एक्स्प्लोर

VIDEO : 'मी साताऱ्याची गुलछडी..' गौतमी पाटीलचा दहिहंडी उत्सवात तुफान डान्स, स्टेज दणाणून सोडला

Gautami Patil dance at Magathane dahi handi utsav 2025 : नृत्यांगणा गौतमी पाटील हिचा मागाठाणे येथील दहिहंडी उत्सवात तुफान डान्स पाहायला मिळालाय.

By : जगदीश ढोले | Updated at : 16 Aug 2025 02:02 PM (IST)

Gautami Patil dance at Magathane dahi handi utsav 2025

Gautami Patil dance at Magathane dahi handi utsav 2025 : नृत्यांगणा गौतमी पाटील हिचा मागाठाणे येथील दहिहांडी उत्सवात खास डान्स पाहायला मिळालाय. दहिहांडी उत्सवातील गौतमी पाटीलचा हा डान्स पाहाण्यासाठी मोठी गर्दी झाली होती. (Gautami Patil dance at Magathane dahi handi utsav 2025) यावेळी तिने पिवळ्या रंगाची साडी नेसली होती. गौतमी पाटील यावेळी स्टेजवर 'चढविला पट्टा कमरेवरी' आणि चंद्रा या गाण्यावर डान्स केलेला पाहायला मिळाला. गौतमी पाटीलाचा हा डान्स व्हिडीओ सोशल मीडियावर तुफान व्हायरल झालाय. (Gautami Patil dance at Magathane dahi handi utsav 2025)

Gautami Patil LIVE | Prakash Surve Magathane Dahi Handi LIVE | ABP Majha LIVE

यावेळी गौतमी पाटील म्हणाली, कसे आहात मुंबईकर? बाप रे बाप...इथं लयच राडा आहे. नादच करायचा नाही, मुंबईकरांचा नाद करायचा नाही. दहिहंडी जोरातच असते. मी पहिल्यांदा मुंबईत दहिहंडीचा कार्यक्रम करायला लागले. मला पहिल्यांदा तुम्ही संधी दिली आहे. प्रकाशदादांनी मला पहिल्यांदा संधी दिलीये. या स्टेजपासून आणि या कार्यक्रमापासूनच माझी मुंबईतील कार्यक्रम सुरु झाले आहेत. मी तुमचे खूप खूप आभार मानते. प्रकाशदादा आणि राजदादा तुमचे खूप आभार मानते. हे माझं तिसरं वर्ष आहे. माझ्यासोबत तुम्ही पण राडा घालायचा आहे.

गेल्या तीन वर्षांपासून मुंबईतील दहिहंडी उत्सवात गौतमी पाटीलचा तुफान डान्स पाहायला मिळतोय. त्यामुळे ग्रामीण भागातील गौतमी पाटीलची क्रेझ आता शहरी भागातही पोहोचू लागली आहे. तिच्या डान्स कार्यक्रमाला मुंबईकरांनी देखील मोठ्या प्रमाणात प्रतिसाद मिळतोय. शिंदेंच्या शिवसेनेचे आमदार प्रकाश सुर्वे यांच्याकडून आयोजित करण्यात आलेल्या दहिहंडी उत्सवात गौतमी पाटील गेल्या 2-3 वर्षांपासून डान्स करताना पाहायला मिळत आहे. सुरुवातील स्टेज आणि लावणी डान्सर म्हणून ओळखली जाणारी गौतमी पाटील आता सिनेक्षेत्रात झळकू लागली आहे. टेलिव्हिजन मालिकांमध्ये देखील तिला वेगवेगळ्या भूमिका मिळू लागल्या आहेत. देवमाणूस या मालिकेत ती लावणी कलाकाराच्या भूमिकेत पाहायला मिळाली होती. तिचा या मालिकेत रोमँटिक सीन देखील पाहायला मिळाला होता. सध्या ती दहिहंडी उत्सवातील तिच्या कार्यक्रमामुळे चर्चेत आली आहे.