Pakistani Actresses Trolled: हातात पाकिस्तानचा झेंडा, अन् बॅकग्राऊंडला आलिया भट्टचं देशभक्ती जागवणारं गाणं; प्रसिद्ध अभिनेत्रीला नेटकऱ्यांनी झोडून काढलं, नेमकं काय घडलं?
Pakistani Actresses Trolled: पाकिस्तानच्या स्वातंत्र्य दिनी काही पाकिस्तानी अभिनेत्रींनी 'राझी' सिनेमातील गाण्यावर व्हिडीओ तयार केला.
Pakistani Actresses Trolled Video Viral: पाकिस्तानचे नागरिक (Pakistan) दरवर्षी 14 ऑगस्ट रोजी, स्वातंत्र्य दिन साजरा करतात. पाकिस्तानचे लोक मोठ्या उत्साहाने आपला स्वातंत्र्य दिन साजरा करतात. त्यांच्या स्वातंत्र्य दिनाचे (Independence Day) फोटोही व्हायरल होतात. पाकिस्तानी सिलेब्रिटी देखील स्वातंत्र्य दिनाच्या उत्साहात रमून जातात. स्वातंत्र्य दिनाच्या सोहळ्यात पाकिस्तानी कलाकारही सहभागी झाले असल्याचं पाहायला मिळतं. दरम्यान, देशाचा स्वातंत्र्य दिन साजरा करताना पाकिस्तानी अभिनेत्रींनी असे काही केले की, तिच्यावर सर्वत्र टीका होऊ लागली. सध्या पाकिस्तानी अभिनेत्रीचा एक व्हिडीओ (Viral Video) सोशल मीडियात व्हायरल होत आहे.
पाकिस्तानी अभिनेत्रींचा व्हिडीओ व्हायरल, नेटकऱ्यांनी उडवली खिल्ली, कारण...(Pakistani Actresses Trolled For Using Alia Bhatts Raazi Song)
14 ऑगस्ट रोजी पाकिस्तानी अभिनेत्रींनी स्वातंत्र्य दिन साजरा केला. 4- 5 अभिनेत्रींनी मिळून एकत्र आलिया भट्टचा सिनेमा 'राझी' या सिनेमातील गाण्यावर व्हिडीओ तयार केला. 'ऐ वतन वतन मेरे आबाद रहे तू', या गाण्यावर पाकिस्तानी अभिनेत्रींनी व्हिडीओ तयार केला. 'ऐ वतन वतन मेरे आबाद रहे तू' हे गाणं भारतीय देशभक्तीवर आधारीत गाणं आहे. विशेष म्हणजे, आलिया भट्ट अभिनीत 'राझी' हा सिनेमा एक अँटी - पाकिस्तानी सिनेमा आहे. अशा भारतीय सिनेमातीस गाण्याच्या तालावर त्यांनी पाकिस्तान देशाचे स्वातंत्र्य दिन साजरे केले.
याच कारणामुळे पाकिस्तानी अभिनेत्रींना प्रचंड ट्रोल केलं जातंय. पाकिस्तानी इन्फ्ल्युएंसरने या पाकिस्तानी अभिनेत्रींना ट्रोल केलं. पाकिस्तानी इन्फ्ल्युएंसर Drej Waris याने व्हिडीओ शेअर केला आहे. या व्हिडीओतून त्याने पाकिस्तानी अभिनेत्रींवर त्यांच्या गाणं सिलेक्शनवर संताप व्यक्त केला आहे. तसेच टीकाही केली आहे. इन्स्फ्ल्युएंसरने व्हिडीओत म्हटलं की, 'पाकिस्तानी अभिनेत्री यांना बरेच जण ओळखतात, त्यांनी या गोष्टींची विशेष काळजी घ्यायला हवी', असं त्याने म्हटलंय.
इन्फ्ल्युएंसरने व्हिडीओत म्हटलं की, 'या चित्रपटातील हे गाणं पाकिस्तानी विरोधी होतं. तुम्ही वरिष्ठ अभिनेत्री आहात. तुम्हाला या गोष्टी ठाऊक असायला हव्या. तुम्हा लोकांना काय झालंय यार? या गोष्टीची खिल्ली उडवली जाते. भारतीय देशातील नागरिकही आपली खिल्ली उडवत आहेत. काही दिवसांपासून मी इंडियन व्लॉगर्सचे व्हिडीओ पाहत होतो. ते लोग आपली खिल्ली उडवत होते', असं इन्फ्ल्युएंसर म्हणाला. सध्या पाकिस्तानी अभिनेत्रींचा हा व्हिडीओ सोशल मीडियात व्हायरल होत आहे.
महत्त्वाच्या इतर बातम्या:
अगं बाईईईई! सर्वांचा आवडता ओरीचा मोठा खुलासा, झोपताना बेडजवळ ठेवतो सलमान खानचा फोटो; कारण काय?
महत्त्वाच्या बातम्या
