Marathi Movie Gondhal: 'आमचा ट्रेलर बघू नका...!'; आगामी मराठी सिनेमाच्या दिग्दर्शकाचं प्रेक्षकांना विचित्र आवाहन, घडलंय काय?
Marathi Movie Gondhal: सध्या मराठी चित्रपटसृष्टीत ग्लॅमरसोबतच महाराष्ट्राच्या संस्कृती आणि परंपरेला सन्मान देणारे चित्रपट मोठ्या प्रमाणात निर्माण होत आहेत. अशाच परंपरेचा गाभा उलगडणारा बहुचर्चित 'गोंधळ' लवकरच प्रेक्षकांच्या भेटीस येणार आहे.
Marathi Movie Gondhal: एखादा सिनेमा येणार असेल, तर त्याचं दणक्यात प्रमोशन केलं जातं. त्या सिनेमातली स्टार कास्ट (Marathi Pramotion) वेगवेगळ्या ठिकाणी जाऊन सिनेमा पाहण्याचं आवाहन करते. अनेक मुलाखतींमध्ये जाऊन सिनेमाबाबत, त्यातल्या सीन्सबाबत गप्पागोष्टी केल्या जातात. सिनेमा रिलीज होईपर्यंत आणि रिलीज झाल्यानंतरही अनेका दिग्दर्शक, स्टार्स सिनेमा पाहण्याचं सातत्यानं आवाहन करत असतात. पण, जर एखादा सिनेमा रिलीज होत असेल आणि जर त्या सिनेमाच्या दिग्दर्शकानं सांगितलं की, 'आमचा ट्रेलर बघू नका!', तर... आश्चर्य वाटेलच ना.... असंच काहीसं झालंय आगामी मराठी सिनेमाबाबत. गेल्या बऱ्याच काळापासून चर्चेत असलेल्या मराठी सिनेमाच्या दिग्दर्शक आवाहन करतोय की, 'आमचा ट्रेलर बघू नका!'...
सध्या मराठी चित्रपटसृष्टीत ग्लॅमरसोबतच महाराष्ट्राच्या संस्कृती आणि परंपरेला सन्मान देणारे चित्रपट मोठ्या प्रमाणात निर्माण होत आहेत. अशाच परंपरेचा गाभा उलगडणारा बहुचर्चित 'गोंधळ' लवकरच प्रेक्षकांच्या भेटीस येणार आहे. टीझर प्रदर्शित झाल्यापासूनच प्रेक्षकांमध्ये या चित्रपटाबद्दल प्रचंड उत्सुकता पसरली आहे. आता या उत्सुकतेत भर घालत दिग्दर्शक संतोष डावखर (Director Santosh Davkhar) यांनी एक अनोखं आवाहन केलंय, "आमचा ट्रेलर बघू नका!"
View this post on Instagram
दिग्दर्शक असं आवाहन का करतायत?
आजकाल जिथे चित्रपटांच्या ट्रेलरचं जोरदार प्रमोशन केलं जातं, तिथे 'गोंधळ' टीमनं उलटा प्रयोग केला आहे. दिग्दर्शक संतोष डावखर म्हणतात की, त्यांनी प्रेक्षकांना ट्रेलर न पाहाण्याचं आवाहन करून चित्रपटाबद्दलची कुतूहल वाढवण्याचा मानस ठेवला आहे. सोशल मीडियावर ही प्रमोशन स्ट्रॅटेजी सध्या जोरदार चर्चेचा विषय बनली आहे आणि प्रेक्षक या निर्णयाबद्दल अधिक जाणून घेण्यासाठी उत्सुक झाले आहेत.
दिग्दर्शक संतोष डावखर म्हणतात, "गोंधळ'ची कथा, पात्र आणि कलाकार अतिशय रंजक आहेत; त्यामुळे प्रेक्षकांनी ट्रेलरपेक्षा संपूर्ण चित्रपट थेट सिनेमागृहात बसून पाहावा. प्रत्येक पात्र हळूहळू गूढ उलगडत जातं. नाहीतर चित्रपटातील थ्रिल थोडा 2-3 टक्के कमी होऊ शकतो. चित्रपट पाहिल्यानंतरच या कथेचा गाभा, भावना आणि महाराष्ट्राच्या परंपरेचा खरा रंग प्रेक्षकांना जाणवेल. ज्यांना चित्रपटाबद्दल काही शंका असतील, त्यांनीच ट्रेलर पाहावा. काही गोष्टी या चित्रपटात अशा आहेत, ज्या 70 एमएम पटलावर प्रदर्शित होणाऱ्या भारतीय चित्रपटांमध्ये प्रथमच दिसतील..."
डावखर फिल्म्स प्रस्तुत 'गोंधळ'ची कथा, पटकथा आणि संवाद संतोष डावखर यांनी लिहिले असून सहनिर्मात्या दीक्षा डावखर आहेत. चित्रपटात किशोर कदम, इशिता देशमुख, योगेश सोहोनी, निषाद भोईर, अनुज प्रभू, सुरेश विश्वकर्मा, माधवी जुवेकर, ऐश्वर्या शिंदे, कैलाश वाघमारे, प्रभाकर मठपती, विठ्ठल काळे, प्रवीण डाळींबकर, शरद जाधव, पूनम पाटील आणि ध्रुव ठोके यांसह अनेक कलाकार प्रमुख भूमिकेत दिसणार आहेत.
दरम्यान, 'गोंधळ' चित्रपटाचं मेकिंग युट्यूबवर प्रदर्शित झालं असून चित्रपटात दमदार टीम असल्याचं दिसतंय. दरम्यान, ट्रेलर न पाहाण्याचं हे आवाहन प्रेक्षकांच्या उत्सुकतेत वाढ करेल की, कमी, याचा परिणाम लवकरच स्पष्ट होईल.
महत्त्वाच्या इतर बातम्या :
महत्त्वाच्या बातम्या
