातम्या
