Uday Samant and Eknath Shinde: उदय सामंतांना उपमुख्यमंत्री व्हायचंय, एकनाथ शिंदेंना टार्गेट करण्यासाठी त्यांनीच मनोज जरांगेला सुपारी दिलेय; नवनाथ वाघमारेंचा सनसनाटी आरोप

Uday Samant and Eknath Shinde: राज्यात मराठा विरुद्ध ओबीसी दंगल झाली तर उदय सामंत-प्रसाद लाड जबाबदार असतील. तेच मनोज जरांगे पाटील यांना रसद पुरवत आहेत.

Uday Samant and Eknath Shinde

Source : ABP Live

Uday Samant and Eknath Shinde: उद्या राज्यात मराठा आणि ओबीसी समाजातील तणाव वाढून त्यांच्यात दंगल झाली तर त्यासाठी दोन नेते जबाबदार असतील, ते म्हणजे उदय सामंत (Uday Samant) आणि प्रसाद लाड. हे दोन्ही नेते मनोज जरांगे (Manoj Jarange Patil) यांना आर्थिक रसद पुरवून हा विषय तापता ठेवत आहेत. उदय सामंत यांना आता उपमुख्यमंत्री व्हायची स्वप्नं पडत आहेत. त्यामुळे तो मनोज जरांगे याला भुंकायला सांगत आहे, सुपारी देऊन एकनाथ शिंदे (Eknath Shinde) यांना टार्गेट करायला सांगत आहे, असा सनसनाटी आरोप ओबीसी आंदोलक नवनाथ वाघमारे (Navnath Waghmare) यांनी केले. ते जालन्यात प्रसारमाध्यमांशी बोलत होते. यावेळी त्यांनी  मनोज जरांगे, उदय सामंत आणि प्रसाद लाड यांच्यावर जहरी शब्दांत टीका केली. (Maharashtra Politics)

एकनाथ शिंदे यांनी गद्दारीचा ठसा पुसण्यासाठी मनोज जरांगेच्या खांद्यावर बंदूक ठेवून मराठा समाजाला जवळ केले.  पण आता मनोज जरांगे त्यांच्यावरच उलटला आहे.  उदय सामंत याला आता सतत उपमुख्यमंत्री व्हायची स्वप्नं पडत आहेत. त्यामुळे तो एकनाथ शिंदे यांना टार्गेट करण्यासाठी तो मनोज जरांगे यांना भुंकायला सांगत आहे. लवकरच उदय सामंत हे भाजपवासी झालेले दिसतील, असा दावा नवनाथ वाघमारे यांनी केला. मध्यंतरी उदय सामंत हे भाजपच्या संपर्कात होते. उदय सामंतहे शिवसेनेतील एक गट फोडण्याच्या तयारीत होते. उदय सामंत शिंदे गटात अस्थिर आहेत. त्यांच्याकडे उद्योग खाते आहे, या माध्यमातून ते मनोज जरांगेला कोट्यवधी रुपये देऊन एकनाथ शिंदेंच्या विरोधात बोलायला सांगत आहेत. जेणेकरुन एकनाथ शिंदे यांचे अस्तित्व कमी होईल. यानंतर शिवसेना आमदारांचा एक गट फोडण्याची उदय सामंत यांनी योजना आहे, असे नवनाथ वाघमारे यांनी म्हटले. 

तसेच प्रसाद लाड यांना मंत्रि‍पदाची स्वप्नं पडू लागली आहे. मनोज जरांगेने मुख्यमंत्र्यांवर टीका केल्यावर ते लगेच उत्तर द्यायला येतात. मात्र, तेच मनोज जरांगे याला रसद पुरवून चर्चेत राहण्याचा प्रयत्न करत आहेत. प्रसाद लाड याला सरकारने अनेक टेंडर दिले आहे. या माध्यमातून त्याने अमाप संपत्ती गोळा केली आहे. प्रसाद लाड यांनी अमाप संपत्ती गोळा केली आहे. राज्य सरकारनेच दूध पाजलेय या सापाला, तोच आता त्यांना डसतोय उद्या राज्यात मराठा विरुद्ध ओबीसी दंगल झाली तर उदय सामंत-प्रसाद लाड हे दोन नेते जबाबदार असतील. तेच मनोज जरांगे यांना रसद पुरवत आहेत. मनोज जरांगे यांच्याकडे लक्ष देऊ नका. पण हे दोघे कुठे जाताहेत यावर सरकारने लक्ष ठेवावे. या दोघांनी रसद पुरवली नाही तर मनोज जरांगे काहीच करु शकत नाही. ओबीसी समाजाचे आरक्षण संपवण्यासाठी उदय सामंत आणि प्रसाद लाड या दोघांना पुढे केले जात आहे. मुख्यमंत्री आणि दोन्ही उपमुख्यांनी या दोघांपासून सावध राहिले पाहिजे, असे नवनाथ वाघमारे यांनी म्हटले.

आणखी वाचा